«ءانىم ساعان – قازاقستان» اتتى پاتريوتتىق اندەر فەستيۆالىن استانا جۇرتشىلىعى تاماشالادى

تاۋەلسىزدىگىمىزدىڭ 20 جىل­دى­عىنا وراي ەلورداداعى كون­گرەسس-حولل سارايىندا «نۇر وتان» حالىقتىق-دەموكرا­تيا­لىق پارتياسى استانا قالا­لىق فيليالىنىڭ ۇيىمداستىرۋى­مەن «ءانىم ساعان – قازاقستان!» اتتى پاتريوتتىق اندەر فەستيۆالى بولىپ ءوتتى. روزا رىمباەۆا, مارات وماروۆ, انار مۇزداحانوۆا, سۇلەي­مەن يبراگيموۆ, بيبىگۇل ىس­قاقوۆا سياقتى ونەر شەبەرلەرى مەن جاس انشىلەر ورىنداعان پات­ريوتتىق اندەر كوپشىلىكتى ءتانتى ەتىپ, كوپ قوشەمەتىنە يە بولدى. نەگىزىنەن «تۋعان جەر», «قا­زاقستان», «استانا» تا­قىرىبىن قامتىعان ءان فەستيۆالىندە ەلى­مىزدىڭ وسى كۇن­گە دەيىنگى جەتكەن جەتىستىكتەرى, كەڭ باي­تاق جەرى, سۇيىكتى قالا­مىز استانا – ءان بولىپ اۋەلەندى. ساحنا شى­مىل­دىعى كۇي­مەن كۇم­بىرلەتە اشى­لىپ, ال­عاش­قى بو­لىپ «ءان وردا – استانا» ءانىن مارات وماروۆ شارىقتاتا شىرقاسا, ودان كەيىنگى «ناز» بي تەاترى­نىڭ «جاۋىن­گەرلىك ءبيى», مەدەت شايكەلوۆ­تىڭ «ءوز ەلىم», «قازاق قىز­دارى», دۇيسەن ساۋريكوۆ­تىڭ «ناز قوڭىرى», مۇسا ماعزۇم­نىڭ «تاۋ ىشىندە», ارتەم رو­مانوۆ­تىڭ «قا­زاق­ستان», «دۋدار-اي», «دابىل» دۋەتى­نىڭ «ارۋ قالا استانا», ايدار ءامى­رەنىڭ «استانا كەشتەرى» مەن بيبىگۇل ىسقاقوۆانىڭ «ارايلى استانا», قاي­رات اح­مەتوۆتىڭ «تۋ­عان ەلىم» اندەرى كەش اجارىن ارايلان­دىرا تۇسسە, ساح­ناعا سوڭىنان شىق­قان حالىق ءارتىسى روزا رىم­باەۆا ءوزىنىڭ وزەك­جار­دى اندەرى­مەن فەستيۆالدىڭ ءسا­نىن كىرگىزىپ, كوپ­شىلىكتىڭ قۇر­مەتىنە بولەندى. بەرىك سادىر.