«لاتىندى قولدا!» اكتسياسى باستاۋ العانىنا ءبىراز ۋاقىت بولدى. جاڭا ءارىپتى جاستار تەزىرەك يگەرىپ اكەتەرى حاق. ءسويتىپ, لاتىندى مەڭگەرگەن ۋاقىت تا ارتتا قالىپ, بۇل قارىپ ءبىزدىڭ قوعامىمىزدىڭ نەگىزگى بولىگىنە اينالادى. سوندىقتان تۇسىندىرمە, ناسيحات جۇمىستارى ءجيى ءجۇرىپ وتىرۋى كەرەك.
- لاتىندى كىرگىزۋ گۋمانيتارلىق-رۋحاني جوبا, قازاق حالقىنىڭ الەمدىك الەۋمەتتىك دەڭگەيدە ورنىن انىقتاپ بەرەدى,-دەدى ەرلان سايروۆ,-سەبەبى الەمدەگى 85 پايىز عىلىمي اينالىم لاتىن ۇلەسىندە. قىتاي مەن جاپونيادا باسقا الىپپە, دەسەك تە سوڭعى كەزدەرى ولار لاتىن الىپپەسىن كوپتەپ ەڭگىزۋدە. ءومىر وزگەرىپ بارا جاتىر. سوندىقتان دا بىزدە باسقا جول جوق. جاڭا تەحنولوگيالار شىعارىلۋدا. لاتىنعا كوشۋ بىرتىندەپ جۇزەگە اسادى. العاشقى ەكى جىلدا الىپپەسىن مەڭگەرتۋ كوزدەلگەن. دەسەك تە, فيلولوگتار قازىرگى قابىلدانعان لاتىن ءالىپبيىن تاعى دا جاقسارتا تۇسەر دەگەن ويىمىز, ۇسىنىسىمىز بار.
ەرلان سايروۆپەن وتكەن جيىنعا قاتىسقان «قازاق ءتىلى» حالىقارالىق قوعامىنىڭ سولتۇستىك-شىعىس ءوڭىرى بويىنشا ۆيتسە-پرەزيدەنتى ورال شارىپباەۆ لاتىن الىپبيىنە كوشۋ ارقىلى قازاق ءتىلىنىڭ قولدانۋ اياسى دا كەڭەيەتىندىگىنە ءتىل جاناشىرى رەتىندە سەنىممەن قارايتىندىعىن جەتكىزدى.
راۋشان نۇعمانبەك
سۋرەتتەردى تۇسىرگەن اۆتور
