دەپۋتاتتار زاڭ جوباسىن تالقىلاۋ بارىسىندا ۇلتتىق ەكونوميكا مينيسترلىگىنە بىرقاتار ماسەلەلەردى قويدى. جالپى وتىرىستا قاراجاتتىڭ يگەرىلمەۋى, ءتيىمسىز ورىنداۋ جانە كۆازيمەملەكەتتىك سەكتوردىڭ قارجىلارىن باقىلاۋ تۋرالى ايتىلدى.
- بيۋدجەت قارجىلارىنىڭ ءتيىمسىز يگەرىلۋىنە قاتىستى ناقتى ولشەم بولۋ كەرەك. ايتپەسە, سىزدەر بيۋدجەت كودەكسىندە تۇسىنىك رەتىندە ۇسىنىپ وتىرعان «ناتيجەلىلىك», «جاۋاپكەرشىلىك», «پەرسپەكتيۆتى» سياقتى جالپىلاما سوزدەر اۋقىمدى مەملەكەت قارجىسىن ءبولۋ كەزىندە ناقتى دالەل بولا المايدى. ويتكەنى, ولاردىڭ ەشقايسىنىڭ تاجىريبەلىك, قولدانبالىق سيپاتى جوق. ال, سۋبەكتيۆتى باعالاۋدىڭ سوڭى جاقسىلىققا اپارماۋى مۇمكىن. ەگەر قارجى ءبىر مەملەكەتتىك ورگاننان باسقا ورگانعا قايتا بولىنەتىن بولسا, نە ءۇشىن ولاي بولعانىنا, نە سەبەپتەن ءتيىمسىز ورىندالعانىنا جانە سوڭعى ناتيجەسىنىڭ قالاي بولعاندىعىنا جاۋاپ بەرۋىمىز كەرەك. وسىدان كەيىن عانا جەكە جاۋاپكەرشىلىككە قادام جاساي الامىز,-دەدى ءماجىلىس سپيكەرى ۇلتتىق ەكونوميكا ءمينيسترى تيمۋر سۇلەيمەنوۆكە.
ودان ءارى ن. نىعماتۋلين ەكىنشى وقىلىمعا دەيىن ء«تيىمسىز ورىنداۋ» تۇسىنىگىنىڭ قارجىگەرلەرگە دە, قاراپايىم ازاماتقا دا تۇسىنىكتى ناقتى انىقتاماسىن تۇجىرىمداۋ قاجەتتىگىنە توقتالدى.
تالقىلاۋ كەزىندە كۆازيمەملەكەتتىك سەكتور قاراجاتتار كولەمىنىڭ ۇلتتىق ەكونوميكا مينيسترلىگى دەڭگەيىندە عانا كەلىسىلەتىندىگى سىنعا الىندى. سپيكەردىڭ ايتۋىنشا پرەزيدەنت بىرنەشە مارتە ۇكىمەتكە باقىلاۋعا الۋعا تاپسىرعان مەملەكەتتىك زايم ماسەلەلەرى تاعى دا مينيسترلىك دەڭگەيىنە ءتۇسىپ وتىر. مينيسترلىك ۇسىنىپ وتىرعان رەداكتسيا ەلباسىنىڭ بيۋدجەتتى باقىلاۋ جونىندەگى نۇسقاۋلارىمەن سايكەس كەلمەيدى. سوندىقتان, بۇل نورمانى پرەزيدەنت تاپسىرماسىن ەسەپكە الا وتىرىپ, قايتادان تياناقتاۋ قاجەت.
تالقىلاۋدى قورىتىندىلاي كەلە, ءماجىلىس توراعاسى زاڭ جوباسىنىڭ بيۋدجەت شىعىستارىنىڭ تيىمدىلىگىن تۇبەگەيلى ارتتىرۋعا جانە بيۋدجەتتىك راسىمدەردى وڭايلاتۋعا باعىتتالۋىنىڭ ماڭىزدىلىعىن اتاپ ءوتتى.
