«كوپ جۇمىس ىستەلىپ جاتىر. سوڭعى 3 جىلدا عانا جوعارى لاۋازىمدى شەنەۋنىكتەر مەن مەملەكەتتىك كومپانيالاردىڭ باسشىلارىن قوسا العاندا, جەمقورلىق ءۇشىن 2,5 مىڭنان استام ادام سوتتالدى. وسى ۋاقىت ىشىندە ولاردىڭ 17 ميلليارد تەڭگە كولەمىندە كەلتىرگەن زالالى وتەلدى», دەدى ەلباسى.
ول مەملەكەتتىك ورگاندارداعى پروتسەستەردى, سونىڭ ىشىندە ولاردىڭ حالىقپەن جانە بيزنەسپەن قارىم-قاتىناسىن تسيفرلاندىرۋ ماڭىزدى بولىپ سانالاتىنىن ايتتى. اتاپ ايتقاندا, ازاماتتار ءوز وتىنىشتەرىنىڭ قالاي قاراستىرىلىپ جاتقانىن كورىپ, دەر كەزىندە ساپالى جاۋاپ الۋعا ءتيىس.
«سوت جانە قۇقىق قورعاۋ جۇيەلەرىن ينستيتۋتسيونالدى تۇرعىدان وزگەرتۋ جۇزەگە اسىرىلۋدا. زاڭناماعا قىلمىستىق پروتسەستەگى ازاماتتاردىڭ قۇقىقتارىن قورعاۋ ءىسىن كۇشەيتۋدى, ونىڭ اسىرە قاتاڭدىعىن باسەڭدەتۋدى كوزدەيتىن نورمالار ەنگىزىلدى», دەدى مەملەكەت باسشىسى.
نۇرسۇلتان نازارباەۆتىڭ ايتۋىنشا ادۆوكاتتاردىڭ قۇقىقتارى مەن سوتقا دەيىنگى ساتىداعى سوت باقىلاۋىنىڭ اياسى كەڭەيدى.
«قۇقىق قورعاۋ ورگاندارىنىڭ وكىلەتتىگى مەن جاۋاپكەرشىلىك شەگى ايقىندالدى. ازاماتتاردىڭ كونستيتۋتسيالىق قۇقىقتارىنا كەپىلدىكتى نىعايتۋ, قۇقىق ۇستەمدىگىن قامتاماسىز ەتۋ, قۇقىق قورعاۋ قىزمەتىن ىزگىلەندىرۋ جۇمىستارىن جالعاستىرۋ قاجەت. قوعامدىق ءتارتىپتى ساقتاۋ جانە قاۋىپسىزدىكتى قامتاماسىز ەتۋ سالاسىندا كوشەلەردە جانە ادام كوپ جينالاتىن قوعامدىق ورىنداردا بەينەباقىلاۋ جۇرگىزەتىن, ازاماتتاردى انىقتايتىن جانە جول قوزعالىسىن قاداعالايتىن ينتەللەكتۋالدى جۇيەلەردى بەلسەندى تۇردە ەنگىزۋ كەرەك», دەدى مەملەكەت باسشىسى.
