ولاردىڭ قاتارىندا عىلىم, ءبىلىم, ونەر, دەنساۋلىق ساقتاۋ, سپورت سالالارىنىڭ بەلسەندى وكىلدەرى, مادەنيەت جانە ونەر قايراتكەرلەرى بولدى.
مارتەبەلى مەيماندار “تاربيە جانە ءبىلىم”, “اتامەكەن”, “رۋحاني قازىنا” جانە “اقپارات تولقىنى” اياسىندا جۇزەگە اسىرىلىپ جاتقان جەرگىلىكتى جوبالارمەن تانىستى. ساندىك-قولدانبالى قولونەر بۇيىمدارىن, قارۋ-جاراق, اشەكەيلەر, قىش ىدىستار كورمەسىن تاماشالادى. 2017-2022 جىلدار ارالىعىندا وڭىردە “اتامەكەن” جانە “رۋحاني قازىنا” باعدارلامالارى اياسىندا ەكى رەسپۋبليكالىق شارا مەن 43 جوبانى, “اقپارات تولقىنى” شەڭبەرىندە 282 جوبانى جۇزەگە اسىرۋ جوسپارلانعان. بۇگىندە “الەۋمەتتىك باستامالار كارتاسى” جانە “جومارت جۇرەك” باعىتتارى بويىنشا 1 ميلليارد 297 ميلليون تەڭگەنىڭ 8 جوباسى مەن 126 شاراسى ىسكە قوسىلعان.
جەرلەستەردىڭ جىلى ءجۇزدى كەزدەسۋىندە وبلىس اكىمىنىڭ ورىنباسارى ماديار قوجاحمەت فورۋم ماقساتى ماعجان ەلىنەن شىققان ازاماتتاردى وسكەن ولكەنىڭ بۇگىنگى تىنىس-تىرشىلىگىمەن تانىستىرۋ, ءوڭىردىڭ وركەندەۋىنە ۇلەس قوسقان جەرلەستەرىمىزدى دارىپتەۋ ماقساتىن دىتتەيتىنىن جەتكىزدى.
ەۆنەي بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ كافەدرا مەڭگەرۋشىسى, “لينگۆا” ءتىل جانە اۋدارما ينستيتۋتىنىڭ رەكتورى نۇرسۇلۋ ىبىرايقىزى ءوزى وسكەن ولكەنىڭ ىستىق قۇشاعىن قاتتى ساعىنعانىن جەتكىزدى. ول شال اقىن اۋدانىنداعى سەرگەەۆقا قالاسىندا قاڭىراپ بوس تۇرعان عيماراتتاردىڭ ءبىرىن باسپاناسىز قالعان ازاماتتارعا ۋاقىتشا پانا بولاتىن ورىنعا اينالدىرۋ جونىندەگى جوسپارىمەن ءبولىستى.
“گەوتەرم” وندىرىستىك كومپانياسى” جشس ديرەكتورى, گەولوگيا-مينەرولوگيا عىلىمدارىنىڭ كانديداتى, پروفەسسور دۋلات قاليتوۆ وتىز جىلدان بەرى جىراقتا جۇرسە دە, كىندىك قانى تامعان ەسىل اۋدانىنداعى جارعايىڭ اۋىلىندا “دانيار-اگرو” جاۋاپكەرشىلىگى شەكتەۋلى سەرىكتەستىگىن قۇرىپ, اۋىلدىق وكرۋگكە 350 ميلليون تەڭگە ينۆەستيتسيالىق قارجىسىن قۇيىپتى. جارعايىڭ, ورنەك, مەكتەپ اۋىلدارىنىڭ قىرىققا جۋىق تۇرعىنىن جۇمىسپەن قامتىپ وتىرعان ول جۋىردا ءسۇت جانە قىمىز وڭدەۋ تسەحىن ىسكە قوسقان. كاسىپكەر وزگە جەرلەستەرىن تۋعان ولكەگە قولداۋ كورسەتۋگە شاقىردى. اتاقتى سكريپكاشى ءجاميلا سەركەباەۆا ءوز سوزىندە “رۋحاني جاڭعىرۋ” جالپىۇلتتىق جوباسىنىڭ ەرەكشەلىكتەرىن اتاپ ءوتتى.
فورۋم سوڭىندا “ۇزدىك كاسىپكەر – 2017” بايقاۋىنىڭ قورىتىندىسى شىعارىلىپ, جەڭىمپازدار ماراپاتتالدى. البينا قايىربەكوۆا, اقمارال جاقىپوۆا, راۋشان مۇستافينا, يۋري پيليپۋشكو, ليايلا سايداشەۆا ء وز سالالارى بويىنشا ۇزدىك دەپ تانىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى
