«بالبوبەكتىڭ» دە وزىندىك تاريحى بار. قارىمدى قالامگەر, دارىندى جۋرناليست, كەزىندە «ورتالىق قازاقستان» گازەتىنىڭ رەداكتورى قىزمەتىن اتقارعان رىمقۇل سۇيلەمەنوۆ تۇساۋىن كەسكەن وسى ارنايى بەت ءالى كۇنگە جالعاسىن تاۋىپ كەلەدى.
بيىل دا ۇجىمنىڭ ۇيىمداستىرۋىمەن ءبىر توپ جاس تىلشىلەر گازەتتىڭ تۋعان كۇنى قارساڭىندا راداكتسياعا ارنايى شاقىرىلدى. اتاپ ايتار بولساق, قارقارالى اۋدانى, №3 ىنتالى مەكتەبىنىڭ وقۋشىسى شالقار Cۇلەيمەنوۆ, بالقاش قالاسى, س.سەيفۋللين اتىنداعى №7 مەكتەپ-گيمنازياسىنىڭ «كاۋسار» ورتالىعىنىڭ جاس ءتىلشىسى ءانۋار يسكاكوۆ, قاراعاندى قالاسىنداعى №53 مەكتەپ-ليتسەيىنىڭ وقۋشىسى فاريزا قۇرمانعاليەۆا, اقتوعاي اۋدانى, ك.بايسەيىتوۆا اتىنداعى مەكتەپ وقۋشىسى ءامينا زەكەن, شەت اۋدانى, يۋ.گاگارين اتىنداعى مەكتەپ وقۋشىسى ايسانىم قايراتوۆا, جاڭاارقا اۋدانى, ب.امالبەكوۆ اتىنداعى مەكتەپ وقۋشىسى ءمادي پازىل, بۇقار جىراۋ اۋدانى, كوكپەكتى ورتا مەكتەبىنىڭ وقۋشىسى ديلناز جاڭبىرباەۆا, وساكاروۆ اۋدانى, №1 قازاق ورتا مەكتەبىنىڭ وقۋشىسى اقبوتا ءابدۋوۆا, قاراعاندى قالاسى, №77 مەكتەپ وقۋشىسى ەركەجان ساعىنتاي ارنايى ديپلوممەن ماراپاتتالىپ, «بالبوبەكتىڭ» ەستەلىك سىيلىعىنا يە بولدى. سونىمەن قاتار گازەت جاناشىرى جانە ۇرپاق تاربيەشىسى بولعانى ءۇشىن بۇلدىرشىندەردىڭ ۇستازدارى دا العىس حاتتارمەن ماراپاتتالدى.
باسىلىم باسشىسى ماعاۋيا سەمباي جاس تىلشىلەرگە ۇلتىنىڭ جوعىن جوقتار, ابىرويىن اسقاقتاتار ازاماتتارى بولۋىنا تىلەگىن ءبىلدىردى.
ميراس اسان,
«ەگەمەن قازاقستان»
قاراعاندى وبلىسى
