قازاقستان رەسپۋبليكاسى مۇناي جانە گاز مينيسترلىگى
2011 جىلعى 25 تامىز №146 استانا قالاسى
قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى
2011 جىلعى 31 تامىز №275 استانا قالاسى
بىرلەسكەن بۇيرىق
مۇناي ونiمدەرiن ءوندiرۋ سالاسىنداعى جەكە كاسىپكەرلىك سۋبەكتىلەرىنىڭ تاۋەكەل دارەجەسىن باعالاۋ ولشەمدەرىن بەكىتۋ تۋرالى «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» 2011 جىلعى 6 قاڭتارداعى قازاقستان رەسپۋبليكاسى زاڭىنىڭ 13-بابىنا, «مۇناي ونiمدەرiنiڭ جەكەلەگەن تۇرلەرiن ءوندiرۋدi جانە ولاردىڭ اينالىمىن مەملەكەتتiك رەتتەۋ تۋرالى» 2011 جىلعى 20 شىلدەدەگى قازاقستان رەسپۋبليكاسى زاڭىنىڭ 7-بابى 17-تارماقشاسىنا سايكەس بۇيىرامىز: 1. قوسا بەرىلىپ وتىرعان مۇناي ونiمدەرiن ءوندiرۋ سالاسىنداعى جەكە كاسىپكەرلىك سۋبەكتىلەرىنىڭ تاۋەكەل دارەجەسىن باعالاۋ ولشەمدەرى بەكىتىلسىن. 2. قازاقستان رەسپۋبليكاسى مۇناي جانە گاز مينيسترلىگىنىڭ مۇناي-گاز كەشەنىندەگى مەملەكەتتىك ينسپەكتسيالاۋ كوميتەتى (ت.ا. مومىشەۆ): 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن كەيىن رەسمي جاريالاۋدى; 3) وسى بۇيرىقتى قازاقستان رەسپۋبليكاسى مۇناي جانە گاز مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ مۇناي جانە گاز ۆيتسە-ءمينيسترى ل.ك.كينوۆكە جۇكتەلسىن. 4. وسى بۇيرىق العاش رەت رەسمي جاريالانعاننان كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ مۇناي جانە گاز ءمينيسترى ________________ س. مىڭباەۆ. قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترىنىڭ مىندەتىن اتقارۋشى __________________ د. شاجەنوۆا.قازاقستان رەسپۋبليكاسى مۇناي جانە گاز ءمينيسترىنىڭ 2011 جىلعى 25 تامىزداعى №146 جانە قازاقستان رەسپۋبليكاسى ەكونوميكالىق دامۋ جانە ساۋدا ءمينيسترى مىندەتىن اتقارۋشىنىڭ 2011 جىلعى 31 تامىزداعى №275 بىرلەسكەن بۇيرىعىمەن بەكىتىلدى
مۇناي ونiمدەرiن ءوندiرۋ سالاسىنداعى جەكە كاسىپكەرلىك سۋبەكتىلەرىنىڭ تاۋەكەل دارەجەسىن باعالاۋ ولشەمدەرى
1. وسى مۇناي ونiمدەرiن ءوندiرۋ سالاسىنداعى جەكە كاسىپكەرلىك سۋبەكتىلەرىنىڭ تاۋەكەل دارەجەسىن باعالاۋ ولشەمدەرى (بۇدان ءارى – ولشەمدەر) مۇناي ونiمدەرiن ءوندiرۋ سالاسىنداعى جەكە كاسىپكەرلىك سۋبەكتىلەرىن تاۋەكەلدىڭ بەلگىلى ءبىر توبىنا جاتقىزۋ ءۇشىن قازاقستان رەسپۋبليكاسىنىڭ «قازاقستان رەسپۋبليكاسىنداعى باقىلاۋ جانە قاداعالاۋ تۋرالى» 2011 جىلعى 6 قاڭتارداعى, «مۇناي ونiمدەرiنiڭ جەكەلەگەن تۇرلەرiن ءوندiرۋدi جانە ولاردىڭ اينالىمىن مەملەكەتتiك رەتتەۋ تۋرالى» 2011 جىلعى 20 شىلدەدەگى زاڭدارىنا سايكەس ازىرلەندى. 2. وسى ولشەمدەردە مىنا ۇعىمدار پايدالانىلادى: 1) مۇناي ونىمدەرىن ءوندىرۋشى – مۇناي ونىمدەرىن ءوندىرۋدى جۇزەگە اسىراتىن جانە ءوندىرىس پاسپورتى بار جەكە نەمەسە زاڭدى تۇلعا. 2) تاۋەكەل – تەكسەرiلەتiن سۋبەكتiنiڭ قىزمەتi ناتيجەسiندە سالدارىنىڭ اۋىرلىق دارەجەسi ەسكەرiلە وتىرىپ, ادامنىڭ ومiرiنە نەمەسە دەنساۋلىعىنا, قورشاعان ورتاعا, جەكە جانە زاڭدى تۇلعالاردىڭ زاڭدى مۇددەلەرiنە, مەملەكەتتiڭ مۇلiكتiك مۇددەلەرiنە زيان كەلتiرۋ ىقتيمالدىعى; 3) تاۋەكەلدەردi باعالاۋ جۇيەسi – باقىلاۋدى جانە قاداعالاۋدى جۇزەگە اسىراتىن ورگاننىڭ تەكسەرۋلەردi جوسپارلاۋ ماقساتىندا جۇرگiزەتiن iس-شارالار كەشەنi; 4) تاۋەكەل دارەجەسiن باعالاۋ ولشەمدەرi – تەكسەرiلەتiن سۋبەكتiنiڭ تiكەلەي قىزمەتiمەن, سالالىق دامۋ ەرەكشەلiكتەرiمەن جانە وسى دامۋعا اسەر ەتەتiن فاكتورلارمەن بايلانىستى, تەكسەرiلەتiن سۋبەكتiلەردi ءارتۇرلi تاۋەكەل دارەجەسiنە جاتقىزۋعا مۇمكiندiك بەرەتiن ساندىق جانە ساپالىق كورسەتكiشتەردiڭ جيىنتىعى; 5) تەكسەرiلەتiن سۋبەكتى – قىزمەتiنە باقىلاۋ جانە قاداعالاۋ جۇزەگە اسىرىلاتىن مۇناي ونىمدەرىن ءوندىرۋشى; 3. باستاپقى كەزدە بارلىق تەكسەرiلەتiن سۋبەكتىلەر بولماشى تاۋەكەل دارەجەسi توبىنا جاتقىزىلادى. 4. تەكسەرىلەتىن سۋبەكتىلەردى تاۋەكەل توپتارىنا كەيىنگى ءبولۋ مىنا ولشەمدەر بويىنشا جيناعان بالعا بايلانىستى جۇرگىزىلەدى: تەكسەرiلەتiن سۋبەكتىلەرمەن قۇرامىندا مەتالى بار قوسىندىلاردى (ديزەل وتىنى ءۇشىن ستاتيكالىق قارسى قوسىندىلاردان باسقا, تەمىر, مارگانەتس, قورعاسىن جانە باسقالارى) پايدالانا وتىرىپ, بەنزين مەن ديزەل وتىنىن ءوندىرۋ – 2 بالل; ەكى جانە ودان دا كوپ تەكسەرiلەتiن سۋبەكتىلەرمەن مۇناي ونىمدەرىن ءوندىرۋ ءۇشىن ءبىر عانا جابدىقتى پايدالانۋى – 2 بالل; تەكسەرiلەتiن سۋبەكتىلەرمەن شيكى مۇنايدىڭ جانە (نەمەسە) گاز كوندەنساتىنىڭ شىققان جەرىن جانە ساپاسىن راستايتىن قۇجاتتار بولماعان كەزدە مۇناي بەرۋشىلەردەن شيكى مۇنايدى جانە (نەمەسە) گاز كوندەنساتىن ساتىپ الۋعا, سونداي-اق وڭدەۋگە قابىلداۋ – 2 بالل; شۇعىل تۇردە اۆاريالىق جاعدايدى بولدىرماۋ قاجەتتىگى تۋىنداعان جاعدايلاردى قوسپاعاندا, مۇناي ونىمدەرىن ءوندىرۋ سالاسىنداعى ۋاكىلەتتى ورگانمەن كەلىسپەستەن, مۇناي ونىمدەرىن ءوندىرۋ ءۇشىن پايدالانىلاتىن تەحنولوگيالىق قوندىرعىلاردىڭ جۇمىسىن توقتاتۋ جانە از قۋاتتى تەحنولوگيالىق قوندىرعىلارمەن مۇناي ونىمدەرىن ءوندىرۋ – 2 بالل; تەكسەرiلەتiن سۋبەكتىلەردىڭ شيكى مۇنايدى جانە (نەمەسە) گاز كوندەنساتىن وتكىزۋى – 2 بالل; تەكسەرiلەتiن سۋبەكتىدە ءوندىرىس پاسپورتىنىڭ بولماۋى – 1 بالل; تەكسەرiلەتiن سۋبەكتىدە مۇناي ونىمدەرىن ءوندىرۋ سالاسىنداعى ۋاكىلەتتى ورگان بەكىتكەن تەحنولوگيالىق قوندىرعىلاردىڭ جوسپارلى-الدىن الۋ جۇمىستارىن جۇرگىزۋدىڭ جىلدىق كەستەسىنىڭ بولماۋى – 1 بالل; تەكسەرiلەتiن سۋبەكتىلەردە دەربەس سايكەستەندىرۋ ءنومىر-كودىنىڭ بولماۋى – 1 بالل; تەكسەرiلەتiن سۋبەكتىلەردە قازاقستان رەسپۋبليكاسىنىڭ رەزيدەنت-بانكىندە ينۆەستيتسيالىق باعدارلامانى قارجىلاندىرۋ ءۇشىن اعىمداعى شوتتىڭ بولماۋى – 1 بالل; تەكسەرiلەتiن سۋبەكتىلەردىڭ ينۆەستيتسيالىق باعدارلامالاردى ىسكە اسىرۋ تۋرالى ەسەپتىلىكتى ۇسىنباۋى – 1 بالل; تەكسەرiلەتiن سۋبەكتىلەردىڭ مۇناي ونىمدەرىن ءوندىرۋ سالاسىنداعى ۋاكىلەتتى ورگانعا ۆەدومستۆولىق ستاتيستيكالىق قاداعالاۋ نەمەسە اكىمشىلىك ەسەپ جۇرگىزۋ ءۇشىن قاجەتتى باستاپقى ستاتيستيكالىق دەرەكتەردى نەمەسە باستاپقى اكىمشىلىك دەرەكتەردى ۇسىنباۋى – 1 بالل; تەكسەرiلەتiن سۋبەكتىلەردىڭ مۇناي ونىمدەرىن ءوندىرۋدىڭ بەلگىلەنگەن ەڭ از كولەمىن ورىنداماۋى – 2 بالل. 5. تەكسەرۋ قورىتىندىسى بويىنشا تەكسەرىلەتىن سۋبەكتىنىڭ جيناعان باللدارى قوسىلىپ ەسەپتەلەدى. تەكسەرۋ كەزەڭىندە 4 بالدان 6 باللعا دەيىن جيناعان تەكسەرىلەتىن سۋبەكتىلەر ورتاشا تاۋەكەل دارەجەسi توبىنا جاتقىزىلادى. تەكسەرۋ كەزەڭىندە 6 بالل جانە ودان كوپ بالل جيناعان تەكسەرىلەتىن سۋبەكتىلەر جوعارى تاۋەكەل دارەجەسi توبىنا جاتقىزىلادى. جوعارى تاۋەكەل دارەجەسi توبىنا كىرەتىن تەكسەرىلەتىن سۋبەكتىلەر تەكسەرۋ كەزەڭىندە 1 باللدان 2 باللعا دەيىن جيناسا, ورتاشا تاۋەكەل دارەجەسi توبىنا جاتقىزىلادى. جوعارى تاۋەكەل دارەجەسi توبىنا كىرەتىن تەكسەرىلەتىن سۋبەكتىلەر تەكسەرۋ كەزەڭىندە زاڭنامالار تالاپتارىن بۇزباسا بولماشى تاۋەكەل دارەجەسi توبىنا جاتقىزىلادى. ورتاشا تاۋەكەل دارەجەسi توبىنا كىرەتىن تەكسەرىلەتىن سۋبەكتىلەر تەكسەرۋ كەزەڭىندە 1 باللدان 3 باللعا دەيىن جيناسا, بولماشى تاۋەكەل دارەجەسi توبىنا جاتقىزىلادى. 6. جوسپارلى تەكسەرۋلەر تاۋەكەل دارەجەسىنە بايلانىستى: جوعارى تاۋەكەل دارەجەسi كەزiندە – جىلىنا بiر رەتتەن; ورتاشا تاۋەكەل دارەجەسi كەزiندە – ءۇش جىلدا بiر رەتتەن; بولماشى تاۋەكەل دارەجەسi كەزiندە – بەس جىلدا بiر رەتتەن جيi ەمەس كەزەڭدiلiكتە جۇرگىزىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 12 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7180 بولىپ ەنگىزىلدى.
