سىرىم اۋداندىق ءبىلىم بەرۋ ءبولىمى مەن اۋداندىق كاسىپوداق ۇيىمىنىڭ ۇيىمداستىرۋىمەن وتكەن سايىستا مۇعالىمدەر اقىننىڭ ولەڭدەرىن مانەرلەپ وقىپ, قادىرعا ولەڭ ارناپ, اقىن سوزىنە جازىلعان اندەردى ورىندادى.
بايقاۋدىڭ ء«سوزدىڭ ءبارى قۇدىرەتتى» اتتى بولىمىندە اقىن شىعارمالارىن مانەرلەپ وقۋدان بۇلدىرتى ورتا مەكتەبىنەن كەلگەن ميرا نەسىپقاليەۆا باس جۇلدەنى ەنشىلەدى. «قۋىپ شىعار قىزىل ءسوزدى وي كەيىن» اتالىمىندا تاسقۇدىق نەگىزگى مەكتەبىنەن كەلگەن ساتىم قاجىگەرەەۆكە باس بايگە بۇيىردى. ال قادىر اقىننىڭ سوزىنە جازىلعان اندەردى ورىنداۋ تالاپ ەتىلگەن «كەيبىر جىرىم ءدان ۇشىرىپ قىرماندا, كەيبىر جىرىم باقتاشى بوپ ءجۇر ماڭدا» اتتى بولىمدە تاسقۇدىق نەگىزگى مەكتەبىنەن نۇرگۇل تالبليموۆا جەڭىمپاز اتاندى.
– جاس ۇرپاققا ءبىلىم بەرىپ جۇرگەن ۇستازدار قاۋىمىنىڭ قادىر مىرزا ءالى اقىننىڭ شىعارماشىلىعىن جەتە ءبىلۋى وتە ماڭىزدى. ايگىلى اقىن تۋعان توپىراق وكىلى بولعاندىقتان ءبىزدىڭ موينىمىزدا ەرەكشە جاۋاپكەرشىلىك بار, – دەيدى سىرىم اۋدانى اكىمىنىڭ ورىنباسارى اسلانبەك سارقۇلوۆ.
بايقاۋدان سوڭ جەڭىمپازدار مەن جۇلدەگەرلەر جىمپيتى سەلوسىنداعى قادىر ەسكەرتكىشىنە گۇل شوعىن قويىپ, اقىن ارۋاعىنا قۇرمەت كورسەتتى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى
