ماڭعىستاۋ وبلىسىنىڭ قارجى باسقارماسىنىڭ باسشىسى البەكوۆا مارينا بوريسوۆنانىڭ بايانداماسىنا سايكەس, 2018 جىلدىڭ 1 قاڭتارىندا وبلىس بيۋدجەتىنىڭ بارلىق دەڭگەيدەگى تابىسى (337,9 ملرد. تەڭگە جوسپارىمەن سالىق تولەمدەرى مەن 335,6 ملرد. تەڭگە الىمدارى) 99,3% بولدى. سونداي-اق رەسپۋبليكالىق بيۋدجەتتىڭ كىرىسى 203,1 ملرد. تەڭگە جوسپارىمەن 204,2 ملرد. تەڭگە نەمەسە 100,5%-دى قۇراپ, ارتىق ورىندالدى.
جەرگىلىكتى بيۋدجەتكە 131,4 ملرد. تەڭگە نەمەسە ورىندالۋدىڭ 97,4% -ى ءتۇستى. اۋداندار مەن قالالاردىڭ جەرگىلىكتى بيۋدجەتتەرىنىڭ ءۇشىنشى ساناتتاعى تابىستارى 98%-دان 103,3%-عا دەيىن ورىندالدى. 2017 جىلدىڭ قورىتىندىسى بويىنشا وبلىستىق بيۋدجەتتىڭ شىعىستارى 175,8 ملرد. تەڭگەگە نەمەسە جىلدىق جوسپاردىڭ 97,6%-ى, ونىڭ ىشىندە جەرگىلىكتى بيۋدجەت 97%, ماقساتتى ترانسفەرتتەر 99,6%-عا ورىندالدى. (2016 ج. 183,1 ملرد.تەڭگە نەمەسە 98,3%, ونىڭ ىشىندە: جب - 98,4%, مT - 97,9%).
جىل سوڭىندا تابىستىڭ جالپى جەتىسپەۋشىلىگىنەن تۋىنداعان قارجى جەتىسپەۋشىلىگى جەرگىلىكتى بيۋدجەتتىڭ يگەرىلۋىنە اسەر ەتكەنى بايقالدى. وبلىس بويىنشا يگەرىلمەگەن قارجىنىڭ جالپى سوماسى – 4 316 ملن.تەڭگەنى قۇرادى. ونىڭ ىشىندە 4 165 ملن.تەڭگە جەرگىلىكتى بيۋدجەتكە, 151 ملن. تەڭگە (ەكونوميا) ماقساتتى ترانسفەرتتەر مەن رب (رەسپۋبليكالىق بيۋدجەت) نەسيەلەرىنە تيەسىلى. رەسپۋبليكالىق بيۋدجەتتىڭ ماقساتتى ترانسفەرتتەرىنىڭ جىلدىق جوسپارى 39 ملرد. تەڭگەنى قۇراپ, ونىڭ 38,8 ملرد. تەڭگەسى (99,6%) يگەرىلدى. يگەرىلمەگەن جانە 2018 جىلدىڭ 1 ناۋرىزىنا دەيىن رب كىرىسىنە قايتارىلۋى ءتيىس ۇنەمدەلگەن قارجىنىڭ جالپى سوماسى – 150,6 ملن. تەڭگە. جەرگىلىكتى بيۋدجەت شىعىندارىنىڭ جىلدىق جوسپارى 141,1 ملرد. تەڭگەنى قۇراپ, ونىڭ 137 ملرد تەڭگەسى نەمەسە 97%-ى يگەرىلدى.
سونىمەن قاتار, اپپاراتتىق جيىندا 2017-2018 جىلدارعا ارنالعان كەشەندى جەكەشەلەندىرۋ جوسپارىنا سايكەس ماڭعىستاۋ وبلىسىندا 20 نىسان جەكەشەلەندىرىلەتىنى جونىندە ايتىلدى.
