سونىڭ ىشىندە مەملەكەتتىك ورگانداردىڭ ءتيىمدى جۇيەسى مەن قۇرىلىمى جاسالىپ, مەملەكەتتى باسقارۋدىڭ ۇتىمدى ۇلگىسى ىسكە قوسىلعاندىعىن دا اتاپ وتكەن ءجون. ەلباسى ن.نازارباەۆتىڭ «قازاقستان-2050» ستراتەگياسىندا «مەملەكەتتىك قىزمەت كورسەتۋ – بۇل ەلىمىزدىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشى» دەپ اتاپ وتىلگەن بولاتىن. وسىعان بايلانىستى, مەملەكەتتىك ورگاندار قىزمەتىنىڭ تيىمدىلىگىن ارتتىرۋعا جانە اتالعان سالانىڭ دامۋىنا باستى نازار اۋدارۋىمىز قاجەت.
بۇعان قاتىستى قاراعاندى وبلىسىندا ءبىرشاما اۋقىمدى ءىس-شارالار اتقارىلىپ كەلەدى. ايتالىق, جاڭاارقا اۋدانىنىڭ اتقارۋشى ورگاندارى اعىمداعى جىلى مەملەكەتتىك قىزمەت كورسەتۋدىڭ تۇرلەرىن ءوز دەڭگەيىندە جۇزەگە اسىرعان. ءبىر جىل ىشىندە اتالمىش اۋداننىڭ اتقارۋشى ورگاندارى بارلىعى 69 238 مەملەكەتتىك قىزمەت كورسەتىپتى. ونىڭ ىشىندە زامان تالابىنا ساي جابدىقتالعان حالىققا قىزمەت كورسەتۋ ورتالىقتارى ارقىلى كورسەتىلگەن مەملەكەتتىك قىزمەتتەر دە بار. مىسالى, «ەلەكتروندى ۇكىمەت» ۆەب-پورتالى ارقىلى 97 مەملەكەتتىك قىزمەت كورسەتىلگەن. سونىمەن قاتار ەلباسىنىڭ جولداۋىن جۇزەگە اسىرۋ ماقساتىندا اۋدان تۇرعىندارىن مەملەكەتتىك كورسەتىلەتىن قىزمەتتەردى ەلەكتروندى فورماتتا جانە مەملەكەتتىك كورسەتىلەتىن قىزمەتتى «ەلەكتروندى ۇكىمەتتىڭ» ۆەب-پورتالى ارقىلى الۋ, سونىمەن قاتار اقپاراتتىق ساۋاتتىلىقتى ارتتىرۋعا باعىتتالعان اۋدان ورتالىعىنىڭ تۇرعىلىقتى حالىق كوپ شوعىرلانعان كوشەلەرىنە, اۋداننىڭ بارلىق كەنت جانە اۋىلدىق وكرۋگتەرىندە تاقىرىپتىق باننەرلەر ورناتىلعاندىعى دا وسى جۇمىستاردىڭ ناتيجەلى جالعاسى بولىپ ەسەپتەلەدى.
جاڭاارقا اۋدانى بويىنشا مەملەكەتتىك قىزمەت كورسەتەتىن ءبولىم قىزمەتكەرلەرىنىڭ قاتىسۋىمەن وتكەن كورسەتىلەتىن مەملەكەتتىك قىزمەتتەردىڭ جارمەڭكەسىن دە كوپشىلىك كوڭىلىنەن شىقتى دەۋگە بولادى. جارمەڭكەنىڭ ماقساتى – اۋدان تۇرعىندارىنا مەملەكەتتىك قىزمەت كورسەتۋ بويىنشا كەڭەس بەرۋ, كورسەتىلەتىن مەملەكەتتىك قىزمەتتەردى بارىنشا وڭتايلاندىرۋ, قولجەتىمدىلىكتى دامىتۋ, ساپاسىن ارتتىرۋ جانە «ەلەكتروندى ۇكىمەت» پورتالى «Egov» ارقىلى كورسەتىلەتىن قىزمەتتەر تۋرالى حالىققا كەڭىنەن ءتۇسىندىرۋ. اۋدان تۇرعىندارى ءۇشىن بۇل جارمەڭكەنىڭ ماڭىزى زور ەكەنى بەلگىلى. سەبەبى مەملەكەتتىك كورسەتىلەتىن قىزمەتتەردىڭ جارمەڭكەسىندە اۋدان تۇرعىندارى بارلىق سالالار بويىنشا سۇراق قويىپ, جاۋاپ الۋ مۇمكىندىگىنە يە بولادى.
