جاس جۋرناليستەر فورۋمى

اكادەميك م. قوزىباەۆ اتىنداعى ۋنيۆەرسيتەتتە «تاۋەلسىز­دىك­تىڭ 20 جىلدىعى جاس جۋرناليستەر قالامىندا» اتتى رەسپۋبلي­كا­لىق جاس جۋرناليستەر فورۋمى ءوتتى. ونى ءبىلىم جانە عىلىم مينيسترلىگى, سولتۇستىك قازاقستان وبلىستىق ىشكى ساياسات باسقارماسى, «جاسا» كرەاتيۆتى شەشىمدەر ورتالىعى» قوعامدىق قورى بىرلەسىپ ۇيىمداستىردى. جاس قالام يەلەرىنىڭ باسىن تو­عىستىرعان جيىندا ارىپتەستىك باي­­لانىستى نىعايتۋ, وزەكتى ماسە­لە­لەردى ايىرىپ جازۋ, شىعارما­شى­لىق بەلسەندىلىكتى ارتتىرۋ, وزەكتى پروبلە­ما­لاردى كورە ءبىلۋ جاي­لا­رى جان-جاقتى تالقىلاندى. القا­لى باسقوسۋدا وب­لىس اكىمىنىڭ ور­ىنباسارى فارحاد قۋ­انعانوۆ ءسوي­لەپ, شارانىڭ ماڭىز­دى­لى­عىن اتاپ ءوتتى. وڭىردە اتقارىلىپ جات­قان جۇمىستارمەن تانىستىردى. «قىزىلجار-اقپارات» كمك دي­رەك­تورى-باس رەداكتورى كارىباي مۇسىر­مان 10 مىڭ دانامەن تا­راي­تىن وبلىس­تىق «سولتۇستىك قا­زاقستان» گازەتىنىڭ تاجىريبەسىنە سۇيەنە وتىرىپ, باق قىزمەت­كەر­لە­رى الدىندا تۇرعان مىندەتتەرگە توقتالدى. ۋنيۆەرسيتەتتىڭ جۋر­ناليستيكا ءبولىمى جاس مامان­دار­دى دايىندايتىن تاربيە وشاعىنا اي­نالىپ وتىرعانىن تىلگە تيەك ەتتى. «الاش» جۋرنالى مەن «بولاشاق» گا­زەتىنىڭ باس رەداكتورى داۋرەن بابا­مۇ­راتوۆ ءتورتىنشى بيلىك وكىل­دەرى مەن قوعام اراسىنداعى سا­باق­تاستىققا باسا نازار اۋدارسا, ءال-فارابي اتىن­داعى قازاق ۇلتتىق ۋنيۆەرسيتەتى جۋرناليستيكا فا­كۋل­تەتىنىڭ اعا وقىتۋ­شى­سى, ۇلت­تىق جۋرناليستىك زەرتتەۋ ورتا­لى­عىنىڭ جەتەكشىسى داۋرەن سمايىل ءوز ويىن شەبەرلىكتى جەتىلدىرۋ تۇر­عىسىنان ءوربىتتى. ودان ءارى ءدوڭ­گە­لەك ۇستەل ۇيىمداستىرىلىپ, ەركىن تاقىرىپتا پىكىرلەر الماسىلدى. فورۋمدا التى اتالىم بويىن­شا جاس جۋرناليستەردىڭ ۇزدىك شى­عار­ما­لارى ماراپاتتالدى. «جاسا» كرەا­تيۆ­تى شەشىمدەر ورتالىعى» قورىنىڭ العىس حاتتارى تابىس ەتىلدى. ءومىر ەسقالي. سولتۇستىك قازاقستان وبلىسى.