مارفۋعا ايتقوجا قازاقتىڭ باسقالارعا ۇقساي بەرمەس تاعدىرلى دا تالانتتى اقىنى, ونىڭ جىرى سۇلۋ, جانى نازىك. ال, وسى ءنازىكتىگىندە توبىلعى بۇرلەگەندەي قايسارلىق بار. قازاقتىڭ وسىناۋ اققۋ اقىنىنىڭ ەل مەن جەردى ەلجىرەي سۇيۋىندە جان تەرەڭىنەن شىققان ساعىنىشتى زار, كەيدە اق جاڭبىر اراسىنان كۇندەي ك ۇلىمدەگەن مۇڭ مەن نۇر جاتقانداي بولىپ كورىنەدى. اقىننىڭ جاقسى دا جارقىن جىرلارى ادامدى وسىنداي سىرشىل سيپاتىمەن باۋرايدى.
كورنەكتى اقىننىڭ 75 جىلدىعىنا ورايلاستىرىپ, ەل تاۋەلسىزدىگىنىڭ 20 جىلدىعىنا ارنالعان جىر كەشىنىڭ «ويلان, اقىن» دەپ اتالۋىندا دا ايشىقتى استار جاتىر. اباي اتىنداعى وپەرا جانە بالەت تەاترىنىڭ ساحناسى اقىنعا دەگەن حالىق ماحابباتىمەن گۇل جايناپ تۇرعانداي. بەلگىلى وپەرا ءانشىسى شاحيماردان ابىلەۆ «ويلان, اقىن» انىمەن جىر كەشىنىڭ ادەمى الەمىنە باستادى. الماتىلىقتار اتىنان اقىندى قالا اكىمىنىڭ ورىنباسارى سەرىك سەيدۋمانوۆ قۇتتىقتاپ, مەرەيتوي يەسىنە وڭتۇستىك استانانىڭ قۇرمەتتى ازاماتى اتاعى بەرىلگەلى جاتقانىن سۇيىنشىلەدى. جاقىندا عانا رەسەي جازۋشىلار قاۋىمداستىعى س.ەسەنين اتىنداعى التىن مەدالىمەن ماراپاتتاعان مارفۋعا اپايىمىزعا قازاقستان جازۋشىلار وداعى باسقارماسىنىڭ توراعاسى نۇرلان ورازالين جىلى لەبىز ارنادى.
سۇيىكتى اقىنعا مادەنيەت ءمينيسترى مۇحتار قۇل-مۇحاممەدتەن, الماتى وبلىسىنىڭ اكىمى اڭسار مۇساحانوۆتان, شىعىس قازاقستان وبلىسىنىڭ اكىمى بەردىبەك ساپارباەۆتان, ءبىلىم جانە عىلىم ءمينيسترى باقىتجان جۇماعۇلوۆتان, قازاقستان حالقى اسسامبلەياسى توراعاسىنىڭ ورىنباسارى ەرالى توعجانوۆتان, حالىقارالىق «ديالوگ ەۋرازيا» پلاتفورماسىنىڭ تەڭ توراعاسى حارۋن توقاقتان جانە باسقالاردان قۇتتىقتاۋ ءسالەمدەرى ءتۇسىپ, اق نيەتتەر اعىل-تەگىل ايتىلدى, گۇل شوقتارى سىيلانىپ, سىي-سياپاتتار جاسالدى.
ءبىر ءسات اقىننىڭ ءوز ولەڭدەرىنە كەزەك بەرىلدى. كورەرمەنمەن كوپتەن قاۋىشپاي ساعىنىپ قالعان مارفۋعا شايىر جىر قاناتىندا ەكى مارتە ۇزاق-ۇزاق قالىقتاي سامعاپ, پوەزيا سۇيەر كوپشىلىكتىڭ مەيىرىن قاندىردى. دينا حامزينا, ەركىن شۇكىمانوۆ, دالەل ءۋاش, جۇپار عابدۋللينا, قابىلاش ابىكەي سىندى جەزتاڭداي انشىلەر اقىن ولەڭىنە جازىلعان, سونىمەن بىرگە اقىننىڭ ءوز اندەرىن ناشىنە كەلتىرە ورىندادى. وسىلاردىڭ ىشىندە ەلباسىعا ارنالعان, وركەسترگە قوسىلىپ قازاقستاننىڭ حالىق ءارتىسى شاحيماردان ابىلەۆ اۋەلەتە سالعان «دارا تۇلعا» ءانى قاۋىمنىڭ ءجۇرەگىنە جول تاۋىپ, تىلەگىمەن ءۇندەسە قۇيىلدى دەۋگە بولادى.
