توپان سۋ اكەلگەن زارداپتار

سوڭعى ەكى اپتادا يتاليادا ورىن العان سۋ تاسقىنىنان زارداپ شەككەندەر سانى 20 ادامعا جەتتى. گەنۋيا قالاسىندا توتەنشە جاعداي جاريالاندى. دۇكەن­دەر, ۆوكزالدار, مەكتەپتەر مەن مۋزەيلەر جابىلۋدا. اۆتوموبيل قوزعالىسىنا شەكتەۋ قويىلىپ, اۋە رەيستەرى باسقا اۋەجايلارعا جىبەرىلۋدە. قالاداعى توپان سۋدان جەتى ادام قازا تاپقان, ولاردىڭ ەكەۋى بالالار. زارداپ شەككەندەردى باسقا جاقتارعا كوشىرۋدە. قۋاتتى تسيكلون فرانتسيا مەن يسپانياعا دا جەتىپ, بۇل ەلدەردە دە ەلەۋلى اپاتتار ورىن الۋدا. يزرايلدەگى ەرەۋىل يزرايلدە ءتورت ساعاتقا سوزىلا­تىن ءىرى كولەمدى ەرەۋىل باستالدى. وعان ەلدىڭ قارجى مينيسترلىگىنىڭ دەلدال فيرمالار ارقىلى جالعا الىنعان قىز­مەتكەرلەردى مەملەكەتتىك قىزمەتشى دەپ تانۋعا كەلىسىم بەرمەۋى سەبەپ بولىپ وتىر. ەلدەگى مۇنداي قىزمەتكەرلەر سانى بۇگىندە 250 مىڭ ادامعا جەتەتىن كورىنەدى. ەرەۋىل سالدارىنان مەملەكەتتىك مەكەمەلەردىڭ, اۋرۋحانالار مەن كولىك جۇيەسىنىڭ جۇمىسى توقتاتىلىپ, مەكتەپ جاسىنا دەيىنگى مەكەمەلەر مەن ۋنيۆەرسيتەتتەردەگى ساباقتار ءىشىنارا كەيىنگە قالدىرىلدى. ەكولوگتاردىڭ قارسىلىق اكتسياسى ۆاشينگتونداعى اق ءۇي الدىنا 8 مىڭنان استام ادام قارسىلىق اكتسياسىنا جينالدى. ولار قورشاعان ورتاعا ەلەۋلى شىعىن كەلتىرۋى مۇمكىن Keystone XL مۇناي قۇبىرىنىڭ قۇرىلىسىن سالۋعا قارسىلىق بىلدىرۋدە. TransCanada كورپوراتسياسىنىڭ مۇناي قۇبىرى تەحاس­تىڭ مۇناي وڭدەۋ زاۋىتتارىن كاناداداعى كەن ورىندا­رىمەن بايلانىستىرۋعا ءتيىس. اق ءۇيدىڭ رەسمي ادامدارىنىڭ حابار­لاۋىنشا, بۇل ۋاقىتتا باراك وباما اق ۇيدە بولماعان كورىنەدى. تاسقىننىڭ توقتار ءتۇرى جوق تايلاندتاعى سۋ تاسقىنىنان 500-دەن استام ادام قۇربان بولعان. توپان سۋ بارعان سايىن ەل اۋماعىنا كەڭىنەن جايىلۋدا. بانگكوك بيلىگى قالانىڭ 10 اۋدانىنىڭ تولىقتاي ەۆاكۋاتسيا­لانا­تىنىن حابارلادى. ول بىرنەشە ميلليون­داعان ادام شۇعىل تۇردە ءوز ۇيلەرىن تاستاپ شىعۋى كەرەك دەگەندى بىلدىرەدى. تايلاندتا شىلدە ايىنان بەرى جاۋىن توقتاۋسىز جاۋدا. كەم دەگەندە 800 تۇرعىن ءۇي قيراپ, جولدار بۇزىلعان. بانكتەر جابىلىپ, 10 مىڭعا جۋىق زاۋىتتار مەن فابريكالاردىڭ جۇمىسى توقتاتىلعان. 700 مىڭداي ادام جۇمىسسىز قالىپ وتىر. حاكەرلەر شابۋىلى ءيزرايلدىڭ قارۋلى كۇشتەرى مەن قاۋىپسىزدىك قىزمەت­تەرىنىڭ سايتتارىنا حاكەرلىك شابۋىل جاسالدى. حالىقارالىق اقپارات اگەنتتىكتەرىنىڭ حابارلاۋىنشا, ءيزرايلدىڭ قورعانىس ارمياسىنىڭ جانە مەملەكەتتىك قاۋىپسىز­دىك قىزمەتىنىڭ ينتەرنەت پاراقتارى وففلاينعا شىعارىلعان. ەلدىڭ موسساد بارلاۋ باسقارماسىنىڭ سايتى دا وسىنداي جاعدايعا دۋشار بولعان كورىنەدى. وسىلايشا, حاكەرلەر گازا سەكتورىنا بارا جاتقان «بوستاندىق فلوتي­لياسى»  كەمەلەرىن ۇستاپ قالعانى ءۇشىن يزرايلدەن كەك قايتارۋعا تالپىنۋدا. كوش باسىندا – دانيەل ورتەگا نيكاراگۋادا ءوتىپ جاتقان پرەزيدەنت سايلاۋىندا قازىر­گى مەملەكەت باسشىسى دانيەل ورتەگا كوش باسىندا كەلەدى. بيۋللەتەندەردىڭ 7 پايىزىن ەسەپتەۋ قورىتىندىلارى بويىنشا ورتەگا سايلاۋ­شىلاردىڭ 64 پايىزىنىڭ قولداۋىنا يە بولعان. ال ونىڭ ەڭ جاقىن قارسىلاسى فابيو گادەا بار بولعانى 29 پايىز عانا داۋىس جيناعان. ايتا كەتۋ كەرەك, ەلدىڭ ەكس-پرەزيدەنتى ارنولدو الەمانعا سايلاۋشى­لاردىڭ نەبارى 6 پايىزى عانا داۋىس بەرگەن كورىنەدى. قارتتار ۇيىندەگى ءورت اقش-تىڭ كاليفورنيا شتاتىنىڭ مارينا قالاشى­عىن­داعى قارتتار ۇيىندە تۇتانعان ورتتەن 5 ادام قازا تاپقان. جانىپ جاتقان ۇيدەگى ادامداردى قۇتقارماق بولعان ءۇش پوليتسەي دە ۋلانىپ قالعان. سونىمەن بىرگە, پوليتسەيلەردىڭ سىرتىندا تاعى ەكى ادام زارداپ شەككەن كورىنەدى. ولارعا اۋرۋحانادا مەديتسينالىق جاردەم كورسەتىلگەن. قازىرگى ۋاقىتتا قارتتارعا ارنالعان جەكە ۇيدەگى ءورتتىڭ پايدا بولۋ سەبەپتەرى انىقتالۋدا. ۆەنەسۋەلالىق قىز الەم ارۋى اتاندى جەكسەنبى كۇنى لوندوندا وتكەن الەم ارۋى-2011 بايقاۋىندا ۆەنەسۋەلانىڭ 21 جاسار وكىلى يۆيان لۋناسول ساركوس كولمەنارەس جەڭىمپاز اتاندى. س.كولمەنارەس ءوزىنىڭ جاستىعىنا قاراماس­تان HR سالاسىنىڭ مامانى اتانىپ, قازىرگى ۋاقىتتا حابار تاراتۋشى كومپا­نيالاردىڭ بىرىندە قىزمەتكەر بولىپ ىستەيدى. ول بولاشاقتا بالالارمەن جۇمىس ىستەۋدى ارماندايدى ەكەن.  الەم ارۋىنىڭ ءوزى كوپ بالالى وتباسىندا دۇنيەگە كەلگەن. ونىڭ 12 اعا-ءىنى جانە اپا-سىڭلىلەرى بار كورىنەدى. رەسەيدەگى ستالين بەينەلەنگەن كولىكتەر كەيبىر بلوگگەرلەر تاراتقان اقپاراتقا قاراعاندا يوسيف ءستاليننىڭ پورترەتى بەينەلەنگەن جولاۋشىلار كولىگى يركۋتسك, تۇمەن, چيتا, كالينينگراد جانە سەۆاستوپول قالالارى كوشەلەرىندە جۇرگەن كورىنەدى. ستالين پورترەتىنىڭ قالالىق كولىكتەردە پايدا بولۋىن 1941 جىلعى 7 قاراشاداعى اسكەري پارادتى ەسكە الۋ كۇنىمەن بايلانىستىرادى. قىزىل الاڭدا وتكەن سالتاناتتى مارش تا وسى كۇنگە ارنالدى. جەڭىستىڭ 65 جىلدىعى قارساڭىندا ءستاليندى قۇرمەتتەۋشىلەر ونىڭ سۋرەتىن اۆتوبۋستارعا, مارشرۋتتىق تاكسيلەرگە سالىپ, قوعامدىق كولىكتەرگە پلاكاتتار جاپسىرۋدى جوسپارلاعان ەدى. وعان ماسكەۋ بيلىگى قارسى شىققان بولاتىن. ال 6 مامىردا ستالين بەينەلەنگەن پلاكاتتار سانكت-پەتەر­بۋرگ مەتروسىندا پايدا بولعان. ينتەرنەت ماتەريالدارى نەگىزىندە ازىرلەندى.