بۇل كورمەگە جىل سايىنعى ادەتىمەن رەسەي, قىرعىزستان, تاجىكستان, تۇرىكمەنستان جانە ەلىمىزدىڭ 150-دەن استام قولونەر شەبەرلەرى قاتىستى. الماتى – الما جارمەڭكەسىنە اينالىپ جۇرە بەرگەن-ءدى. اپورتتىڭ ادەمى ءيىسى اينالاسىنا بۇرقىراپ, تابەت شاقىرا تۇسكەندەي بولدى. جەڭسىك جەمىستىڭ ساندىك قولدانبالى ونەر شەبەرلەرىنىڭ ءتول تۋىندىلارىندا, زەرگەرلىك زاتتارىندا, شاعىن گوبەلەندەرىندە, كيىز بەن تەرى بۇيىمدارىندا وزگەشە ورنەگىن تاۋىپ جۇرە بەرگەنى كوزىڭىزگە قۋانىش ۇيالاتادى. بۇل جارمەڭكەدە بەرەكە مەن ساتتىلىكتى اكەلەتىندەي ەلەستەيدى ەكەن. ايشىقتى قولتاڭبالارمەن ۇسىنىلاتىن كادەسىيلار تارتىمدىلىعىمەن وزىنە ىنتىقتىرا تۇسەتىنىن قايتەرسىز. داستۇرگە اينالعان جارمەڭكە سالتاناتى ساندىك سومكەلەر, ۇلتتىق ناقىشتاعى زەرگەرلىك بۇيىمدار, ءتۇرلى ويىنشىقتار, تەكەمەتتەر, قىزىلدى-جاسىلدى كورپەلەر, قولدان جاسالعان ويۋ-ورنەككە تولى اسپەتتى شىعارىلىمدار تارتىمدىلىعىمەن كوز اربايدى. جارمەڭكەنى ۇيىمداستىرۋشىلار وسى ارقىلى ەل ىقىلاسىن وزىنە اۋدارىپ العانداي كورىندى.
ساپارباي پارمانقۇل,
«ەگەمەن قازاقستان»
الماتى