بۇل ءبىر حالقىمىزدىڭ اقىنىن الاقانعا سالىپ ارداقتاي ءبىلۋىنىڭ ۇلگىسىندەي كەش بولدى. ءان بۇلب ۇلى بيبىگۇلدىڭ جىر اققۋى مارفۋعامەن ساحنا تورىندە اپالى-سىڭلىدەي ءبىر-بىرىنە دەگەن ىزگى تىلەكتەستىكپەن قۇشاق جايا تەربەلگەنى قانداي جاراسىمدى. 70 جىلدىعىندا ءدال وسى زالدا بايانداما جاساعان اقىن ءىنىسى باۋىرجان جاقىپتىڭ وسى جولى مولدىرەتىپ ولەڭنەن شاشۋ شاشۋى دا كوڭىلدى ەرەكشە تولقىتىپ, ءومىردىڭ جارىق ساۋلەسىن مولىنان توككەندەي.
زال تولى حالىق: «جاساي بەر, قازاقتىڭ جىر اققۋى!» دەگەن اق تىلەك ۇستىندە مارفۋعا اقىندى كوز نۇرلارىمەن ايالاسا, وسىنىڭ ءوزى جالعىز ادامنىڭ ەمەس, جالپىنىڭ باقىتى دەگەنىمىز دۇرىس شىعار.
قورعانبەك امانجول, الماتى.
مارفۋعا ايتقوجا قازاقتىڭ باسقالارعا ۇقساي بەرمەس تاعدىرلى دا تالانتتى اقىنى, ونىڭ جىرى سۇلۋ, جانى نازىك. ال, وسى ءنازىكتىگىندە توبىلعى بۇرلەگەندەي قايسارلىق بار. قازاقتىڭ وسىناۋ اققۋ اقىنىنىڭ ەل مەن جەردى ەلجىرەي سۇيۋىندە جان تەرەڭىنەن شىققان ساعىنىشتى زار, كەيدە اق جاڭبىر اراسىنان كۇندەي ك ۇلىمدەگەن مۇڭ مەن نۇر جاتقانداي بولىپ كورىنەدى. اقىننىڭ جاقسى دا جارقىن جىرلارى ادامدى وسىنداي سىرشىل سيپاتىمەن باۋرايدى.
كورنەكتى اقىننىڭ 75 جىلدىعىنا ورايلاستىرىپ, ەل تاۋەلسىزدىگىنىڭ 20 جىلدىعىنا ارنالعان جىر كەشىنىڭ «ويلان, اقىن» دەپ اتالۋىندا دا ايشىقتى استار جاتىر. اباي اتىنداعى وپەرا جانە بالەت تەاترىنىڭ ساحناسى اقىنعا دەگەن حالىق ماحابباتىمەن گۇل جايناپ تۇرعانداي. بەلگىلى وپەرا ءانشىسى شاحيماردان ابىلەۆ «ويلان, اقىن» انىمەن جىر كەشىنىڭ ادەمى الەمىنە باستادى. الماتىلىقتار اتىنان اقىندى قالا اكىمىنىڭ ورىنباسارى سەرىك سەيدۋمانوۆ قۇتتىقتاپ, مەرەيتوي يەسىنە وڭتۇستىك استانانىڭ قۇرمەتتى ازاماتى اتاعى بەرىلگەلى جاتقانىن سۇيىنشىلەدى. جاقىندا عانا رەسەي جازۋشىلار قاۋىمداستىعى س.ەسەنين اتىنداعى التىن مەدالىمەن ماراپاتتاعان مارفۋعا اپايىمىزعا قازاقستان جازۋشىلار وداعى باسقارماسىنىڭ توراعاسى نۇرلان ورازالين جىلى لەبىز ارنادى.
