تارازدا نە بولدى؟

جاھاندانۋ جەلى بۇكىل دۇنيەنى كەرنەپ بارا جاتىر. جاقسىنى دا اكەلۋدە, جاماندى دا اكەلۋدە. ودان قازاقستان دا اتىمەن سىرت تۇرا المايدى. سولاي ەكەنىنە سوڭعى ايلارداعى وكىنىشتى وقيعالار دا كوز جەتكىزىپ وتىر. كەشە وبلىستىق ءىىد قاراستى «دينامو» سپورت كەشەنىندە قوعام­دىق قاۋىپسىزدىكتى قامتاماسىز ەتۋ ماقسا­تىندا ءوز مىندەتىن ادال اتقا­رىپ, اسا قاۋىپتى قىلمىسكەردى قۇ­رىقتاۋ ۇستىندە ەرلىكپەن قازا تاپ­قان وبلىستىق ءىىد جول پوليتسياسى جەكە باتالونىنىڭ 1-ءشى ۆزۆود كومانديرى, پوليتسيا كاپي­تانى عازيز بايتاسوۆ پەن ماماندان­دىرىلعان كۇزەت قىزمەتى باسقارماسى­نىڭ جەدەل دەن قويۋ ۆزۆودىنىڭ پوليتسيا اعا سەرجانتى پولات ايانقۇلوۆتى اقتىق ساپارعا شىعارىپ سالۋعا ارنالعان قارالى ميتينگ بولدى. عازيز ابدىبەك ۇلى 1971 جىلى جامبىل (تاراز) قالاسىندا دۇنيەگە كەلگەن. ءبىلىمى جوعارى. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. ىشكى ىستەر ورگاندا­رىندا 1992 جىلدان بەرى قىزمەت اتقارعان. وسى ۋاقىتتار ىشىندە ول 2-ءشى جانە 3-ءشى دارەجەلى «ىشكى ىستەر ورگان­دارىنداعى ءمىنسىز قىزمەتى ءۇشىن» مەدالدارىمەن ماراپاتتال­عان. سو­ڭىندا ايەلى مەن ءۇش بالاسى قالدى. ال, پولات قويشىباي ۇلى 1983 جىلى قاراقالپاقستان رەسپۋبليكا­سى­نىڭ قوڭىرات قالاسىندا دۇنيەگە كەلگەن. ءبىلىمى جوعارى, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىن ءتامام­داعان. ىشكى ىستەر ورگاندارىندا 2005 جىلدان قىزمەت اتقارعان. مامانداندىرىلعان كۇزەت قىزمەتى باسقارماسىنىڭ باسشىلىعىمەن ادال جانە ءمىنسىز قىزمەتى ءۇشىن بىرنەشە رەت ماراپاتتالعان. سوڭىندا ايەلى مەن ەكى بالاسى قالدى. قارالى ميتينگىدە وبلىس اكىمى قانات بوزىمباەۆ, وبلىستىق ءىىد باستىعى, پوليتسيا پولكوۆنيگى بەكەت ايماعامبەتوۆ جانە وبلىستىق ىشكى ىستەر ورگاندارى مەن ىشكى اسكەر ارداگەرلەرى كەڭەسىنىڭ توراعاسى ءور­نەكباي سمايىلوۆ اي مەن كۇننىڭ امانىندا مىلتىق اتىپ, قاراپايىم ادامدارعا قارسى وق جاۋدىرعان قانىپەزەر قولىنان ەرلىكپەن قازا تاپقان ءتارتىپ ساقشىلارىنىڭ وتبا­سىنا, تۋعان-تۋىستارىنا قايعىرىپ, كوڭىل ايتتى. بولعان وقيعانى تاراتىپ ايتساق, 1977 جىلى تۋعان م.ك.