تەحنيكانى ءوزىمىز قۇراستىرامىز

«قاراتالاگروتەح» كوم­پا­نيا­­سىنىڭ ديرەك­تورى بازارحان بايتاەۆ, جاڭا «ارلان» جۇردەك ترا­ك­­تورلارىن شىعارۋ باس­­تاماسى جايلى بى­لاي­شا اڭگىمەلەيدى. – قاي سالانىڭ بولسىن قول جەتكىزگەن جەتىستىگىن ايتقاندا ءوت­كەن عاسىردىڭ سوڭعى جىلدا­رى­ن­داعى قيىندىقتار ەسكە ءتۇ­سە­دى. ماسەلەن, نارىققا وتپەلى كە­زەڭ قاي سالانىڭ بولماسىن ىرگەسىن السىرەتىپ-اق كەتتى. جەكەشەلەندىرۋ باستالىپ, ۇجىمنىڭ قولىنداعى تەحنيكا تا­لاپايعا ءتۇستى. ەسكىلەرىنىڭ ءوزى­نە قول جەتكىزۋ ۇلكەن ماسەلەگە اينالدى. شارۋاشىلىق قۇرى­لىمدارى قوسالقى بولشەكتەردى جاماپ-جاسقاۋدىڭ كومەگىمەن «ءىل­دالدالاعان» تەحنيكالار دا سىر بەرە باستادى. ولاردى جاڭا­لاۋعا قىرۋار قارجى كەرەك. ال ديقان بولسا, ەگىستىكتەگى جۇمىس­تاردىڭ اگروتەحنيكالىق تالاپ­تار­عا ساي ورىنداي الماعانىنا قىنجىلدى. دەمەك, وتاندىق تەحنيكا شىعارۋ قاجەتتىگى كۇن ءتار­تىبىندە تۇردى. ونى قولعا الۋ كەرەكتىگىن تۇسىندىك. وسى كەزدە سۇرانىسقا يە جوبا جۇزەگە استى. باستاعان ءىسىمىز ناتيجەلى بولدى. قازىر قاراتال اۋدانىنداعى ۇشتوبە قالاسىندا اۋىل شارۋا­شىلىعىنا ارنالعان دوڭعالاقتى تراكتور شىعارۋ ىسىنە ۇجىم ءمۇ­­شەلەرى بەلسەنە كىرىسىپ وتىر. كوپ ويلا­نىپ, جۇردەك تەحني­كا­نى «ارلان» دەپ اتا­دىق. تراك­تور­لاردى قۇ­را­س­­تىرۋ بۇ­رىن­­عى ءجون­دەۋ-مە­حا­ني­كا­­لىق كا­سىپ­ور­­نى اۋم­ا­عىندا جۇزەگە اسى­رى­­لۋدا. ارينە, كۇر­دەلى ماسەلە­­نىڭ تيا­ناعىن كەلتىرۋگە قى­رۋ­ار قارجى كەرەك ەكەندىگى بەلگىلى. اتالعان جوباعا 268 ملن. تەڭگە ينۆەستيتسيا تارتىلىپ, «قا­­را­تال­اگرو­­تەح» كومپانياسى قۇ­رىل­سا, سترا­­­تەگيالىق ارىپتە­سى­مىز – قىتاي­­­دىڭ ءبىرىنشى مەملەكەتتىك «ءۇتو Group» تراكتور زاۋى­تى. جارتى عاسىردان استام تا­ري­حى بار بۇل زاۋىت الەمنىڭ 98 ەل­ىن تەحنيكامەن قامتاماسىز ەتەدى. ۇشتوبەدە قۇراستىرىلاتىن «ارلان-200», «ارلان-254», «ار­­لان-404» تراكتورلارىنىڭ قا­زاق­ستان رىنوگىندا باسەكە­لە­سى جوق ەكەنىن ۋاقىتتىڭ ءوزى ءدا­لەل­دەپ وتىر. شاعىن جانە ورتا فەرمەرلىك شارۋاشىلىقتار ءۇش­ىن باعاسى جانە قولدانىستا قو­لايلىلىعىمەن ەرەكشەلەنەدى. ءار تراكتوردىڭ پايدالانۋ مەر­زىمى 8-10 جىلعا ەسەپتەلگەن. جيىرما اتتىق كۇشتەن 180 ات­تىق كۇشكە دەيىنگى ارالىقتى قام­تيتىن ءتۇرلى قۋاتتاعى تراك­تور­دىڭ بەس ءتۇرى شارۋالاردىڭ قولىنا ءتيدى. جىل ون ەكى ايدا ءبىر تولاستامايتىن اۋىل شارۋا­شى­لىعىندا كادەگە اسقان تەحنيكا كۇشى ءبىز ءۇشىن قۋانىشتى. وعان قوسا زاۋىتتا باسقا دا اۋىل­شا­رۋا­شىلىق تەحنيكالارى مەن اگ­رە­گاتتارى شىعارىلۋدا. ءالى دە ىزدەنىستى ىستەر جالعاسا­تىنى انىق. زاۋىت جۇمىسىن 2009 جىل­­­دىڭ ءساۋىر ايىندا باستادى. سودان بەرى كوپ ۋاقىت وتكەن جوق. قازىرگى كەزدە «قاراتالاگروتەح» كومپانياسى جىل سايىن 700 تراك­تور قۇراستىرۋدى جوسپارلاپ, بەلسەندىلىگىمەن تانىلىپ كەلەدى. وتاندىق «برەند» سانالعان كا­­سىپورىنعا جەرگىلىكتى جەردىڭ جۇ­­­­مىسشىلارى تارتىلعان. تا­لاي­دىڭ ەكى قولعا ءبىر جۇمىس تا­بۋىنا نەگىز بولعان زاۋىتتا جي­ىر­ماعا جۋىق جۇمىسشى ەڭبەك ەتەدى. قادام باسقانىنا ساناۋلى عانا جىل بولعان كاسىپورىن جۋ­ىردا ءجۇز ون التىنشى تراك­تو­رىن شىعاردى. بۇل – تاۋەل­سىز­دىكتىڭ 20 جىلدىق مەرەكەسىنە تاماشا تارتۋىمىز. ۇجىم ءار كۇن­دى ەرەكشە قارقىنمەن اتاپ ءوتىپ, ساپاعا ەرەكشە كوڭىل بولۋدە. وي­لاپ وتىرساق, تاۋەلسىزدىك سالانى دا جاڭعىرتتى. ونى ءوز ىسىمىزدەن-اق كورىپ وتىرمىز. كۇمىسجان بايجان. الماتى وبلىسى.