2017 جىلى بارلىعى 15 نىساندى جەكەشەلەندىرۋ جوسپارلانىپ, جىل قورتىندىسى بويىنشا 6 نىسان جۇزەگە اسىرىلدى. اتاپ ايتساق, 25,9 ملن. تەڭگەگە 2 نىسان ساتىلدى, سەنىمدى باسقارۋعا 1 نىسان بەرىلدى, جويۋىلۋىنا بايلانىستى 3 نىسان اۋكتسيوننان الىندى. قالعان 9 وبەكت اۋكتسيونعا قاتىسۋشىلاردىڭ بولماۋىنا بايلانىستى جارامسىز دەپ تانىلدى. 2018 جىلى جەكەشەلەندىرۋگە 5 نىسان قاراستىرىلدى.
دەنساۋلىق ساقتاۋ جۇيەسىنىڭ ينفراقۇرىلىمىن دامىتۋدىڭ بىرىڭعاي ۇزاق مەرزىمدى جوسپارى جونىندە ماڭعىستاۋ وبلىستىق دەنساۋلىق ساقتاۋ باسقارماسى باسشىسىنىڭ ۋاقىتشا مىندەتىن اتقارۋشى تالعاتبەك باپيەۆ باياندادى.
ماڭعىستاۋ وبلىسىندا مەديتسينالىق ۇيىمدار جەلىسىن قۇرۋ ماقساتىندا مەملەكەتتىك ستاندارتقا سايكەس 2017-2025 جىلدارعا ارنالعان دەنساۋلىق ساقتاۋ ينفراقۇرىلىمىن دامىتۋدىڭ بىرىڭعاي ۇزاق مەرزىمدى جوسپارى ازىرلەندى. اتالمىش جوسپارعا سايكەس وبلىستا 10 اۋرۋحانا مەن 29 امبۋلاتوريالىق ەمحانا قۇرىلىسى جوسپارلاندى. ولاردىڭ ىشىندە ءمجا مەحانيزمىنە سايكەس - 12, مۇناي كومپانيالارىنان - 2, جەكە تۇلعالاردان - 4, جب -2 نىسان سالىنباق.
ءمجا مەحانيزمى بويىنشا اقتاۋ قالاسىنداعى 35-شاعىناۋداننان 535 توسەك ورىندىق كوپفۋنكتسيونالدى اۋرۋحانا سالۋ جوسپارعا ەنگىزىلدى. ول بالالار مەن ەرەسەكتەرگە ارنالعان 13 مامانداندىرىلعان ورتالىقتى قامتيدى. اۋرۋحاناعا كورشى اتىراۋ جانە باتىس قازاقستان وبلىستارىنان دا ناۋقاستار جاتقىزىلماق. قازىرگى تاڭدا اتىراۋ وبلىسىمەن كەلىسىم شارت جاسالدى.
ماڭعىستاۋ وبلىسىنىڭ جەدەل جاردەم قىزمەتىن وڭتايلاندىرۋ وبلىس كولەمىندە بىرىڭعاي ديسپەتچەرلىك سەرۆيسپەن ورتالىقتاندىرۋدى كوزدەيدى. جاڭا ءتاسىل جەدەل جاردەم قىزمەتىن جاڭارتۋدى جانە ايماقتاعى 25 مودۋلدىك قوسالقى ستانتسيانىڭ اشىلۋىن قامتاماسىز ەتەدى.
-بۇل جەدەل جاردەم بريگادالارىنىڭ كەلۋ ۋاقىتىن 5-7 مينۋتقا قىسقارتىپ, پاتسيەنتتەردى تاسىمالداۋ ساتىسىندا ءولىم-ءجىتىمدى ازايتادى, ءساتتى رەانيماتسيا قىزمەتىن 80%-عا دەيىن جانە شۇعىل مەديتسينالىق كومەك كورسەتۋ جىلدامدىعىن 100% -عا دەيىن ارتتىرادى, دەيدى ماڭعىستاۋ وبلىستىق دەنساۋلىق ساقتاۋ باسقارماسى باسشىسىنىڭ ۋاقىتشا مىندەتىن اتقارۋشى تالعاتبەك باپيەۆ.
گۇلايىم شىنتەمىرقىزى,
«ەگەمەن قازاقستان»
