العاشقى التىن

سەنبى كۇنى فرانتسيا استاناسى پاريجدە اۋىر اتلەتيكادان الەم چەمپيوناتىنىڭ جالاۋى جەلبىرەدى. بۇل باسەكە ءبىزدىڭ ەل ءۇشىن جاعىمدى جاڭالىقپەن باستالدى. جارىستىڭ باستالۋىنا ەكى تاۋلىك قالعاندا وتكەن حالىقارالىق اۋىر اتلەتيكا فەدەراتسياسىنىڭ كەزەكتى كونگرەسىندە ەلىمىز 2014 جىلعى الەم چەمپيوناتىن قابىلدايتىن ەل بولىپ شەشىلدى. سول جيىندا اقش, رەسەي, تۇركيا, تايلاند, پولشا قازاقستان, تاعى باسقا ەلدەر الەم چەمپيوناتىن قابىلداپ, ونى اسا جوعارى دەڭگەيدە وتكىزۋگە مۇمكىندىكتەرى جەتەتىندىكتەرىن مالىمدەگەن ەدى. كونگرەسكە قاتىسىپ, كوپ­شىلىك الدىندا ءسوز سويلەگەن رەسپۋبليكالىق اۋىر اتلەتيكا فەدەراتسياسىنىڭ پرەزيدەنتى قايرات تۇرلىحانوۆ: «قازاق­ستان جاعى قانداي ماڭىزدى شارالاردى قولعا السا دا, ونى دۇركىرەتىپ تۇرىپ وتكىزە الادى. ول ءۇشىن ەلىمىزدە قولايلى جاع­دايدىڭ بارلىعى جاسالعان. ەلىمىزدە سپورتتى دامىتۋدا كوپ­تە­گەن اۋقىمدى شارالار مەن ىرگەلى ىستەر اتقارىلۋدا. ەڭ باستىسى, بۇل سالا مەملەكەت باسشىسى نۇرسۇلتان نازارباەۆتىڭ تىكەلەي نازارىندا. وسىدان بىرەر جىل بۇرىن ەلباسىنىڭ جا­ر­لى­عىمەن قۇرىلعان «سامۇرىق-قا­زىنا» ۇلتتىق ءال-اۋقاتى قورى بۇل كۇندەرى سپورتشىلار قاۋى­مىنا بارىنشا قولداۋ كور­سەتۋى جوعارىدا ايتىلعان ءسوزى­مىزدىڭ ايقىن دالەلى. مىنە, مەم­لەكەت تاراپىنان كورسە­تى­لىپ جاتقان وسىنداي قامقور­لىق­تىڭ ارقاسىندا وتانداس­تا­رىمىز حالىقارالىق ارەنادا وراسان زور ناتيجە كورسەتىپ ءجۇر», – دەدى. باسقا ۇمىتكەر ەلدەردىڭ وكىلدەرى دە مالىمدەمەلەر جاساپ, وزدەرىنىڭ وزگەلەردەن ار­تىق­شىلىقتارىن كورسەتۋگە تى­رىستى. كونگرەسس بارى­سىندا ايتىلعان بارلىق ۋاجگە قۇلاق اسقان حالىقارالىق اۋىر اتلەتيكا فەدەراتسياسى مۇشەلەرىنىڭ تاڭداۋى اقىرى قازاقستانعا ءتۇستى. بۇل شەشىمدى بارلىق دەلەگاتتار قولداپ, 2014 جىلعى الەم چەم­پيو­ناتىن ءبىزدىڭ ەلدىڭ اسا جوعارى دەڭگەيدە وتكىزەتىنىمىزگە سەنىمدىلىك ءبىلدىردى. – ءبىزدىڭ بۇيرەگىمىز قازاقستانعا بەكەر بۇرىپ وتىرعان جوق. بىرىنشىدەن, اتالعان ەلدىڭ سوڭعى ءتورت-بەس جىل شەڭبەرىندەگى تولاعاي تابىسى تاڭداندىرماي قويمايدى. ەكىنشىدەن, ولار قانداي دا باسەكەنى جوعارى دەڭگەيدە ۇيىمداستىرا بىلەدى. بۇعان دەيىن قازاقستاندىقتار ەكى رەت ەرەسەكتەر اراسىنداعى ازيا چەمپيوناتىن