بىرقاتار كەلىسىمدەر راتيفيكاتسيالاندى

كەشە پارلامەنت سەناتىندا پالاتا توراعاسى قايرات ءما­ميدىڭ توراعالىق ەتۋىمەن كەزەكتى وتىرىس بولدى. كۇن تارتىبىنە سايكەس, دەپۋتاتتار بىرقاتار حالىقارالىق كەلىسىمدەر مەن شارتتاردى راتيفيكاتسيالاۋ تۋرالى زاڭ جوبالارىن قاراپ, قابىلدادى. ولاردىڭ قاتارىندا قازاق­ستان مەن سەربيا اراسىنداعى ەركىن ساۋدا تۋرالى ۇكىمەتارالىق, قازاقستان مەن ازيا دامۋ بانكى اراسىنداعى قارىز تۋرالى, ەۋرا­زيالىق ەكونوميكالىق قوعامداس­تىقتا اگروونەركاسىپتىك كەشەن­دەر­دە پايدالانىلاتىن اۋىل­شا­رۋا­شىلىق تەحنيكاسىنىڭ, ما­شي­نالاردىڭ, مەحانيزمدەردىڭ, جاب­دىقتار مەن كولىك قۇرالدارىنىڭ حالىقارالىق ليزينگىن دامىتۋ تۋرالى, قازاقستان رەسپۋبليكاسى ۇكىمەتى مەن ەسىرتكى قۇرالدارى­نىڭ, پسيحوتروپتىق زاتتار مەن ولاردىڭ پرەكۋرسورلارىنىڭ زاڭ­سىز اينالىمىنا قارسى كۇرەس جونىندەگى ورتالىق ازيا وڭىرلىك اقپاراتتىق ۇيلەستىرۋ ورتالىعى اراسىنداعى الماتى قالاسىندا ورتالىقتىڭ ورنالاسۋ شارتتارى تۋرالى ءماجىلىس ماقۇلداعان كەلىسىمدەر بار. ودان باسقا ازياداعى ءوزارا ءىس-قيمىل جانە سەنىم شارالارى ءجو­نىندەگى كەڭەس حاتشىلىعىنىڭ, ون­ىڭ پەرسونالىنىڭ جانە كە­ڭەس­كە مۇشە مەملەكەتتەر وكىلدەرىنىڭ ارتىقشىلىقتارى مەن يممۋنيتەتتەرى تۋرالى كونۆەنتسيا, 1992 جىلعى 15 مامىرداعى ۇجىمدىق قاۋىپسىزدىك تۋرالى شارتقا وزگە­رىس­­تەر ەنگىزۋ تۋرالى حاتتاما, 2002 جىلعى 7 قازانداعى ۇجىم­دىق قاۋ­­ىپسىزدىك تۋرالى شارت ۇيى­مىنىڭ جارعىسىنا وزگەرىستەر ەنگىزۋ تۋ­رالى حاتتامانى راتيفيكاتسيالاۋ تۋرالى زاڭدار قابىل­داندى. وتىرىستا «قازاقستان رەسپۋب­لي­كاسىنىڭ كەيبىر زاڭنامالىق اك­تىلەرىنە بانك قىزمەتىن جانە قارجى ۇيىمدارىن تاۋەكەلدەردى ازايتۋ تۇرعىسىنان رەتتەۋ ماسە­لەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا قارال­دى. زاڭ جوباسى تۋرالى ۇلتتىق بانك توراعاسىنىڭ ورىنباسارى بي­سەنعالي تاجياقوۆ نەگىزگى جانە قارجى جانە بيۋدجەت كوميتەتىنىڭ حاتشىسى راشيت احمەتوۆ قوسىم­شا بايانداما جاسادى. بىرقاتار سۇ­راقتار بەرىلىپ, زاڭ جوباسىنىڭ قاراستىراتىن ماسەلەلەرى انىق­تال­عان سوڭ ول ءبىراۋىزدان ماقۇلداندى. جاقسىباي سامرات.