قاريەۆ وتكەن سەنبى كۇنى تال تۇستە وتە اۋىر قىلمىسقا بارىپ, 7 ادامنىڭ ءومىرىن ءۇزدى. قازا تاپقانداردىڭ 5-ءۋى قۇقىق قورعاۋ ورگاندارىنىڭ قىزمەتكەر­لەرى. سونداي-اق, بۇلاردان باسقا ىشكى ىستەر ورگاندارىنىڭ 3 قىزمەتكەرى ءار ءتۇرلى دەنە جاراقاتىمەن جەدەل جاردەم اۋرۋحاناسىنا ءتۇستى. ۇلتتىق قاۋىپسىزدىك كوميتەتى وبلىستىق دەپارتامەنتىنىڭ 2 قىز­مەت­كەرى سىرتتاي باقىلاپ جۇرگەنىن بايقاعان م.ك.قاريەۆ ولارعا قارسى قارۋلى شابۋىل جاساپ, ەكەۋىن دە ولتىرگەن. بىراق ول وسى قاندى قىل­مىسىنىڭ ءىزىن جاسىرۋدىڭ ورنىنا, لاڭكەستىك ماقساتىنداعى ارەكەتىن ودان ارى جالعاستىرۋ ءۇشىن ت. ءزا­كي­روۆ دەگەن جۇرگىزۋشىگە شابۋىل جاساپ, ونىڭ «مازدا-626» اۆتوكولىگىن ايداپ اكە­تەدى. ءسويتىپ, قالا ورتا­لىعىنا كەلىپ, قارۋ-جاراق دۇكەنىنە شابۋىل جا­سايدى. وكىنىشكە قاراي, ونىڭ بۇل ارەكەتى دە كىسى ولىمىنە اكەلىپ سوق­تىردى. ياعني, قارسى ال­دىنان شىققان دۇكەن قا­را­ۋىلى     ۆ.فە­دورچەنكونى اتىپ ءولتى­رىپ, ءدۇ­كەنگە كەلىپ بەيقام تۇرعان ن.ە. وراز­باقوۆ دەگەن بەيسەۋەت ازاماتتى دا ءولىمشى عىپ جارالايدى. سودان كەيىن قارۋ-جاراق دۇكەنىنەن «سايگا» جانە «CZ» دەپ اتالاتىن جار­تىلاي اۆتومات­تاندىرىلعان قارۋ­لار مەن وق-دارىلەردى «ولجالاپ», سول ماڭداعى «ۆاز-21099» كولىگىنە كۇش­پەن «يەلىك» ەتەدى. دابىل بو­يىنشا سوڭىنا تۇسكەن ماماندان­دى­رىلعان كۇزەت ءبولىمىنىڭ قىزمەتكەر­لەرى, پوليتسيا سەرجانتتارى پ.ك.ايانقۇلوۆ پەن ج.ا.بايسەيىتوۆتى اتىپ ءولتىرىپ, ولار­دىڭ قولىنداعى «كالاشنيكوۆ» اۆتو­ماتى مەن «ماكاروۆ» پيستولەتىن الا كەتەدى. جازىقسىز ادامداردىڭ قانىنا قولى بىلعانعان سايىن قۇتىرعان   م.ك.قاريەۆ بۇدان كەيىن ءوزى ۋاقىتشا تۇرىپ جاتقان ۇيگە كەلىپ رپگ-26 گراناتا اتقىشىن الىپ, ۇلتتىق قاۋىپسىزدىك كوميتەتىنىڭ وب­لىستىق دەپارتامەنتى عيماراتى­نىڭ قابىر­عالارى مەن تەرەزەلەرىنە گراناتا اتقىشپەن جانە اۆتوماتپەن بىرنەشە دۇركىن وق جاۋدىرادى. ءبى­راق ودان عيماراتقا زيان كەلمەگەن جانە كىسى ءولىمى ورىن الماعان. وسىدان كەيىن سوڭىنا تۇسكەن ءتارتىپ ساقشى­لارىنان قاشىپ بارا جاتىپ جول-جونەكەي كەزدەسكەن اتتىلى 2 پوليتسەيدى جاراقاتتايدى. ساعات 13.00-دە ءىىد جول پولي­تسياسى جەكە باتالونى قىزمەتكەر­لەرىنىڭ وعىنان جارالانىپ, قۇرىق­قا تۇسەتىنىن سەزگەن لاڭكەس پوليتسيا كاپيتانى ع.