ماسكەۋدەگى كەزدەسۋلەر

قازاقستاننىڭ باس پروكۋرورى اسحات داۋىلباەۆ پەن ىشكى ىستەر مينيس­ترى قالمۇحانبەت قاسىموۆ جۇمىس ساپارىمەن ماسكەۋگە كەلىپ, مۇندا رەسەيلىك ارىپتەستەرى – باس پروكۋرور يۋري چايكامەن, ىشكى ىستەر ءمينيسترى راشيد نۋرعاليەۆپەن, سونداي-اق جوعارعى سوت توراعاسى ۆياچەسلاۆ لەبەدەۆپەن كەزدەسۋلەر وتكىزدى. كەزدەسۋلەر بارىسىندا حالىق­ارا­­­لىق جانە ايماقتىق قاۋىپ­سىز­دىكتى نى­عايتۋعا, ترانسۇلتتىق قىل­مىسقا بىرلەسىپ توسقاۋىل قويۋ جول­دارىن ىزدەۋگە جانە كۇش-جىگەردى ۇيلەستىرۋگە, ازامات­­تاردىڭ زاڭدى قۇقىقتارى مەن بوستان­دىقتارىن قورعاۋداعى ءوزارا مۇددە­لى­لىككە نەگىزدەلگەن قازاقستاندىق جانە رەسەيلىك قۇقىق قورعاۋ ورگاندارىنىڭ ودان ءارى ىنتىماقتاستىعىنىڭ ءوز­ەك­تى ۆە­دومستۆوارالىق ماسەلەلەرى جونىندە مازمۇندى اڭگىمەلەسۋ ءجا­نە پىكىر الماسۋ بولدى. ۇيىمداسقان قىلمىسقا, تەرروريزم مەن ەكسترەميزمگە قارسى كۇ­رەس­تى ىن­تى­ماقتاستىقتىڭ باسىم با­عىتتارى رەتىندە انىقتاي وتى­رىپ, ەكى ەلدىڭ قۇقىق قور­عاۋ ورگان­دا­رى­نىڭ جەتەكشىلەرى تۋ­ىن­دايتىن سۇ­راق­تاردى جەدەل شەشۋگە ءمۇم­كىن­دىك بەرەتىن ىنتىماقتاستىقتىڭ ءار­تۇر­­­­لى فورمالارىن دامىتۋدى ۇسىندى. اتاپ ايتقاندا, ۇجىمدىق كۇش-ءجى­گەردى قىلمىستىق جولمەن تابىل­عان قار­جىنى جىلىستاتۋ ماسەلەسىن شەشۋگە, ءوزارا قۇقىقتىق كومەك كورسەتۋ ءما­سە­لە­لەرىندە تىعىز قا­رىم-قاتىناس جا­ساۋ­عا جۇمىلدىرۋ, سونداي-اق قازىرگى ۋا­قىتتا سوعۇر­لىم ىقپالدى حالىق­ار­ا­لىق-قۇ­قىق­تىق ينستيتۋتتارعا اينالىپ كەلە جاتقان شانحاي ىنتىماقتاستىق ۇيى­­­مى جانە ۇجىمدىق قاۋىپسىزدىك تۋرالى شارت ۇيى­مى شەڭبەرىندە وسى جۇمىس­تار­دىڭ بەلسەندىلىگىن ارتتىرۋ ۇسىنىلدى. * * * ماسكەۋدە ءوتىپ جاتقان جۇمىس ساپارىنىڭ بارىسىندا قازاق­ستاننىڭ باس پروكۋرورى اسحات داۋىلباەۆ رەسەي فەدەراتسياسى تەرگەۋ كومي­تەتىنىڭ توراعاسى الەكساندر باسترىكينمەن كەزدەستى. ا.داۋىلباەۆ ارىپتەسىنە جىلى قا­بىل­داعانى جانە قۇقىقتىق ءما­سەلەلەر­دىڭ كەڭ اۋقىمى بويىنشا پىكىر الما­سۋ­عا مۇمكىندىك جاساعانى ءۇشىن العىسىن ءبىلدىرىپ, باس پرو­كۋراتۋرانىڭ نەگىزگى قىزمەت باعىت­تارى, قۇقىق قورعاۋ قىز­مەتىندەگى پرو­كۋراتۋرانىڭ ءرولى تۋرالى اي­تىپ بەردى. تاراپتار جاقىن كەلەشەكتەگى جوس­­پار­لارىمەن ءبولىسىپ, قازىرگى ۋا­قىتتا ساپا­لىق جاعىنان جاڭا دەڭ­گەيگە كوتە­رىلىپ وتىرعان ەكىجاقتى ىنتىماقتاس­تىقتىڭ بولاشاعىن تال­قىلادى. اڭگى­مە­لەسۋشى­لەر اتاپ وتكەندەي, ايماقتىق قاۋىپسىز­دىك­تى قام­تاماسىز ەتۋ جونىندەگى قازىرگى سترا­­تەگيالىق مىندەتتەردى جۇزە­گە اسىرۋ كونتەكستىندە ەكى مەم­لە­كەت­تىڭ قۇقىق قورعاۋ ورگاندارىنىڭ ءوزارا ۇيلەسىمدى ارەكەت ەتۋىنىڭ قا­جەتتىلىگى تۋرالى ماسەلە وزەكتى ءجا­نە سۇرانىسقا يە بولىپ وتىر. سون­دىق­تان قازاقستان رەسپۋبليكاسى باس پرو­كۋ­راتۋراسى مەن رەسەي فە­دەراتسياسى تەرگەۋ كوميتەتىنىڭ ارا­سىن­داعى ىنتىماقتاستىق تۋرالى كە­­لىسىمنىڭ جوباسىن تالقىلاۋ كەز­دە­سۋ­دىڭ باستى تاقىرىبىنا اينالدى. قۇجاتقا سايكەس, تەرروريستىك ءجا­نە ەكسترەميستىك باعىتتاعى قىل­مىس­تاردى, ەكونوميكا جانە جوعارى تەحنولوگيا سالاسىنداعى قىلمىس­تاردى, سونداي-اق قوعامعا ەرەكشە قاۋىپ توندىرەتىن باسقا دا قىلمىس تۇرلەرىن تەرگەۋ ءتاجىري­بەسى­مەن ءبو­لىسۋ ءوزارا قارىم-قاتىناستىڭ با­­سىم باعىتتارى رەتىندە انىق­تال­عان. سونىمەن قاتار, تاراپتار ەكى ەل ما­ماندارىنىڭ بىلىكتىلىگىن ارت­تى­رۋعا كو­مەكتەسەتىن, ەكى ۆەدومستۆو اراسىن­داعى كاسىبي الماسۋعا ءمۇم­كىن­دىك جاسايتىن بىرلەسكەن كونسۋل­تاتسيالار, عىلىمي-زەرتتەۋلەر, سەمينارلار, ساراپشىلار­دىڭ كەزدەسۋلەرىن, وزگە دە ءبىلىم بەرۋ باع­دار­لامالارىن وتكىزۋدى كوزدەپ وتىر. ىنتىماقتاستىق پەن ءوزارا ءتۇ­سى­نىس­تىكتىڭ قالىپتاسقان تاجىريبەسىن, كەلىسىمدى جۇزەگە اسىرۋدىڭ قىل­مىس­پەن كۇ­رەس بويىنشا كۇش-ءجى­گەر­دى جۇمىلدىرۋ­داعى ماڭىزدىلىعىن ەسكەرە وتىرىپ, تاراپتار قۇجاتقا تەزدەتىپ قول قويۋعا جانە جەمىستى كاسىبي بايلانىستاردى تەرەڭدەتۋگە مۇددەلىلىكتەرىن راستادى. «ەگەمەن-اقپارات».