سونىمەن بىرگە ەلباسى جولداۋىندا كوزدەلگەن ءىس-شارانى جۇزەگە اسىرۋ ماقساتىندا اتالمىش اۋدان اكىمدىگىنە قاراستى ءبولىم ۇيىمدارى, مەكەمەنىڭ بارلىق قىزمەتشىلەرى جەدەل تۇردە ەلەكتروندى تسيفرلى قولتاڭبا (ەتسق) اشىپ بەرۋ بويىنشا ءتيىستى جوسپار-كەستە بەكىتكەن. وسىعان وراي ەلەكتروندى تسيفرلى قولتاڭبامەن قامتاماسىز ەتۋ جانە مەملەكەتتىك قىزمەتتەردى بارىنشا ەلەكتروندى تۇردە, ياعني «ەلەكتروندى ۇكىمەت» پورتالى» ارقىلى الۋدىڭ تيىمدىلىگىن كەڭىنەن ناسيحاتتاۋ جۇمىستارى جۇرگىزىلگەندىگى قۋانتادى. سونداي-اق «وزىنە-ءوزى قىزمەت كورسەتۋ بۇرىشتارىن» كەنت جانە اۋىلدىق وكرۋگتەر اكىمشىلىكتەرىندە جانداندىرۋ جۇمىستارى جۇرگىزىلىپ ۇيىمداستىرىلعان.
جالپى, مەملەكەتىمىزدە قىزمەت الۋشىلاردىڭ مەملەكەتتىك قىزمەتتەردى الۋ ءتارتىبى تۋرالى حاباردار بولۋ دەڭگەيىن ارتتىرۋ بويىنشا جۇمىستار جۇرگىزىلەدى. وعان بايلانىستى دا جاڭاارقا اۋدانى سەمينار-كەڭەستەر, دوڭگەلەك ۇستەلدەر, بريفينگتەر, كونفەرەنتسيالار مەن باسقا دا ءىس-شارالار وتكىزىپ تۇراتىن.
ودان بولەك, اۋداندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قاراعاندى وبلىسى بويىنشا دەپارتامەنتى مەن قاراعاندى وبلىسى اكىمى اپپاراتىنىڭ قىزمەتكەرلەرى سەمينار وتكىزگەن. ونىڭ دا باستى مىندەتى جاڭاارقا اۋدانىنىڭ جەرگىلىكتى اتقارۋ ورگاندارىنىڭ ساپالى مەملەكەتتىك قىزمەتتەردى كورسەتۋى, مەملەكەتتىك قىزمەت كورسەتۋ ستاندارتتارىنىڭ نورمالارىن ساقتاۋى بولىپ تابىلادى. بۇگىندە اۋدان كولەمىندە بارلىق مەملەكەتتىك قىزمەت كورسەتەتىن مەكەمەلەردە جانە حقكو عيماراتتارىندا مەملەكەتتىك قىزمەتتەردى الۋ, ولارعا ارىزدانۋ مەرزىمدەرى تۋرالى, سول سياقتى 1414 بىرەگەي بايلانىس ورتالىعى تۋرالى اقپارات ورنالاستىرىلعان. الداعى ۋاقىتتا دا جاڭاارقا اۋدانىندا كورسەتىلىپ جاتقان مەملەكەتتىك قىزمەتتەرگە حالىقتىڭ قولجەتىمدىلىگىن قامتاماسىز ەتۋ ماقساتىندا اۋدان اكىمى اپپاراتىنىڭ رەسمي سايتى جۇمىس ىستەمەك. ول جەردە دە ەلەكتروندى قىزمەتتەردە تۇتىنۋشىلاردىڭ ۇلەسىن كوبەيتۋ, قىزمەت كورسەتۋ مەرزىمدەرىن بۇزۋعا جول بەرمەۋ, كورسەتىلەتىن قىزمەتتەر سانىن ارتتىرۋ باعىتتارىندا جۇمىستار جالعاسىن تاپپاق.
ميراس اسان,
«ەگەمەن قازاقستان»
قاراعاندى وبلىسى,
جاڭاارقا اۋدانى
