مادەنيەت جانە ونەر كوللەدجى اشىلدى

ەل ءومىرىنىڭ قارىشتاپ دامۋى ءۇشىن ەكونوميكالىق جانە الەۋ­مەت­تىك جەتىستىكتەر عانا ەمەس, سو­نىمەن بىرگە مادەنيەت پەن ونەر­دىڭ وركەنيەت تالابىنا ساي وركەن­دەۋى دە ەرەكشە ورىن الادى. ەلىمىزدە مادەنيەت پەن ونەردى دامىتۋ جولىندا كوپتەگەن يگى ىستەر اتقارىلىپ كەلەدى. وسى ءسوزى­مىزدىڭ ءبىر مىسالى رەتىندە, جا­قىن­دا تاراز قالاسىنان اشىلعان مادەنيەت جانە ونەر كوللەدجىن ايتساق تا بولادى. ويلاپ قاراساق, ونەر قۋعان جاستار ءۇشىن ايرىقشا وقيعاعا اينالعان وسى ءبىر قۋا­نىش­تىڭ وزىندىك تاريحي سەبەپ-سالدارى دا بار سياقتى. ويتكەنى, جامبىل وبلىسىنىڭ تۇرعىندارى ماقتانىش تۇتاتىن ءداستۇرلى ونەر­دىڭ اتاقتى وكىلدەرى جامبىل, كەنەن, ىقىلاس, ۇلبيكە, ساۋىتبەك سياقتى تاعى باسقا دا ونەر ساڭ­لاقتارىنىڭ مادەني مۇرالارى ءبىر ءوڭىردىڭ عانا ەمەس, بۇكىل ەلىمىزدىڭ رۋحاني بايلىعى بولىپ سانالادى. وبلىس اكىمدىگى سوڭعى ءبىر-ەكى جىلدىڭ ىشىندە مادەنيەت سالا­سىنا جان-جاقتى قامقورلىق جاساپ, ونى زامان تالابىنا ساي جا­ڭ­عىرتىپ, دامىتۋعا ۇلكەن كوڭىل ءبولىپ وتىر. بيىل وبلىستا ۇلت­تىق-اسپاپتار وركەسترى تۇساۋىن كەستى. ۇلتتىق-فولكلورلىق ان­سام­بل­دىڭ نەگىزى قالاندى. اۋدانداردا حالىق تەاترلارىنىڭ جۇ­مىسىن جانداندىرۋ قولعا الىن­دى. مادەنيەت پەن ونەردى وركەن­دەتەتىن ءتۇرلى فەستيۆالدار, باي­قاۋ­لار, كونكۋرستار وتكىزىلۋدە. ارتىستەر مەن انشىلەردىڭ كاسىبي شەبەرلىگىن ارتتىرۋ ءۇشىن ماقسات­تى جۇمىستار جۇرگىزىلۋدە. جاڭادان اشىلعان مادەنيەت جانە ونەر كوللەدجى – كوپشىلىكتىڭ قالاۋىمەن, ءبىلىم جانە عىلىم مينيسترلىگىنىڭ جانە وبلىس اكىم­دى­گىنىڭ قولداۋىمەن اشىلىپ وتىر. جامبىل وبلىسىنىڭ اكىمدىگى بۇ­دان بىلاي وسى وقۋ ورنىندا جاس تالانتتاردى ارنايى گرانتپەن وقىتاتىن بولادى. بيىل كوللەدجگە قابىلدانعان 80 قىز پەن جىگىتكە ارنايى گرانت ءبولىندى. سونىڭ ارقاسىندا اۋىلدان ارمان قۋىپ كەلگەن جاس تالانتتار جانە تاراز قالاسىنىڭ ونەرگە بەيىم تۇلەك­تەرى وقۋعا قابىلداندى. جاڭا وقۋ ورنىندا, سونداي-اق كورشى وبلىس­­تاردان كەلگەن ءبىلىم الۋشىلار دا بار. كوللەدجدە جاستاردىڭ ساپالى ءبىلىم مەن سانالى تاربيە الىپ, شىعارماشىلىق قابىلەتىن شىڭ­دا­ۋ­ى­نا بارلىق قاجەتتى جاعداي جا­سالعان. وندا بىلىكتى ونەر مامان­دا­رى ساباق بەرەدى. ويتكەنى, بولا­شاق ونەر يەلەرىن تاربيەلەۋ قو­عام ءۇشىن جاۋاپكەرشىلىگى اسا زور ءىس. كوسەمالى ساتتىباي ۇلى. جامبىل وبلىسى.