ء«ونىمنىڭ قاي ءتۇرىن الساق تا ادام اعزاسىنا وتە پايدالى. ماسەلەن, قاراقۇمىق بالىنىڭ قۇرامىندا تەمىر مولشەرى وتە جەتكىلىكتى. انەميا اۋرۋىنان ايىعۋعا كومەكتەسەدى. قان اينالىمىن قالپىنا كەلتىرەدى. باۋىردىڭ جۇمىسىن جاقسارتادى», دەيدى ساتۋشى-كەڭەسشى اناستاسيا ەكيموۆا.
جارمەڭكەگە رەسەيلىك ومارتاشىلار بالدىڭ 20-دان اسا ءتۇرىن اكەلىپتى. باعالارى ارقيلى. مىسالى, ارا جەلىمىنەن جاسالعان ءونىمنىڭ 1 كەلىسى 2800 تەڭگە تۇرادى. ەڭ قىمباتى – بالتوزاڭ بالى. ونىڭ 1 كەلىسى 6 مىڭ تەڭگە. جۇرەك اۋرۋلارىنان ساۋىقتىرۋىمەن ەرەكشەلەنەدى.
جارمەڭكەدە توزاڭنىڭ ءوزى دە ساتىلادى. ونىڭ بەتتەگى ءاجىمدى كەتىرەتىن كومەگى بار كورىنەدى. قىز-كەلىنشەكتەر تاراپىنان سۇرانىس جوعارى. مەيماندار قالامىزعا ايگىلى ازوۆ حالۆاسىن دا اكەلىپتى. ازوۆ قالاسىندا شىعارىلاتىن ءونىم 80 جىلدارداعى ءادىس بويىنشا ازىرلەنگەن. ءونىم كۇنباعىس پەن قانت قوسپاسىنان دايىندالادى. ءدامى ءتىل ۇيىرەدى.
رەسەيلىك ومارتاشىلار ۇيىمداستىرعان بال جارمەڭكەسى قاڭتاردىڭ 14-ىنە دەيىن جالعاسادى.
ءومىر ەسقالي,
«ەگەمەن قازاقستان»
