قىلمىسكەرلەر قۇرىقتالدى

ەلىمىزدىڭ ىشكى ىستەر مينيسترلىگى ماڭىستاۋ وبلىسىنىڭ پوليتسيا قىز­­مەتكەرلەرى بيىلعى جىلدىڭ 19 تا­­­مىزىندا «وزەن-مۇنايگاز» كوم­پا­نياسىنىڭ بۇرىنعى جۇمىس­شىسى­نىڭ قىزى جانساۋلە قارا­با­لاەۆانى ولتىرگەن دەگەن كۇدىكپەن تاعى ءبىر ادامدى قاماۋعا العانىن حابارلا­دى. جەدەل-ىزدەستىرۋ شارا­لارى ءنا­تي­جە­­سىندە 28 قازان كۇنى اتالعان قىل­مىستى جاسادى دەگەن كۇدىكپەن ج­ا­بىرلەنۋشىنىڭ سىنىپ­تا­سى ۇستا­­­لىپ, جاڭاوزەن قالاسى ىشكى ىستەر باسقار­ماسىنىڭ ۋاقىتشا ۇس­تاۋ وقشاۋلا­عى­شىنا قامالعان. تەرگەۋ با­رىسىندا كۇدىكتىنىڭ 19 تامىزدا كەشكىسىن ىشىمدىك ءىشىپ, جولداسىمەن بىرگە «نيسسان-پاترول» كولىگىندە كەلە جا­تىپ, جولدا سىنىپتاسى قارابا­لا­ە­ۆانى كەزىكتىرگەنى انىقتالادى. بويجەتكەن ءوزىن جاڭاوزەن قالا­سىنا تاياۋ جەردەگى تەڭگە اۋى­لىنا جەتكىزىپ تاستاۋدى ءوتىن­گەن. قىزدىڭ ءوتىنىشىن قوش العان­داي بولىپ كو­رىن­گەن قوس جىگىت جاس قىزدى قالا­نىڭ ەسكى اۋەجايى جا­عى­نا اپارىپ, كۇشتەپ زورلاعان. ودان كەيىن اياۋ­سىز جاسالعان قىل­مىس ىزدەرىن جا­سىرۋ ءۇشىن تالىق­سىپ جاتقان جان­دى ارماتۋرامەن ۇرىپ ولتىرگەن. قىلمىس قۇرالى تەمىر ارماتۋرانى بازار ماڭايىن­دا­عى قوقىس سالاتىن جاشىككە تاستا­عان. ۇستالعان ەكىنشى كۇدىكتى دە بولعان وقيعانى تاپ وسى­لاي بايانداپ بەرگەن. ەندى قازىرگى ۋاقىتتا قاماۋعا الىنعاندارعا قا­تىستى ءدا­لەلدەۋ بازاسىن نىعايتۋ بويىنشا جەدەل-تەرگەۋ ءىس-شارا­لا­رى ودان ءارى جالعاسۋدا. سوت-بيو­لو­گيا­لىق, گە­نوم­دىق جانە باسقا دا ساراپتامالار تاعايىندالدى. بۇل قىلمىستىڭ اشىلۋى قي­ىن­عا سوقتى. ويتكەنى, مارقۇم ج.قا­رابالاەۆا ەشكىممەن ارالاسپاعان, تۇيىق قىز بوپ وسكەن. سوندىقتان قىلمىسكەرلەردىڭ ىزىنە ءتۇسۋ وڭاي بولعان جوق, دەيدى ءىىم ءباسپاسوز قىز­مەتىنىڭ باستىعى. سونداي-اق, وسى وبلىستاعى قاراقيا اۋدانىن­­­داعى «مۇنايفيلدسەرۆيس» جشس-ءنىڭ بۇرعىلاۋشىسى تۇرباەۆتى ءول­تىرۋ قىلمىسىنىڭ اشىلۋى دا ءىىم-ءنىڭ ەرەكشە باقىلاۋىندا كورىنەدى. تامىز ايىنان باستاپ, وبلىسقا ءىىم-ءنىڭ كۇشەيتىلگەن جەدەل-تەرگەۋ توبى جىبەرىلدى. الايدا, كوپتەگەن ءمان-جايلار قىلمىستى اشۋعا ءمۇم­كىندىك بەرمەدى. تۇرباەۆتى ءولتىرۋ وڭا­شادا جۇزەگە اسىرىلعان. وسى­عان بايلانىستى جەدەل-تەرگەۋ توبى كى­نا­لىلەردى انىقتاۋ جانە دالەلدەۋ با­زاسىن جيناقتاۋ بويىنشا ءبىر­قاتار جۇمىس اتقارعان. تەك جەدەل-ىزدەستىرۋ ءىس-شارالارى ناتيجەسىندە بىرنەشە ساراپتاما وتكىزگەننەن كەيىن عانا تۇرباەۆتى ولتىرگەن كۇ­دىك­تى رەتىندە بۇرىن مۇناي-گاز ءوندى­رى­سىن­دە جۇمىس ىستەگەن, 28 جاستاعى جا­ڭا­وزەن قالاسىنىڭ تۇرعىنى ۇستالدى. سونىمەن قاتار وڭتۇستىك قا­زاقستان وبلىسىنىڭ كريمينالدىق پوليتسيا قىزمەتكەرلەرى شىمكەنت قالاسىنىڭ تۇرعىنى 42 جاستاعى كاسىپكەردى ءولتىرۋ قىلمىسىن اشتى. ونىڭ پىشاق سالىنعان ءمايىتى قا­زان ايىنىڭ اياعىندا ءوزىنىڭ جەكە ءدۇ­كەنىندە تابىلعان بولاتىن. ءدۇ­كەن­نەن 1 ميلليون تەڭگەگە جۋىق اقشا ۇرلانعان. سونان جەدەل-ىزدەستىرۋ ءىس-شارالارىن وتكىزۋ بارىسىن­دا پوليتسيا قىزمەتكەرلەرى 28 جا­س­تاعى جەرگىلىكتى تۇرعىندى ۇستادى. ونىڭ كاسىپكەردى پايدا تابۋ ماق­ساتىندا ولتىرگەنى انىقتالدى. ول جابىرلەنۋشى قولىندا بۇرىن جۇ­مىس ىستەگەن جانە ونىڭ كاسسادا وسىنداي كولەمدە اقشاسى بار ەكەنىن بىلگەن. كاسىپكەردىڭ جولداسى دۇكەننەن كەتۋىن كۇتىپ, ءتۇس كەزىندە باسا-كوكتەي كەلىپ جابىرلەنۋشىگە پىشاق سالعان. سودان سوڭ كاسسادان ەمىن-ەركىن اقشانى العان كورىنەدى. ال جامبىل وبلىسى پوليتسەيلەرى قاراعاندى وبلىسىنىڭ اقسۋ اۋىلىندا ارنايى ءىس-شارالار ءوت­كىزۋ كەزىندە ىزدەۋدە جۇرگەن تاراز قالاسىنىڭ 30 جاستاعى تۇرعىنىن ۇستادى. ول سپيرت ىشىمدىكتەرىن بىرلەسىپ ىشكەننەن كەيىن تۋىنداعان جانجال كەسىرىنەن 59 جاستاعى ادام­دى ولتىرگەن. جابىرلەنۋشىنىڭ پى­شاق سالىنعان ءمايىتى شىلدە ايىنىڭ باسىندا جامبىل وبلىسىنىڭ قى­زىل اۋىلىنداعى ءوز ءۇيىنىڭ اۋلاسىن­دا تابىلدى. قىلمىس جاساعاننان كەيىن قىلمىسكەر قاراعاندى وبلى­سىن­دا تۇراتىن تۋىستارىنا قاشىپ كەتكەن. سول جەردە ونى پوليتسيا قىزمەتكەرلەرى قولعا ءتۇسىردى. پوليتسيا قىزمەتكەرلەرى «ستان-تۆ» پورتالىنىڭ ءتۇسىرۋ توبىنا شا­بۋىل جاساعان كۇدىكتىلەردى دە ان­­ىقتاپ وتىر. اقتاۋ قالاسىنىڭ 36 جاستاعى تۇرعىنى رۋسلان گاسانوۆ قازىر ىزدەستىرىلۋدە. پوليتسيا كۇدىك­تى­نىڭ بايلانىستارىن زەردەلەي كەلە, اۆتوماشينانىڭ يەسىن تاپتى. اۆ­­توماشينا يەسى گاسانوۆتىڭ مۇ­نى الداپ «Toyota Land Cruiser Pra­do» كولىگىن يەلەنىپ العانىن حابار­لا­دى. الاياقتىق دەرەگى بويىنشا قىلمىس­تىق ءىس قوزعالدى. سونىمەن قاتار گا­سانوۆتىڭ 25 جاستاعى سى­بايلاسى انىقتالدى. كۇدىكتىلەردىڭ فوتوسۋرەتتەرىن كورسەتكەن كەزدە ءجابىر­لە­نۋشى ولاردى بىردەن تانىعان. سول سياقتى وڭتۇستىك قازاقستان وبلىسىنىڭ پوليتسيا قىزمەتكەر­لە­رى مونتايتاس اۋىلىنداعى مەكتەپ ديرەكتورىنىڭ ۇيىنە جەكە م ۇلىكتى يەلەنىپ الۋ ماقساتىندا قاراقشى­لىق شابۋىل جاساۋ قىلمىسىن اش­تى. جەدەل-ىزدەستىرۋ ءىس-شارالارى با­رىسىندا شىمكەنت قالاسىنىڭ 26 جاستاعى تۇرعىنى ۇستالدى. كۇ­دىكتى ءوزىنىڭ سىبايلاستارى ارقىلى جابىرلەنۋشىنىڭ اۋقاتتى ەكەنىن باي­قاعان. قىلمىس جاساۋ ماقسا­تىن­­دا ولار الدىن-الا توقىلعان باس كيىمدەر مەن سكوتچ ساتىپ العان. اۋىلعا كەلىپ قىلمىسكەرلەر ءجابىر­لەنۋشىنىڭ ۇيىنە كىرگەن. ءۇي يەسى مەن ونىڭ وتباسىن ۇرىپ-سوعىپ, باي­لاپ تاستاپ, سەيفتەن التىن بۇ­ي­ىمدار مەن 9 ملن. تەڭگەدەن استام اقشا ۇرلاپ, «مەرسەدەس» اۆتوماشي­ناسىمەن قاشىپ كەتكەن. بىراق ال­ىس­قا ۇزاي المايدى. شىمكەنت قا­لا­سىنا بارا جاتقان جولدا وردا­باسى اۋدانىنىڭ اۋماعىندا ولار­دىڭ كولىگى اۋدارىلادى. قازىرگى ۋا­قىتتا پوليتسيا قىزمەتكەرلەرى قىل­مىسقا قاتىسۋشىلاردى ىزدەستىرىپ, ۇستاۋ ءۇشىن قابىلداۋدا. جالپى, اپتا ىشىندە 3642 قىلمىس جاسالىپ, ونىڭ 2073-ءى اشىلعان. بۇرىن جا­سالعان 583 قىلمىس, ونىڭ ىشىندە وتكەن جىل­­عى 10 قىلمىس اشىلدى. 85 قىل­مىس­كەر تابىلدى, 20 قارۋ ءتار­كىلەندى. 66 ەسىرتكى قىلمىسى, ون­ىڭ ىشىندە ەس­ىرتكى ساتۋدىڭ 33 فاكتىسى انىقتالدى. 316 كەلىدەن استام ەسىرتكى قۇرالى, ونىڭ ىشىندە 2 كەلىگە جۋىق گەروين تاركىلەندى, دەيدى ءىىم وكىلى. الەكساندر تاسبولاتوۆ.