بايتاسوۆتىڭ قولىنان ەندى قاشىپ شىعا المايتىنىن ءبىلىپ, كيىمىنىڭ ىشىنە الدىن الا بايلاپ, دايىنداپ العان جارىلعىش زاتتى ىسكە قوسادى. – ول كاپيتان ع.بايتاسوۆتى دا, باسقا پوليتسەيلەردى دە قاسقاقانا ءولتىردى. ويتكەنى, ول قاشۋدىڭ ورنى­نا, سوڭىنا تۇسكەن پوليتسيا قىز­مەتكەرلەرىنە قارسى قاسارىسىپ وق جاۋدىردى. ال كاپيتان ع.بايتاسوۆ بولسا كەۋدەسىن وق تەسىپ وتكەنىنە قاراماستان, وعان جەتىپ بارىپ, جەرگە قۇلاتتى. مىنە, سول كەزدە لاڭكەس ءوزىن دە, ءبىزدىڭ قىزمەتكەرىمىزدى دە جارىپ جىبەردى. ءبىزدىڭ ارىپتەسىمىز ەرلىكپەن قازا تاپتى, – دەيدى وبلىستىق ءىىد تەرگەۋ باسقارماسى باستىعىنىڭ ورىنباسارى. ەگەر پوليتسيا كاپيتانى ع.بايتاسوۆ لاڭكەستى دەنەسىمەن دەر كەزىندە جاۋىپ ۇلگەرمەگەندە, وندا جارىلعىش زاتتىڭ سالدارىنان سول ماڭداعى تاعى بىرنەشە ادامنىڭ ءومىرى ۇزىلەر مە ەدى, الدە قايتەر ەدى. لاڭكەستى ۇستاۋ كەزىندەگى اتىستا پوليتسيا سەرجانتى س.س.الاشوۆ تا اياعىنان جارالاندى. لاڭكەس جالعىز ارەكەت ەتتى مە, الدە ونىڭ سەرىكتەرى بار ما؟ قازىر وسى وقيعا بويىنشا ۆەدوم­ستۆو­ارالىق ارنايى جەدەل تەرگەۋ توبى قۇرىلىپ, تەكسەرۋ امالدارى ءجۇر­گىزىلۋدە. وبلىستىق ءىىد جەدەل-ىزدەستىرۋ ءىس-شارالارىنىڭ بارىسىندا لاڭكەستىڭ بۇعان دەيىن كوكشەتاۋ قالاسىندا تۇرىپ كەلگەنى جانە «جي­حادشىلاردى» قولدايتىنى جونىندە اقپارات بار. وبلىس اكىمى ق.بوزىمباەۆ سەنبى كۇنى كەشكىلىك جەرگىلىكتى تەلەديدار ارقىلى وبلىس تۇرعىندارىن ابىر­جىماۋعا شاقىرىپ, ال جەكسەنبىدە قازا تاپقان پوليتسيا قىمەتكەر­لە­رىنىڭ وت­باسىنا كوڭىل ايتىپ شىقتى. قازا تاپقان قۇقىق قورعاۋ ورگان­دارى قىز­مەتكەرلەرىنىڭ وتباسىنا قارجىلاي كومەك كورسەتىلەتىنىن دە جەتكىزدى. سونداي-اق, جەدەل جاردەم اۋرۋحانا­سىنا تۇسكەن پوليتسيا قىزمەتكەرلەرىنىڭ كوڭىلىن سۇراپ, ولاردىڭ دەنساۋلىقتا­رىنىڭ جاع­دايى­مەن تانىستى. ال وبلىستىق ءىىد باسشىلىعى لاڭكەستى قۇرىقتاۋ كەزىندە ەرلىكپەن قازا تاپقان پوليتسيا قىزمەتكەرلەرىن مەملەكەتتىك ماراپاتقا ۇسىنباقشى. جەكسەنبى كۇنى قالا تۇرعىندارى پوليتسيا قىزمەتكەرلەرى قازا بولعان جەرگە گۇل شوقتارىن قويىپ, ازا تۇتتى. كوسەمالى ساتتىباي ۇلى, تاراز.