وسىعان بايلانىستى ن.نىعماتۋلين بيۋدجەت قاراجاتىن يگەرۋدىڭ تيىمدىلىگىن قاتاڭ باقىلاۋعا الۋ كەرەكتىنە باسا نازار اۋداردى.
-بىزگە ناقتى ناتيجە كەرەك. ول تۇرعىن ۇيلەر, مەكتەپتەر, بالا-باقشالار, اۋرۋحانالار سالۋ. سوندا عانا ەلباسىنىڭ بولىنگەن قارجىلار ەكونوميكانى دامىتۋعا, ازاماتتاردى جۇمىسپەن قامتۋعا جانە حالىقتىڭ ءال-اۋقاتىن ارتتىرۋعا جۇمىس ىستەۋ كەرەكتىگى جونىندەگى تاپسىرماسىن جۇزەگە اسىرامىز,-دەدى پالاتا سپيكەرى.
تۇتاستاي العاندا «قازاقستان رەسپۋبليكاسىنىڭ كەيبiر زاڭنامالىق اكتiلەرiنە بيۋدجەت زاڭناماسىن جەتiلدiرۋ ماسەلەلەرى بويىنشا وزگەرiستەر مەن تولىقتىرۋلار ەنگiزۋ تۋرالى» قازاقستان رەسپۋبليكاسى زاڭىنىڭ جوباسى بيۋدجەتتىك زاڭنامالاردى تۇزەتۋدى قاراستىرادى, ونىڭ ىشىندە سالالار بويىنشا اتاپ ايتساق, كۆازيمەملەكەتتىك سەكتورعا بولىنەتىن قاراجاتتاردىڭ تيىمدىلىگىن ارتتىرۋ; مەملەكەتتىك جانە مەملەكەتتىك كەپىلدىكتى قارىزدى رەتتەۋدى جانە ت.ب. سياقتى سالالار.
سونىمەن قاتار بۇگىن وتكەن جالپى وتىرىستا ۇستاپ بەرۋ تۋرالى كونۆەنتسيانى راتيفيكاتسيالاۋ تۋرالى زاڭ جوباسى حالىق قالاۋلىلارى تاراپىنان قولداۋعا يە بولدى.
وتىرىس اياسىندا ءماجىلىس جاڭا زاڭ جوبالارىن جۇمىسقا الىپ, ولار بويىنشا بەيىندى كوميتەتتەرگە قورىتىندى ازىرلەۋ مەرزىمدەرىن بەلگىلەدى. ول زاڭنامالىق تۇزەتۋلەر ساقتاندىرۋ جانە ساقتاندىرۋ قىزمەتى ماسەلەلەرى تۋرالى.
سونداي-اق, جاڭا زاڭ جوبالارى مەن راتيفيكاتسيالاناتىن اكتىلەر قاتارىندا - تمد قاتىسۋشى مەملەكەتتەردىڭ اۆتوكولىك قۇرالدارىن جىمقىرۋعا قارسى كۇرەستەگى جانە ولاردى قايتارۋدى قامتاماسىز ەتۋ تۋرالى زاڭ جوبالارى بار.
جالپى وتىرىس سوڭىندا بىرقاتار حالىق قالاۋلىلارى ورتالىق مەملەكەتتىك ورگانداردىڭ باسشىلارىنا دەپۋتاتتىق ساۋالدار جولدادى. ولار ب.سماعۇل, ۆ.كوسارەۆ, ي.سميرنوۆا, م.بوپازوۆ, ر.كيم, ك.قاراكەن, ن.جۇمادىلداەۆا, م.قازبەكوۆا, ا.قوڭىروۆ, ە.بارلىباەۆ, ا.پلاتونوۆ, ب.ىزمۇحامبەتوۆ, ب.ماكەن, ا.پەرۋاشەۆ, ق.ەرجان.
