سۋرەت بەرىك ءۋاليدىڭ فەيسبۋكتاعى پاراقشاسىنان الىندى
باق وكىلدەرى اراسىندا جىل سايىن وتكىزىلەتىن بۇل دوداعا بيىل 22 كوماندا قاتىسۋدا. سولاردىڭ قاتارىندا جۇلدەلى ورىندارعا ءۇمىت ارتىپ وتىرعان ۇجىمداردىڭ ءبىرى – «ەگەمەن قازاقستان» رەسپۋبليكالىق گازەتىنىڭ كومانداسى.
سەيداحمەت بەردىقۇلوۆ 1933 جىلدىڭ 9 مامىرىندا الماتى وبلىسى, جامبىل اۋدانىنداعى قاراقاستەك قىستاعىندا تۋعان. قازاقستانداعى سپورت جۇلدىزدارىنىڭ جەتىستىكتەرىن ناسيحاتتاۋعا ەڭبەك سىڭىرگەن.
1956 جىلى قازۇۋ-دىڭ جۋرناليستيكا فاكۋلتەتىن بىتىرگەن. 1965-1970 جىلدارى «قازاقستان پيونەرى» باسىلىمىنىڭ رەداكتورى. 1970-1986 جىلدارى «لەنينشىل جاس» (قازىرگى «جاس الاش») گازەتىنىڭ رەداكتورى, 1986-1994 جىلدارى «جالىن», «بالاۋسا» باسپالارىنىڭ ديرەكتورى بولعان.
ايتا كەتەيىك, قازاق سپورت جۋرناليستيكاسىنىڭ كورنەكتى وكىلى سەيداحمەت بەردىقۇلوۆتى ەسكە الۋعا ارنالعان شاعىن فۋتبول ءتۋرنيرى بيىل وسىمەن 20-شى رەت ۇيىمداستىرىلىپ وتىر.
