قازىرگى قارقىن قۋانتادى

پارلامەنت "ەگەمەن قازاقستاننىڭ" ارناۋلى بەتى وسىناۋ تاريحي مەرزىم ىشىندە ەلىمىزدىڭ قول جەتكىزگەن جەتىستىكتەرى ءۇشىن قازاقستاننىڭ ءاربىر ازاماتى ماقتانىشپەن ايتا الاتىن جاع­داي­عا قولىمىز جەتتى. قازىرگى ءومىردىڭ ءبىزدى بۇرىن باستان كەشىرمەگەن, ويىمىزعا كىرمەگەن ۇلى وزگەرىس­تەرگە باستاپ الىپ كەلە جاتقان ەكپىندى ۇمتىلىسىن, سونىڭ كۋاسى رەتىندە كورۋگە بولادى. ەل ەكونوميكاسىندا باتىل دا جۇيەلى, جىگەرلى دە جەدەل وزگەرىستەر جۇرگىزىلىپ, تىڭ ناتيجە جولدارىن ىزدەپ, العا ەركىن ادىمداپ كەلە جاتقان ەلىمىزدىڭ ەرەندى ەڭبەكتە­رىندە, ارينە, ەلباسىمىزدىڭ ەڭبەگى ەرەكشە ەكەندىگىن ءاربىر قازاق­ستان­دىق تولىق تۇسىنەدى.                ءبارىمىزدىڭ ەسىمىزدە, مەملەكەت باس­شى­سى ەلىمىزدىڭ ۇزاق مەرزىمگە ارنالعان دامۋىن ءوزىنىڭ «قازاق­ستان-2030» ستراتەگيالىق باعدارلا­ماسىندا ايقىنداپ بەردى. سول سترا­تەگيالىق باعدارلاما بۇگىندە ويدا­عىداي جۇزەگە اسۋدا. 2006 جىلعى ەلباسى جولداۋىندا قويىلعان باس­تى ستراتەگيالىق باعىتىمىز – باسە­كەگە قابىلەتتى 50 ەلدىڭ قاتارىنا قوسىلۋ. مىنە, سول كۇنىمىزگە, ءدال تاۋەلسىزدىگىمىزدىڭ 20 جىلدىق تور­قالى تويى قارساڭىندا قولىمىز جەتىپ, تاعى دا قازاقستاننىڭ قان­داي ەل ەكەندىگىن دالەلدەپ, باعى­تىمىزدى ناقتى كورسەتە بىلدىك. دۇنيەجۇزىلىك ەكونوميكالىق ءنا­تي­جەلەردى تالداۋ بارىسىندا حا­لىقارالىق قارجى كورپوراتسياسى مەن بۇكىلالەمدىك بانك جاڭا جاھان­دىق رەيتينگىن جاريالاعان كەزىندە, قازاق ەلى بىردەن 12 تۇعىرعا جوعارى كوتەرىلىپ, 47-ورىنعا شىقتى. مىنە, الەمدەگى 50 ەلدىڭ قاتارىنا قوسى­لامىز دەگەن الدىمىزداعى نەگىزگى ماق­سات ورىندالىپ قانا قويماي, قازاق­ستان «ينۆەستورلاردى قورعاۋ» دارە­جەسى جاعىنان دا بۇكىل الەم بويىنشا «الەمدىك وندىققا» كىرىپ وتىر. سونىمەن بىرگە, ەلىمىز سالىق سالۋ جۇيەسىندە دە ۇزدىك دەپ تابى­لىپ, ەڭ وزىق 13 ەلدىڭ قاتارىنان كورىندى. قول جەتكەن قۋانىشتى كورسەت­كىش, ارينە, قالتالى كاسىپكەرلەر مەن ءىرى كاسىپورىندار, قاي ەلگە قار­جىلىق سالىم سالۋ تۋرالى تاڭدا­عاندا, ءسوز جوق رەيتينگى جوعارى مەملەكەتتەرگە اياعىن تىرەيتىنى بەلگىلى, سول سەنىمدى مەملەكەتكە ءىرى ينۆەستيتسيا سالۋعا نيەتىن بىلدىرەدى. الدىن الا ءبارىن بولجاپ, ەسەپتەپ قويعان ەلباسىمىز مەملەكەتىمىزدىڭ ەكونوميكاسىنا جىل سايىن 10 ملرد. دوللاردان كەم ەمەس شەتەلدىك ينۆەستيتسيا سالۋدى ۇكىمەت الدىندا مىندەتتەۋى, كەلەشەكتە ەلىمىز بۇدان دا بيىك ساتىعا كوتەرىلۋىنە جاسا­لى­نىپ جاتقان كورەگەندىك دەپ تۇسىنۋگە تولىق نەگىز بار. بۇگىنگى تاڭدا ەلىمىز تمد-نىڭ كەيبىر ەلدەرىن ارتقا قالدىرىپ, كوش باستاپ دارالانا باستاعان مەزگىلى. ەندىگى الدا تۇرعان ۇلى ماقسات – يندۋستريالىق-يننوۆاتسيالىق جا­عىنان قۋاتتى دامىعان ەلدەردىڭ قاتارىنا قوسىلۋ مىندەتى. ەلىمىز بۇل بەلەستى دە بۇيىرتسا, باعىن­دىراتىنىنا تولىق سەنىم بار. قۇرمانعالي ءۋالي, ءماجىلىس دەپۋتاتى, قارجى جانە بيۋدجەت كوميتەتىنىڭ مۇشەسى.