حالىققا قىزمەت – ابىرويلى مىندەت

ۇستىمىزدەگى جىلدىڭ ناۋرىز ايىنان باستاپ حالىققا قىز­­مەت كورسەتۋ ورتالىقتارى بايلانىس جانە اقپارات مي­نيستر­لىگىنىڭ قۇرامىنا بەرىلدى. مەكەمە جۇمىسىنا جاڭا­شىل­دىق ەنگىزىلىپ, حالىق يگىلىگىنە جارامدى كوپتەگەن باستامالار ىسكە اسىرىلا باستاپ, قازىرگى كۇننىڭ وزىندە جەمىسىن بەرۋدە. ونىڭ ناق­تى كورىنىسىن الماتى قالاسى, بوستان­دىق اۋدا­نى­نىڭ حا­لىق­قا قىزمەت كورسەتۋ ورتالىعىندا كوز جەتكىزۋگە بولادى. اتاپ ايتار بولساق, ەلەكتروندى ۇكىمەت باعدارلا­ماسىن جۇزەگە اسىرۋ جانە ەلەكتروندى مەملەكەتتىك قىز­مەتتەردى قول­دانۋشىلار سانىن ارتتىرۋ ءۇشىن ءبىزدىڭ ورتالىقتا «ەلەكتروندى ۇكىمەت بۇرىشى» كەڭىنەن ناسي­حاتتىق جانە تۇسىندىرمەلىك جۇمىستار­دى جۇرگىزەدى. ور­تا­لىققا كەلگەن ءاربىر ادامعا ەلەكترون­دى ساندىق كىلتتەردى بەرۋ, ونى پايدالانۋ, ەلەكترون­دى ۇكىمەتتىڭ مۇم­كىندىكتەرى تۋرالى اق­پاراتتى بىزدەن بىلە الاسىزدار. ور­تالىقتا تەك مەملەكەتتىك قىزمەت ءتۇرىن الۋعا عانا ەمەس, بيزنەس الاڭدا ىسكەرلىك ءىس-شارالارىڭىزدى ۇيىمداس­تىرۋ­عا بارلىق جاعداي جاسالىنعان, قاجەتتى قۇرال-جابدىقتارى بار ورىن مەن Wi-Fi جەلىسى قوسىلعان كومپيۋتەر بار. شىلدە ايىنان باستاپ مودەرنيزاتسيالاۋ جۇمىس­تارى باستالعان ورتالىقتا بۇگىنگى تاڭدا بارلىق جۇ­مىستار اياق­تالىپ, كەلۋشىلەردىڭ كوزىن قۋانتۋدا. مودەرنيزاتسيالاۋ جوس­پارىنا سايكەس, حالىققا قىزمەت ۇسى­نۋ قىزمەتىندەگى ۇز­دىك ۇلگى بولىپ ەسەپتەلەتىن كەدەر­گىسىز, توسقاۋىلسىز قىز­مەت كورسەتۋ قاعيداتى ەنگىزىلدى. جاڭا جيھاز بەن قۇرال-جاب­دىقتار ورنالاسقان ورتالىققا كەلگەن ءاربىر ازامات ءوزىن ناعىز جۇلدىز رەتىندە سەزىنۋگە مۇمكىندىك الادى. وعان قوسا ورتالىق­تىڭ بارلىق قىزمەتكەرى جاڭا باستاما­عا ساي جۇمىس اتقارىپ, حقكو قىزمەتكەر­لەرىنىڭ مادە­نيەتى مەن ەتيكاسى ەرەجەسىنە سايكەس سىپايىلىق, ادەپ­تى­لىك, جان-جاقتى كومەك­كە ازىرلىك ۇستانىمى بويىنشا جۇمىس ىستەيدى. الماتى قالاسى, بوستاندىق اۋدانىنىڭ حالىققا قىز­مەت كورسەتۋ ورتالىعىندا حالىققا ساپالى ءارى ۋاقتىلى قىزمەت كورسەتۋ جولىنداعى باستامالاردىڭ ءبىرى – قا­زاقستان رەسپۋبليكاسى حالقىنا مەملەكەتتىك ورگان­داردىڭ قولجەتىمدىلىگىن قامتاماسىز ەتۋ ماقساتىنداعى, مەملەكەتتىك ورگاندارعا ازاماتتاردىڭ وتىنىشتەرىن قابىلداۋ جانە جولداۋ ءتارتىبى ۇيىمداستىرىلۋى. ياعني, ءاربىر ازامات ورتا­لىق مەملەكەتتىك ورگانعا ءوز ءوتىنىشىن جولداعىسى كەلسە, ەلەكتروندى ساندىق قولتاڭباسى بار كىلتتى الىپ, وتى­نىش­تەردى قابىلدايتىن قىزمەتكەرلەرگە بارىپ جولىعۋىنا بولا­دى. ورتالىق حالىق پەن مەملەكەتتىك ورگاندار اراسىن­داعى دانەكەرلىك, كەڭسەلىك مىندەتتەردى ورىنداۋشى مىندەتتەرىن ابىرويمەن اتقارۋدا. سونىمەن قاتار, الداعى ۋا­قىت­تا وn-line رەجىمىندە مەملەكەتتىك ورگاندارمەن جانە مينيسترلىكتەرمەن بايلانىس جۇرگىزۋدى ىسكە اسىرۋ جوسپارلانۋدا. قالا حالقىنىڭ ىڭعايىنا وراي, سونىمەن قوسا كاسىپ­كەرلىك پەن بيزنەس قۇرىلىمدارىنىڭ دامۋىنا ۇلەس قو­سۋ ماقساتىندا الماتى قالاسى, بوستاندىق اۋدانىنىڭ حالىققا قىزمەت كورسەتۋ ورتالىعى مەن «قازكوم­مەرتس­بانك» اق اراسىندا كەلىسىم جاسالدى. تولە بي مەن باي­زاقوۆ كوشەلەرى, ءال-فارابي مەن جەلتوقسان كوشەلەرى قيى­لىسىندا ورنالاس­قان بانكتىڭ بولىمشەلەرىندە, سون­داي-اق «تسەسنابانك» اق-تىڭ ءال-فارابي مەن جەلتوقسان كوشە­لەرى قيىلىسىندا ور­نا­لاسقان «نۇرلى تاۋ» كەشەنىندە «يكەمدى» ورتالىقتار اشىل­دى. بۇعان قوسىمشا بوستاندىق اۋدانىنىڭ سالىق باسقار­ماسىندا egov.kz ۇكىمەت پورتالى ارقىلى تولەمدەر جۇرگىزۋ, كاسىپكەر­لىك­پەن اينالىساتىن ادامدارعا كابينەتتەرگە جۇگىرۋ ورنى­نا, كومپيۋتەر پەرنەلەرى ارقىلى قىزمەت الۋ مۇمكىن­دىكتەرىن ءتۇسىندىرۋ, بيزنەسكە قولايلى جاعداي تۋعىزۋ, سونىمەن بىرگە سالىق تولەۋشى ازاماتتاردىڭ ۇيىندە وتى­رىپ سالىق تولەۋ, مەملەكەتتىك قىزمەت الۋدى ءتۇسىندىرۋ جانە ۇيرەتۋ ءۇشىن ارنايى پۋنكتتەر ىسكە قوسىلدى. بۇل جاھاندانۋ ۇدەرىسى مەن تەحنيكا جانە تەحنولوگيالار قارقىندى دامۋ ۋاقىتىندا قازاق ەلىنىڭ كوشتەن قال­ماي, دامىعان ەلدەرمەن تەرەزەسى تەڭ بولۋ ءۇشىن جاسا­لى­نىپ جاتقان شارالار. ونىڭ ۇستىنە ارتىق قاعازباس­تىلىق پەن اۋرە-سارساڭ, بيۋروكراتيالىق كەدەرگىلەر مەن سىبايلاس جەمقورلىققا قارسى باعىتتال­عان ەڭ ءتيىمدى جۇمىس. ءبىزدىڭ ورتالىق ارقىلى قازىرگى ۋاقىتتا 20-دان استام مەملەكەتتىك قىزمەت تۇرلەرى كورسەتىلەدى. ءبىز ءاردايىم حالىق ءۇشىن قىزمەت كورسەتۋگە ءازىرمىز. اسەل ماماجانوۆا,  الماتى قالاسى, بوستاندىق اۋدانىنىڭ حالىققا قىزمەت كورسەتۋ ورتالىعىنىڭ باستىعى.