بۇگىن ۇلتتىق ەكونوميكا ءمينيسترى تيمۋر سۇلەيمەنوۆ ۇلتتىق كومپانيا ۇجىمىنا جاڭا باسشىنى تانىستىرىپ, الداعى جۇمىستىڭ باعىت-باعدارىنا توقتالىپ ءوتتى.
«مەملەكەت باسشىسى ن.نازارباەۆتىڭ تاپسىرماسىنا سايكەس, «استانا ەكسپو-2017» ۇك» اق الداعى ۋاقىتتا ءوز جۇمىسىن جالعاستىرىپ, جاۋاپكەرشىلىگى مول مىندەتتەمەلەردى جۇزەگە اسىراتىن بولادى. بيىل تسيفرلىق قازاقستان باعىتىنداعى ماڭىزدى ەلەمەنتتەردىڭ ءبىرى - «استانا» حالىقارالىق قارجى ورتالىعى جانە IT-ستارتاپتار تەحنوپاركى ءوز جۇمىسىن باستاۋى ءتيىس», - دەدى مينيستر.
ە.شورمانوۆ 2015 جىلعى 20 تامىزدان باستاپ «استانا ەكسپو-2017» ۇك» اق باسقارما توراعاسىنىڭ ورىنباسارى, كەيىن باسقارما توراعاسىنىڭ مىندەتىن اتقارۋشى قىزمەتىن اتقاردى.
ايتا كەتەيىك, شورمانوۆ ەربول الىمقۇل ۇلى 1968 جىلعى 20 تامىزدا دۇنيەگە كەلگەن. ول الماتى حالىق شارۋاشىلىعى ينستيتۋتىن تامامداعان. ەربول شورمانوۆ ەڭبەك جولىن 1991 جىلى قر كەدەن ورگاندارىندا باستاپ, 2005 جىلعا دەيىن قىزمەت ەتتى.
ۇلتتىق كومپانياعا دەيىن, الماتى قالاسى اكىمىنىڭ ورىنباسارى لاۋازىمىندا شاھارداعى تۇرعىن ءۇي-كوممۋنالدىق شارۋاشىلىعى, اباتتاندىرۋ, ەكولوگيا, ەنەرگەتيكا, ونەركاسىپ, ساۋدا, شاعىن بيزنەس, سانيتارلىق-ەپيدەميالوگيالىق احۋال ماسەلەلەرىن قاداعالادى. سونداي-اق, الماتى قالاسى اكىمى اپپاراتىنا, كاسىپكەرلىك جانە ونەركاسىپ دەپارتامەنتىنە جەتەكشىلىك ەتتى.
