دوستاستىقتاعى دوستىق قارىم-قاتىناستار

سەنات توراعاسىنىڭ سانكت-پەتەربۋرگكە جاساعان ساپارىندا جالعاسىن تاپتى قازاقستان رەسپۋبليكاسى پارلامەنتى سەناتىنىڭ توراعاسى قايرات ءمامي كەشە تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ پارلامەنتارالىق اسسامبلەياسى (تمد پاا) كەڭەسىنىڭ سانكت-پەتەربۋرگتەگى وتىرىسىنا قاتىستى. سونداي-اق سەنات توراعاسى ساپار اياسىندا بىرقاتار ەكىجاقتى كەزدەسۋلەر وتكىزدى. وسى ساپارىن قازاقستاندىق پار­لامەنتشىلەر جامبىل كوشە­سىنىڭ بويىنان ورىن تەپكەن جام­بىل جاباەۆتىڭ ەسكەرتكىشىنە گۇل شوقتارىن قويىپ, اقىن رۋحىنا تاعزىم ەتۋدەن باستادى. تۇستەن كەيىن قايرات ءمامي ەۋرازەق پاا جاۋاپتى حاتشى­سى پ.زۆەرەۆپەن جۇزدەستى. جاۋاپ­تى حاتشى سەنات توراعاسىنا پار­لامەنتارالىق اسسامبلەيا جۇمى­سىن جان-جاقتى اڭگىمەلەپ بەردى. ال ۋكراينا جوعارعى راداسىنىڭ توراعاسى ۆ.ليتۆينمەن بولعان كەزدەسۋ بارىسىندا ەلدەر ارا­سىن­دا تۇسىنىستىك پەن سەنىم قالىپ­تا­سىپ وتىرعاندىعى تىلگە تيەك ەتىلدى. الەمدىك قارجى داعدارىسى با­رىسىندا ساۋدا اينالىمى باسەڭ­سىگەنىمەن, ۇستىمىزدەگى جىلى ول قايتا جانداندى. قازىرگى كەزدە اس­تانا مەن كيەۆ اراسىندا پار­لا­مەنتارالىق بايلانىستار دا­مىپ, زاڭ شىعارۋ تاجىريبەسىمەن ال­ماسۋ ۇلكەن ماڭىزعا يە بولىپ وتىر. ەكى ەل پارلامەنتشىلەرى ەقىۇ پا مەن تمد پاا شەڭ­بە­رىندە ەكىجاقتى جانە كوپ­جاقتى فورماتتا ءوزارا ىقپالداستىقتى دامىتىپ كەلەدى. وسى ورايدا سەنات توراعاسى ءارىپ­­­­تە­­سىن ۋكراي­نا­نىڭ 2013 جىلى ەقىۇ-عا توراعا بو­لىپ سايلا­نۋى­مەن قۇتتىقتاي كەلىپ, ۋكراينالىق بايقاۋشى­لار­دىڭ قازاقستانداعى سايلاۋلارعا وبەكتيۆتى باعا بەرۋىنە ريزاشى­لى­عىن جەتكىزدى. سونىمەن قاتار سەنات ءتور­اعا­سى ­ق.ءماميدىڭ تاجىكستان رەسپۋب­ليكاسى ولي ميللي ءمادجيليسىنىڭ توراعاسى م.ۋباي­دۋللوەۆپەن جانە بەلارۋس رەسپۋبليكاسى ۇلتتىق جي­نا­لىسى رەسپۋبليكا كەڭەسىنىڭ توراعاسى ا.رۋبينوۆپەن كەزدەسۋلەرى بولىپ ءوتتى. ونىڭ بارى­سىن­دا ەكىجاقتى قاتىناستاردى تەرەڭدەتۋ جانە پارلامەنتارالىق بايلا­نىس­تاردى ودان ءارى نىعايتۋ ماسەل­ە­لەرى جان-جاقتى اڭگىمە وزەگىنە اينالدى. اسقار تۇراپباي ۇلى.