ىرعىزعا ۇشاق قاتىنايدى

شالعايداعى ىرعىز اۋدانىنىڭ ورتالىعىندا اۋەجاي اشىلىپ, جيىرما جىل ۇزىلىستەن كەيىن جولاۋ­شىلار ۇشاعى قاتىناي باستادى. ەل تاۋەلسىزدىگىنىڭ 20 جىلدىعى قار­سا­ڭىندا پايدالانۋعا بەرىلىپ وتىرعان اۋەجايدىڭ ۇشۋ-قونۋ الا­ڭىن قايتا جاراقتاندىرۋعا وتكەن جىلى 67200,0 مىڭ تەڭگە جۇمسالسا, ءۇستى­مىزدەگى جىلى 20006,0 مىڭ تەڭگە بولىنگەن. اۋەجايدىڭ ۇشۋ-قونۋ الا­ڭىن قايتا جاراقتاندىرۋ, قالپىنا كەلتىرۋ جۇمىستارىن «كازپرومسترويگرۋپپ» جشس جۇرگىزدى. ىرعىز­دىقتار بۇرىن وبلىس ورتالىعىنا اۆتوكولىكپەن 6-7 ساعات ءجۇرىپ با­را­تىن بولسا, ەندى L-410 ۇشاعىمەن       1 ساعات 2 مينۋتتا جەتەتىن بولدى. مۇن­دا بەس ادام جۇمىس ىستەيدى. اپتا­سىنا ەكى رەت قاتىنايتىن ۇشاقتىڭ ءبىر ادامعا بيلەت باعاسى 15782 تەڭگە تۇرعانىمەن جولاۋشى 3 مىڭ تەڭگەسىن عانا تولەيدى. قالعانى وبلىستىق بيۋد­جەت ەسەبىنەن وتەلەدى. اۋە­جاي­دىڭ قۇرىلىس جۇمىستارىن ءجۇر­گىزگەن «كازپرومسترويگرۋپپ» جشس دي­رەكتورى باقىتجان ەرجانوۆ اۋەجايعا تەلەديدار سىيلاپ, 15 زەينەتكەرگە ءوز قاراجاتىنا بيلەت الىپ بەردى. جاڭادان اشىلعان اۋە­جايدىڭ لەنتاسىن اۋدان اكىمى ميرحان دۋانبەكوۆ پەن وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باس­­تىعى مالىمبەت ىبىراشەۆ قيدى. ساتىبالدى ءساۋىرباي. اقتوبە وبلىسى.