پرەزيدەنتتىڭ زياتكەرلىك مەكتەبى

«بەرەكە» شاعىن اۋدانىنىڭ اجارىن  كىرگىزىپ,  ءسان-سالتاناتىن ارتتىراتىن بولادى وبلىس ورتالىعىنىڭ باس جوس­پارىنا سايكەس قالانىڭ شەت­كەرى ايماقتارىنا قۇ­رىلىس نىسان­دا­رىن سالۋ جوباسى باس­تالىپ كەتتى. باسشىلىق نازارىنا الدى­مەن بەنزوستروي كەنتى ىلىكتى. ما­ڭاي­دا يگەرىلمەگەن جەرلەر كوپ. جىلۋ جۇيەسى جاقىن ورنالاس­قان. اۋىلدىق ەلدى مەكەندەردەن كوشىپ كەلۋشىلەردىڭ سانى ارتا تۇسكەن. ءسىرا, وسى فاكتورلار الدىمەن ەسكەرىلگەن بولۋ كەرەك. ءسويتىپ, «بەرەكە» دەگەن اتقا يە بولعان بولاشاق جاڭا شاعىن اۋداننىڭ نەگىزى قالانا باستادى. پەتروپاۆل قالاسى اكىمىنىڭ ورىن­با­سارى انتون ماكاروۆ­تىڭ سيپات­تاۋىن­شا, 175 گەكتار اۋماقتى الىپ جاتقان شاعىن اۋداندا ءبىرىنشى كەزەكتە بەس قاباتتى ءۇش 95, ءبىر 80 پاتەرلىك جالگەرلىك-كوممۋ­نال­دىق تۇر­عىن ءۇي, پرەزيدەنتتىڭ زياتكەرلىك مەكتەبى, 1500 ورىندىق جا­بىق ستاديونى بار سپورت سا­رايى, 360 ورىندىق بالاباقشا سالىنىپ, ودان ءارى 5 جانە 9 قاباتتى تۇرعىن ۇيلەر, مەكتەپ, بالا­باق­شا, كوپ فۋنكتسيالى قو­عامدىق ور­تالىق, مەشىت, شىركەۋ بوي كوتەرەدى. ءسويتىپ, الەۋ­مەتتىك-قۇرىلىس ينفرا­­قۇ­رىلىمى كەنجەلەپ قال­عان قالانىڭ وسى بولىگىن ابات­­تاندىرۋ 5-7 جىلعا جوسپارلانعان. بۇل كۇندەرى سەننايا بازا مەن بەنزوستروي كەنت­تەرى ارا­سىنداعى الاڭ­دا قۇ­­رىش قولدى قۇ­رىلىس­شى­لار تۇر­عىن ۇيلەر سا­لۋعا كىرىسىپ كەتكەن. 5 قا­­باتتى 95 پاتەر­لى تۇرعىن ءۇيدى تۇر­عىزۋمەن سەرگەي تيمو­فەەۆتىڭ جەتەكشىلىگىندەگى «وس­نوۆانيە» كومپانياسى اينالىسىپ, قىسقا مەرزىم ىشىندە ىرگەتاسىن قۇي­ىپ ءبىتىردى. ەكى بري­گا­داعا توپ­تاسقان قۇرىلىس­شى­لاردىڭ قي­مى­لى­نا كوز ىلەسپەيدى. قا­زىرگى قار­قىن­عا قارا­عان­دا, كەلەسى جىلدىڭ وسى مەرزىمىندە تاپسىرۋعا تاس-ءتۇيىن ءازىر بو­لۋى ءتيىس 80 پاتەرلىك كوپ قاباتتى ءۇيدى سالۋمەن اينا­لىساتىن «الفا-سەۆەر» جشس قۇرىلىس­شى­لا­رى­نىڭ قيمىلى دا شيراق سەزىلەدى. وسى جەردە قازاقستاننىڭ تۇڭ­عىش پرەزيدەنتىنىڭ 