ەلەكتروندى وقۋلىقتاردى قۇپتادى

زامانعا قاراي جاساقتالعان وتاندىق ەلەكتروندى وقۋلىقتا­رى­مىز سوڭعى جىلدارى وقۋشىلار مەن ۇستازداردىڭ «قولقاناتى» بولدى دەسەك, ارتىق ايتقاندىق ەمەس. 2007 جىلدان بەرى ەلىمىزدەگى بارلىق مەكتەپتەردىڭ جاراتى­لىس­تانۋ پاندەرى مەن تىلدەردى وقى­تۋ­عا ارنالعان 20 مىڭنان اسا ينتەراكتيۆتى تاقتالار ىسكە قوسىلعان ەدى. سول سەكىلدى 40 مىڭنان ارتىق سى­نىپتارعا ينتەراكتيۆتىك تاق­تا­لار قويىلىپ, ونىمەن مۇعالىمدەر جۇمىس ىستەپ جاتىر. بۇل مۇعا­لىم­دەر مەن وقۋشىلاردىڭ وقۋلىقپەن شەكتەلىپ قالماي, جان-جاقتى ىزدەنۋىنە مول مۇمكىندىك جاساپ وتىر. سونىمەن قاتار,  ينتەرنەت ار­قىلى ونلاين ساباقتارىن وتكىزۋ ءىسى دە جاقسى جولعا قويىلعان. ءبى­لىمنىڭ كىلتى مۇعالىمنىڭ قولىندا دەسەك, ولاردى قايتا دايىنداۋ  «ۆي­رتۋالدى سىنىپتار» ءناتي­جەسىندە جۇزەگە اسىرىلۋدا. وسى جوبانىڭ اياسىندا بيولوگيا, حيميا, فيزيكا پاندەرىنەن قازاق, ورىس جانە اعىلشىن تىلدەرىندە ەلەك­تروندى وقۋلىقتار ازىرلەندى. ينتەرنەت ارقىلى ينتەراكتيۆتى ساباقتار وتكىزىلىپ, «زياتكەرلىك ەلەكتروندى وقىتۋ جوباسى» جا­سالدى. وسى ارادا مىنا ءبىر نارسەنى ايتا كەتسەك دەيمىز, العاش رەت وتا­نىمىزدا ارنايى پورتال اشىلىپ, ونلاين ءتاسىلى بويىنشا وتكىزىلگەن ساباققا ەلباسى نۇرسۇلتان نازارباەۆ قاتىسىپ, بۇل ۇرپاق ءۇشىن جاسالىپ جاتقان جۇمىس دەگەن بولاتىن. مىنە,  سودان بەرگى 4 جىل ىشىندە ەلەكتروندى وقىتۋ ءتاسىلى ءوز ەلىمىزدە عانا ەمەس, وزگە جۇرتتارعا دا تانىلىپ ۇلگەردى. سونىڭ ءبىر دالەلى, ۇلى­بري­تا­نيانىڭ بۇرىن­عى ءبىلىم جانە كا­سىبي دايىندىق ءمينيسترى چارلز كلاركتىڭ ءبىزدىڭ ەلەكتروندى وقۋ­لىقتارىمىزدى الەمدىك دەڭ­گەيدە دەپ باعالاۋى ەدى. سۇلەيمەن مامەت.