قۇرىلىستىڭ سالتاناتتى اشىلۋ راسىمىنە سارىاعاش اۋدانىنىڭ اكىمى قايرات ابدۋاليەۆ, اۋداندىق ماسليحات حاتشىسى جانىبەك سۇلەيمەنوۆ, «ەكوپروتەح-استانا» جشس ديرەكتورى نازيرجون تەميروۆ جانە جىلعا اۋىلىنىڭ ءبىر توپ تۇرعىندارى قاتىستى. جالپى قۇنى 14 ملرد. تەڭگەنى قۇرايتىن جوبانى ىسكە اسىرۋدى «EcoProTech-Astana» جشس قولعا الىپ وتىر. قۇرىلىس جۇمىستارىنىڭ جالپى جەر اۋماعى 41 گەكتاردى قۇرايدى.
ايتا كەتەيىك, «EcoProTech-Astana» جشس قۇرىلتايشىسى گەرمانيالىق «DAY ENERGY GmbH» كومپانياسى. اتالعان مەكەمە ەنەرگيانى جاڭارتۋ سالاسىنداعى جوبالاردى دامىتۋ مەن فوتوۆولتتىق پانەلدى جانە سۋ ەنەرگياسىن وندىرۋگە نەگىزدەلگەن. كۇن ساۋلەسىنەن وندىرىلگەن ەلەكتر ەنەرگياسىن تەمىرجول سالاسىنا قولدانۋ جوباسى الەمدە العاش رەت قولعا الىنىپ وتىر. قازىرگى تاڭدا «EcoProTech-Astana» جشس-گى مەملەكەتتىك ساراپتاما قورتىندىسىن الىپ, جوبانى قارجىلاندىرۋ ءۇشىن بانكتەرمەن كەلىسىم-شارت جاساسىپ جاتىر. سونداي-اق, ولار جوباعا قاجەتتى قۇرال-جابدىقتاردى جەتكىزىپ بەرەتىن كومپانيالارمەن كەلىسىم جاساسىپ, العاشقى قارجىلارىن اۋدارىپ تا قويعان.