وتكىزگەن بولاتىن. ءبىرىن – 2005 جىلى الماتى, ەكىنشىسىن 2009 جىلى تالدىقورعان قا­لالارى قابىلدادى. سارى قۇرلىق سايىپقىراندارىنىڭ باسىن قوس­قان قوس جارىستىڭ دۇركىرەپ تۇرىپ وتكەنىنە كوپشىلىك كۋا. ۇشىنشىدەن, بۇل ەلدە قىزمەت بابىمەن ءوزىم بىرنەشە رەت ىسساپارمەن بولىپ قايت­تىم. جاسىراتىنى جوق, قازاق­ستان­دا مەملەكەت تاراپىنان سپورت سا­لاسىنا وتە جاقسى كوڭىل بولىنەدى. اۋىر اتلەتيكاعا دەگەن حالىقتىڭ ىقىلاسى ەرەكشە. سپورتتىق نى­سان­دارى زامان تالابىنا ساي. سون­دىقتان دا بىزدەر تورتكۇل دۇنيە تەڭدەسسىزدەرىنىڭ باسىن قوساتىن ءدۇبىرلى دودانى وتكىزۋدى قازاق­ستان­عا سەنىپ تاپسىردىق, – دەپ حالىق­ارالىق اۋىر اتلەتيكا فەدەرا­تسيا­سىنىڭ پرەزيدەنتى توماش ايان ءوز ءسوزىن قورىتىندىلادى. پاريجدەگى جارىس وسىنداي جا­عىمدى جاڭالىقپەن باستالدى. ءسوي­تىپ, 2014 جىلعى ليتسەنزيالىق الەم چەمپيوناتىنىڭ جالاۋى استانا قالا­سىندا جەلبىرەيتىن بولدى. ەندى جارىستىڭ وزىنە كەلەر بولساق, وندا الەمنىڭ ءار تۇكپىرىنەن 93 مەملەكەتتەن كەلگەن 600-دەي زىلتەمىرشىلەر باق سىناۋدا. العاشقى كۇنى وتانداستارىمىز باسەكەگە ءتۇس­كەن جوق. بۇل سايىستا اسپاناستى ەلى­نىڭ اسىعى الشىسىنان ءتۇستى. ايەل­دەر اراسىندا 48 كيلو سال­ماق­تا تيان يۋان توپ جارسا, ەرلەر سايىسىندا 56 كيلو سالماقتا ۆۋ تسزينبياو دارا شىقتى. ەسەسىنە جەكسەنبى كۇنى كۇللى جانكۇيەرلەر قا­زاق­ستاندىق ءزۇلفيا چينشان­لو­نىڭ تەڭدەسسىز ونەرىنە قۇلشىنا قول سوقتى. 53 كيلو سالماق دارەجەسى بويىنشا باق سىناعان ول جۇلقىپ كوتەرۋ جاتتىعۋى بويىنشا باستى باسەكەلەستەرى – تۇركيالىق ايىم داسدەلەن مەن قىتايلىق تسزي چجيننان ءتورت كيلو ارتىق كوتەردى. سەرپە كوتەرۋدە دە قارقىنىن ەش باسەڭدەتپەگەن جەرلەسىمىز التىن­نان القا تاعىندى. وعان قوسا جاتتىعۋدىڭ وسى ءتۇرى بويىنشا الەمدىك رەكوردقا وزگەرىس ەنگىزدى. چينشانلونىڭ ءنا­تي­جەسى – 227 (97 + 130) كيلو. ءتۇر­كيا ارۋى 219 (93+126) كيلولىق كورسەتكىشپەن كۇمىسكە قول جەتكىزسە, قىتاي قىزى قولا مەدالدى يەلەندى. ونىڭ ءناتي­جەسى – 214 (93+121). ءسويتىپ, پاريجدەگى دودادا زىلتەمىرشىلەرىمىزدىڭ العاشقى قادامى ءساتتى بولىپ, باس جۇلدەنى ولجالادىق. ءزۇلفيا چين­شان­لونىڭ جەڭىستى جولى الداعى كۇندەرى وزگە دە جەرلەستەرىمىزگە جۇ­عىستى بولۋىن تىلەيىك. داستان كەنجالين.