«ەحرو-2017» فورۋم نازارىندا

حالىقارالىق مامانداندى­رىلعان EXPO-2017 كورمەسىن ءوت­كىزۋ قۇقىعىنا استانا قالاسىنىڭ ءوتىنىمىن جىلجىتۋ جانە ىلگەرىلەتۋ جونىندەگى ۇلتتىق جوباسى ەل­وردادا وتكەن قازاقستان حالقى اسسامبلەياسى وتكىزگەن الەۋمەت­تىك جاۋاپكەرشىلىك فورۋمىنا قا­تىستى. «ەكسپو-2017» جوباسىنىڭ جانە قازاقستان حالقى اسسام­بلەياسىنىڭ ورتاق ماقساتى قوعام­نىڭ ەڭ جوعارى دارەجەدە بىرىگۋىن قالىپتاستىرۋ جانە ۇلتتىق بىرلىككە ۇمتىلۋ بولىپ تابىلادى. سوندىقتان بۇل كورمە ۇلتتىق ۇيىمداسۋدىڭ بىرىكتىرۋشى وزەگىنە اينالۋى مۇمكىن. ءبىز «EXPO-­2017» كورمەسىن استانا قالاسىندا ءوت­كىزۋ باستاماسىن تولىقتاي قول­دايمىز, دەيدى فورۋمدى ۇيىم­داس­تىرۋشىلار. فورۋمدا كوپشى­لىك نازارىنا ۇسىنىلعان EXPO- 2017 ستەندى حالىقارالىق مامان­داندىرىلعان كورمەنىڭ «بولاشاق ەنەرگياسى» تاقىرىبىن بايان­داي­دى. سونداي-اق ستەندتەن الدىن-الا جۇرگىزىلىپ جاتقان ۇگىت-ناسي­حات ناۋقانى, استانا قالاسىنىڭ 2017 جىلى كورمەگە قاتىسۋشى 100 ەلدەن كەلەتىن 5 ملن. ءتۋريستى قابىلداۋ مۇمكىندىگى تۋرالى دا بىلۋگە بولادى. ال ارنايى «EXPO-2017 تىلەكتەر كىتابىندا» كەز كەلگەن ادام ءوز تىلەگىن جازىپ, جوبا تاريحىندا ءوز قولتاڭباسىن قالدىرا الادى. «EXPO-2017» جوباسىنىڭ قا­زاقستان حالقى اسسامبلەياسى ءوت­كىز­گەن الەۋمەتتىك جاۋاپكەرشىلىك فورۋمىنا قاتىسۋى قازاقستان ءۇشىن وتە ماڭىزدى بوپ سانالا­تىن مامانداندىرىلعان كورمە شا-راسىنا قوعامنىڭ بارلىق توپ­تارىنىڭ نازارىن اۋدارۋعا مۇمكىندىك بەردى. «EXPO-2017» كورمەسىن وتكى­زۋ قۇقىنا يە بولعان ەل 2012 جىلدىڭ اياعىندا حالىقارالىق كورمە بيۋروسىنىڭ بارلىق 157 مۇشە-ەلدەرى قاتىسىپ, داۋىس بەرۋىمەن انىقتالادى. ازىرشە استانا, دالىرەك ايتساق, بۇكىل قا­زاقستان ءوز كانديداتۋراسىن قول­داۋعا داۋىستار جيناۋ ماقسا­تىن­دا جۇمىستار جۇرگىزۋ ءۇس­تىندە. ۆەنەرا تۇگەلباي.