باۋىرلاس تۇركياعا گۋمانيتارلىق كومەك كورسەتتى

ماگنيتۋداسى 7,2 بالل بولعان جەر سىلكىنىسىنەن زارداپ شەككەن تۇرىكتىڭ ۆان پروۆينتسياسىنا قازاقستاننان گۋمانيتارلىق كومەك ارتقان ۇشاق كەلىپ جەتتى, دەپ حابارلادى قازاقستاننىڭ تۇركياداعى ەلشىلىگى. قازاقستان پرەزيدەنتى نۇر­سۇل­تان نازارباەۆ تۇركيا پرەزيدەنتى ابدۋللا گۇلمەن تەلەفون ار­قىلى سويلەسىپ, كوپتەگەن ادام­دار­دىڭ قازا تابۋىنا جانە عي­ما­راتتاردىڭ قۇلاۋىنا اكەلىپ سوق­تىرعان تۇركياداعى جەر سىلكىنىسىنە بايلانىستى قازاقستان حالقى جانە ءوز اتىنان كوڭىل ايتقان ەدى. سونداي-اق قازاقستان پرەزيدەنتى سۇراپىل اپاتتان زارداپ شەككەندەرگە قازاقستاننىڭ كومەك جانە قولداۋ كورسەتۋگە ءازىر ەكەندىگىن بىلدىرگەن بولاتىن. پرەزيدەنت ن.نازارباەۆتىڭ تاپ­سىرماسى بويىنشا 27 قا­زاندا قازاقستان رەسپۋبليكاسى ءتو­تەن­شە جاعدايلار مينيستر­لى­گىنىڭ ار­نايى ۇشاعى تۇركيانىڭ زيان شەك­كەن ايماعىنا ەڭ قاجەتتى گۋ­مانيتارلىق جۇكتەن تۇراتىن, ونىڭ ىشىندە 600 ورىن­دىق 60 قىستىق شاتىر, 60 جى­لىت­قىش پەش, 300 كورپە, 300 ماتراس, ازىق-ت ۇلىك جانە ت.ب. زات­تاردى جەتكىزدى. جەر سىلكىنىسىنەن زارداپ شەككەندەر ءۇشىن گۋمانيتارلىق كومەك تيەلگەن قازاقستاندىق ۇشاقتى ەرزۋرۋم اۋەجايىندا قازاقستان­نىڭ تۇركياداعى ەلشىسى ج.ءتۇي­مە­باەۆ جانە پروۆينتسيانىڭ باس­شىلارى قارسى الدى. گۋمانيتارلىق جۇكتى تۇرىك تاراپىنا تاپسىرۋ بارىسىندا ج.تۇيمەباەۆ قازاقستان پرەزيدەنتى ن.نازارباەۆتىڭ تۇرىك حالقىنا جانە باسشىلىعىنا دەگەن جىلى دەمەۋ سوزدەرىن جانە شىنايى كۇيزەلىسىن جەتكىزدى.