سۇيىكتى اقىنعا مادەنيەت ءمينيسترى مۇحتار قۇل-مۇحاممەدتەن, الماتى وبلىسىنىڭ اكىمى اڭسار مۇساحانوۆتان, شىعىس قازاقستان وبلىسىنىڭ اكىمى بەردىبەك ساپارباەۆتان, ءبىلىم جانە عىلىم ءمينيسترى باقىتجان جۇماعۇلوۆتان, قازاقستان حالقى اسسامبلەياسى توراعاسىنىڭ ورىنباسارى ەرالى توعجانوۆتان, حالىقارالىق «ديالوگ ەۋرازيا» پلاتفورماسىنىڭ تەڭ توراعاسى حارۋن توقاقتان جانە باسقالاردان قۇتتىقتاۋ ءسالەمدەرى ءتۇسىپ, اق نيەتتەر اعىل-تەگىل ايتىلدى, گۇل شوقتارى سىيلانىپ, سىي-سياپاتتار جاسالدى.
ءبىر ءسات اقىننىڭ ءوز ولەڭدەرىنە كەزەك بەرىلدى. كورەرمەنمەن كوپتەن قاۋىشپاي ساعىنىپ قالعان مارفۋعا شايىر جىر قاناتىندا ەكى مارتە ۇزاق-ۇزاق قالىقتاي سامعاپ, پوەزيا سۇيەر كوپشىلىكتىڭ مەيىرىن قاندىردى. دينا حامزينا, ەركىن شۇكىمانوۆ, دالەل ءۋاش, جۇپار عابدۋللينا, قابىلاش ابىكەي سىندى جەزتاڭداي انشىلەر اقىن ولەڭىنە جازىلعان, سونىمەن بىرگە اقىننىڭ ءوز اندەرىن ناشىنە كەلتىرە ورىندادى. وسىلاردىڭ ىشىندە ەلباسىعا ارنالعان, وركەسترگە قوسىلىپ قازاقستاننىڭ حالىق ءارتىسى شاحيماردان ابىلەۆ اۋەلەتە سالعان «دارا تۇلعا» ءانى قاۋىمنىڭ ءجۇرەگىنە جول تاۋىپ, تىلەگىمەن ءۇندەسە قۇيىلدى دەۋگە بولادى.
بۇل ءبىر حالقىمىزدىڭ اقىنىن الاقانعا سالىپ ارداقتاي ءبىلۋىنىڭ ۇلگىسىندەي كەش بولدى. ءان بۇلب ۇلى بيبىگۇلدىڭ جىر اققۋى مارفۋعامەن ساحنا تورىندە اپالى-سىڭلىدەي ءبىر-بىرىنە دەگەن ىزگى تىلەكتەستىكپەن قۇشاق جايا تەربەلگەنى قانداي جاراسىمدى. 70 جىلدىعىندا ءدال وسى زالدا بايانداما جاساعان اقىن ءىنىسى باۋىرجان جاقىپتىڭ وسى جولى مولدىرەتىپ ولەڭنەن شاشۋ شاشۋى دا كوڭىلدى ەرەكشە تولقىتىپ, ءومىردىڭ جارىق ساۋلەسىن مولىنان توككەندەي.
زال تولى حالىق: «جاساي بەر, قازاقتىڭ جىر اققۋى!» دەگەن اق تىلەك ۇستىندە مارفۋعا اقىندى كوز نۇرلارىمەن ايالاسا, وسىنىڭ ءوزى جالعىز ادامنىڭ ەمەس, جالپىنىڭ باقىتى دەگەنىمىز دۇرىس شىعار.
قورعانبەك امانجول, الماتى.
سوڭعى جاڭالىقتار
ەرتەڭ اۋا رايىنا بايلانىستى بىرنەشە وڭىردە ەسكەرتۋ جاسالدى
اۋا رايى • كەشە
فريستايل-موگۋل: پاۆەل كولماكوۆ وليمپيادادا 1/8 فينالعا دەيىن جەتتى
وليمپيادا • كەشە
وسكەمەندە اۋانىڭ لاستانۋىنا بايلانىستى وقۋشىلار قاشىقتان وقيدى
ايماقتار • كەشە
استانادا LRT ايالداماسىنان ءورت شىقتى
وقيعا • كەشە
