وسى شارانىڭ اياسىندا ايەلدەر اراسىنداعى حوككەي ليگاسىنىڭ جۇلدىزدارىنىڭ ياعني, ەكى كوماندانىڭ ەڭ مىقتى دەگەن ويىنشىلارى كەزدەسەدى. قازاقستاندىقتاردىڭ اتىنان بۇل ويىنعا «توميريس» ايەلدەر كومانداسىنىڭ سپورتشىلارى قاتىسادى. سونداي-اق, جاستار اراسىنداعى حوككەي ليگاسىنىڭ ويىنشىلارى دا قاتىسىپ, ءوز ونەرلەرىن ورتاعا سالاتىن بولادى.
ال, ماستەر شوۋعا قۇرلىقتىق حوككەي ليگاسىنىڭ ۇزدىك حوككەيشىلەرى قاتىسىپ, وسى سپورت تۇرىندەگى ءار ءتۇرلى ەلەمەنتتەرىن كورسەتەتىن بولادى. سونىمەن قاتار, 14 كۇنى وتەتىن كەزدەسۋ بۇل قۇرلىقتىق حوككەي ليگاسىنداعى بارلىق ۇزدىك ويىنشىلاردان جاساقتالعان ەكى كوماندانىڭ اراسىنداعى كەزدەسۋ بولادى. ايتا كەتەيىك, اتالمىش ويىنعا استانالىق «بارىس» كومانداسىنىڭ حوككەيشىلەرى دە قاتىسادى.
حوككەي اپتالىعى «بارىس ارەنا» مۇز ايدىنىندا ءبىرىنشى بولىپ ايەلدەر ليگاسىنىڭ ۇزدىكتەرىنىڭ شىعۋىنان باستالادى. ۇزىلىستەردە ءاحل ۇزدىكتەرى جىلدامدىققا, تەحنيكالىق ويىنعا بايلانىستى ءتۇرلى جاتتىعۋ كورسەتىپ, تاجىريبەلەرىمەن بولىسەتىن بولادى.
ال, 11 قاڭتار كۇنى جاستار حوككەي ليگاسى ءداستۇرلى «شىعىس» جانە «باتىس» بولىپ جەكپە-جەك كۋبوگى جەڭىمپازدارىن انىقتايتىن بولادى.
جۇلدىزدى اپتانى قۇرلىقتىق حوككەي ليگاسى ءتورت ديۆيزيونىنىڭ قۇرامالارى قورىتىندىلايدى.
قحل جۇلدىزدارىنىڭ كەزدەسۋىن «QAZSPORT» تەلەارناسىنان تىكەلەي ەفيردە كورە الاسىزدار. تومەندە كورسەتىلىمدەر كەستەسىنىڭ ۋاقىتى كورسەتىلگەن.
