قازاقستان تارابى تولىق قولدايدى

قىرعىزستان استاناسى – بىشكەك قالاسىندا قازاقستان رەس­پۋبليكاسى پارلامەنتىنىڭ ءماجىلىسى مەن قىرعىز رەسپۋبليكاسى جوگوركۋ كەنەشى اراسىنداعى ىنتىماقتاستىق جونىندەگى پارلامەنتارالىق كوميسسيانىڭ ەكىنشى وتىرىسى بولىپ ءوتتى. اتالعان وتىرىسقا ءماجىلىس ءتور­اعاسىنىڭ ورىنباسارى ءجانى­بەك كارىبجانوۆ باستاعان قۇرا­مىن­دا دەپۋتاتتار قۇرمانعالي ءۋالي, تۇراربەك اسانوۆ, ءۋاليحان قوڭىر­باەۆ, امانگەلدى مومىشەۆ, ەرمۇ­حا­مەت وماروۆ جانە جەكسەنباي دۇيسەنوۆ بار قازاقستاندىق دەلەگاتسيا قاتىستى. پارلا­مەنت­ارا­لىق كوميسسيادا ميگراتسيا, شەك­ارالىق باقىلاۋ, ەكىجاقتى كەلىسىمدەردى راتيفيكاتسيالاۋ جانە وزگە دە ماسە­لەلەر كەڭىنەن تالقىلاندى. سونداي-اق, قازاقستاندىق پارلامەنتتىك دەلەگاتسيا «تاۋەلسىز قىر­­عىزستاننىڭ قالىپتاسۋىن­دا­عى پار­لامەنتتىڭ ءرولى» اتتى حا­لىق­ارالىق كونفەرەنتسياعا دا قا­تىس­قاندىعىن ايتا كەتۋ كەرەك. اتالعان حالىق­ارالىق شاراعا تمد, گرۋزيا, يران پارلامەنتىنىڭ مۇشەلەرى, ديپلوماتيا وكىلدىكتەرى مەن حالىق­ارا­لىق ۇيىمداردىڭ باس­شىلارى جانە عالىمدار قا­تىس­تى. جينال­عان­داردى قىرعىز­ستان پرەزيدەنتى روزا وتۋنباەۆا مەن جوگوركۋ كەنەش سپيكەرى احماتبەك كەلديبەكوۆ ەرەكشە ىقى­لاس­پەن قارسى الدى. قىرعىزستان تاۋەل­سىز­دىگىنىڭ 20 جىلدىعىنا وراي­لاس­تى­رىلىپ وتىرعان اتالعان جيىن­دا پارلامەنتارالىق كوميسسيا ءتور­اعا­­سىنىڭ ورىنباسارى – ەكى پارلامەنت اراسىنداعى دوستىق دەپۋتات­تىق توبىنىڭ جەتەكشىسى قۇرمانعالي ءۋالي قۇتتىقتاۋ ءسوز سويلەدى. دەپۋتات وسى رەتتە قىرعىز رەسپۋبليكاسىنىڭ جوگوركۋ كەنەشىنە قازاقستان پرەزيدەنتى نۇرسۇل­تان نازارباەۆتىڭ كانديداتۋراسىن «يادرولىق قارۋسىزدانۋ ۇدەرىسىندەگى الەمدىك كوشباسشىلىق جانە حالىق­ارالىق قاۋىپسىزدىكتى نىعايتۋ» بو­يىن­شا 2012 جىلعى نوبەل سىي­لى­عىنا ۇسىنۋ تۋرالى باستاماسى ءۇشىن پارلامەنت ءماجىلىسى اتىنان ۇلكەن العىسىن جەتكىزدى. «قازىرگى تاڭدا قىرعىز رەسپۋبليكاسى دەمو­كرا­تيالىق دامۋ جولىنداعى ماڭىزدى ساياسي كەزەڭگە اياق باسىپ وتىر. ءۇستى­مىزدەگى جىلى 30 قازانعا جوس­پارلانعان پرەزيدەنتتىك سايلاۋ – كەلىسىم مەن ساياسي تۇراقتىلىقتىڭ جارقىن كورىنىسىنە جانە قىرعىز حالقىنىڭ بىرلىگىنىڭ جەڭىسىنە اي­نالاتىنىنا سەنىمدىمىز», دەدى ول ءوز سوزىندە. قىرعىزستان باسشىلىعى مەن جوگوركۋ كەنەشىنىڭ ەلدەگى ىشكى سايا­سي تۇراقتىلىقتى ساقتاۋ مەن ۇلت­تىق ەكونوميكانى دامىتۋعا با­عىتتالعان شارالارىن قازاقستان تاراپىنىڭ تولىققاندى قولداي­تى­نى جانە الداعى پرەزيدەنتتىك سايلاۋدىڭ قىرعىز رەسپۋبلي­كا­سىن­داعى بارلىق ساياسي كۇشتەردىڭ ءتيىمدى ىنتىماقتاستىق پەن ىقپال­داستىق سارىنىندا وتەتىندىگىنە زور سەنىم ءبىلدىرىپ وتىرعاندىعى دا نازاردان تىس قالعان جوق. شارا اياسىندا قازاقستاندىق دەلەگاتسيا جوگوركۋ كەنەش ءتور­اعا­سى احماتبەك كەلديبەكوۆپەن كەزدەستى. «ەگەمەن-اقپارات».