پوليتسيا بولىمشەسىنىڭ اشىلۋ سالتاناتىنا اتىراۋ ءوىىد باستىعى پوليتسيا پولكوۆنيگى ايان دۇيسەمباەۆ, يساتاي اۋدانىنىڭ اكىمى مارات مۇرزيەۆ قاتىستى. دەپارتامەنت باستىعى ءوز سوزىندە شالعاي اۋىلدارداعى حالىقتىڭ وتىنىشتەرىن قاراۋ ءۇشىن مەيلىنشە جاعداي جاسالىپ جاتقانىن ايتتى.
«جاڭا بولىمشە قۇرىلىسى وبلىس اكىمى نۇرلان نوعاەۆتىڭ قولداۋىمەن جانە قر ءىىم پوليتسيا گەنەرال-پولكوۆنيگى قالمۇحانبەت قاسىموۆتىڭ كەلىسىمىمەن جۇزەگە استى. مۇنداعى ءتارتىپ ساقشىلارى جاقىن ماڭدارداعى جانباي, زابۋرىن, نارىن, يساتاي ەلدى مەكەندەرىنىڭ حالقىنا قىزمەت كورسەتەدى. جالپىلاي العاندا بۇل ەلدى مەكەندەردەگى 8500 گە جۋىق تۇرعىن بۇرىن ءوز وتىنىشتەرىن ايتۋ ءۇشىن اۋدان ورتالىعىنا قاتىنايتىن. قازىر بارلىق تۇيىتكىلدەر جەرگىلىكتى جەردە شەشىلەتىن بولادى»,- دەدى دەپارتامەنت باستىعى. ال اۋدان اكىمى مارات مۇرزيەۆ اققىستاۋ سەلوسىندا پوليتسيانىڭ تىرەك پۋنكتىن سالۋ جوسپارلانعانىن جەتكىزدى.
سالتاناتتى شارا بارىسىندا دەپارتامەنت باستىعى پوليتسيا بولىمشەسىنە 3 نيۆا ماركالى قىزمەتتىك كولىكتىڭ كىلتىن تابىس ەتتى.
باقىتگۇل باباش,
"ەگەمەن قازاقستان"