120 ورىندىق جاتاقحاناسى بار 720 وقۋشىعا ارنالعان زياتكەرلىك مەكتەبى تۇر­عىزىلاتىن بولادى. جاقىندا ءوزىن­دىك ءسان-سالتاناتىمەن ايرىق­شا كوز تارتاتىن ەرەكشە ءبىلىم ور­دا­سىنىڭ ال­عاش­قى كىرپىشىن قا­لاۋعا ارنالعان سالتاناتتى ءراسىم ءوتتى. وبلىس اكىمى سەرىك ءبىلالوۆ ەل­باسىنىڭ تىكەلەي تاپسىر­ما­سى­مەن سا­لى­ن­عا­لى وتىرعان تۇڭعىش پرەزي­دەنت­تىڭ حيميا-بيولوگيا با­عىتىنداعى زياتكەرلىك مەكتەبى تاۋەلسىزدىكتىڭ 20 جىل­دى­عى قار­سا­ڭىنداعى ايتۋلى وقيعا ەكەنىن اتاپ ءوتتى. «رەسپۋبليكادا 20 زياتكەرلىك مەكتەپ دارىندى بالالاردى ۇزدىك جوعارى وقۋ ورىندارى ءۇشىن داي­ىن­داۋدىڭ نەگىزگى ار­قاۋى­نا اينالاتىن بولادى», دە­گەن ەلباسىنىڭ سوزدەرىن كەلتىرە وتى­رىپ, ءوڭىر باسشىسى نى­ساننىڭ كەلەسى جىلى پاي­دا­لانۋعا بەرىلەتىنىنە سەنىم ءبىلدىردى. «ۆاUR Kazakhstan» اق-تىڭ ديرەكتورلار كەڭەسىنىڭ ءتور­اعاسى اباي جۇنىسوۆتىڭ ايتۋىنا قاراعاندا, بەنزوستروي كەنتىنىڭ اجارىن اشاتىن ءبىلىم عيماراتى بەس گەكتار اۋماقتا ورنالاس­قان. مەكتەپ 68 وقۋ سى­نى­بىنان تۇرا­دى. دەنەشىنىق­تى­رۋ-سپورت كەشەنىندە فۋتبول, ۆولەيبول, باسكەتبول, حوككەي, جە­ڭىل اتلەتيكا الاڭدارى, ءجۇزۋ باس­سەينى, سپورت جانە جاتتىعۋ زال­دارى بولادى. زاماناۋي قۇ­رال-جابدىقتار ورناتىلىپ, 10 اي­دىڭ ىشىندە ىسكە قوسۋ كوزدەلگەن. كومپانيانىڭ وسىنداعى في­ليالى­نىڭ باستىعى اڭساعان قابدوشەۆ بىزگە عيماراتتىڭ قۇرىلىس جۇمىستارىنا 2,9 ميل­ليارد تەڭگە قاراس­تى­رىل­عانىن, قازىردىڭ وزىندە 200 ادام­نىڭ جۇمىسقا تارتىل­عا­نىن جەتكىزدى. بۇرىندارى قا­تى­ناس وتە قيىنعا تۇسسە, ەندى جولدار اسفالتتالىپ, ومبى با­عىتىنداعى اينالما تاس جولعا قوسىلعان. قوعامدىق كولىكتەر سانى كوبەيگەن. «يگەرۋسىز جاتقان يەن دالادا «بەرەكە» جاڭا شا­عىن اۋدانىنىڭ پايدا بولۋى تاۋەل­سىزدىگىمىزدىڭ ارقاسى. ەلباسىنا ايتار العى­سىمىز شەكسىز», دەيدى قۋا­نىش­تارى قوينىنا سىيماعان سەننايا بازا جانە بەنزوستروي كەنتتەرىنىڭ تۇر­عىندارى. ءومىر ەسقالي, سولتۇستىك قازاقستان وبلىسى.