جەتىستىكتەرمەن تانىستىردى

«قازاقستان تەمىر جولى» ۇك» اق باس عيماراتىنىڭ ءماجىلىس زالىندا «رەملوكوموتيۆ» اق ۇلتتىق كوم­پانيا­سى شەتەلدىك ارىپتەستەرىن تاۋەلسىز قازاقستان رەس­پۋب­ليكاسىنىڭ جەتىستىكتەرىمەن جانە ءىرى يندۋس­تريا­لىق باعدارلامالاردىڭ ىسكە اسۋ بارىسىمەن تا­نىستىردى. «سيمەنس», «تالگو», «الستوم», «انسالدو» كوم­پا­نيالارى «قتج» ۇك» اق-پەن بىرلەسىپ قازاقستاندا جو­لاۋ­شىلار ۆاگونىن جانە لوكوموتيۆ قۇراستىرۋ زاۋىت­تا­رىن, ەل تەمىر جولىنا قاجەتتى ەلەكترمەن جابدىقتاۋ, بەلگى بەرۋ جانە بايلانىس قۇرالدارىن شىعاراتىن كاسىپ­ورىن­داردى سالۋدا. شەتەلدىك ينۆەستورلار ءارى تەحنولوگيالىق جەتەكشى كومپانيالار قازاقستاننىڭ قوناقتارى عانا ەمەس, قتج-نىڭ يندۋستريالىق-يننوۆاتسيالىق باعدارلاما­نى جۇزەگە اسىرۋداعى سەنىمدى ارىپتەستەرى بولىپ تابىلادى. شەتەلدىك كومپانيالاردىڭ وكىلدەرى «تۇلپار-تالگو» جشس وندىرىستىك ديرەكتورى د.گومەسۋ, «انسالدو» كومپا­نيا­سىنىڭ جوبا مەنەدجەرى ت.بۋحۋناسۋ, «الستوم حولدينگ» ايماقتىق بيزنەس-ديرەكتورى ك. ليۋبە جانە تاعى باسقالار ەلىمىزدىڭ ەگەمەندىك العان جىلدار ىشىندەگى تابىستارىن ايتتى. قوناقتار رەسپۋبليكا استاناسىنىڭ حالىقارالىق ارەناداعى بەدەلى مەن بولاشاقتىڭ وندىرىستىك ءىرى جوبالارىن جاساۋداعى جەتىستىكتەرىنە دە ريزا بولدى. «ەگەمەن-اقپارات».