- رۇقسات ەتىلمەگەن جەرلەرگە قوقىستاردى شىعارۋعا جول بەرمەۋ ماقساتىندا ءبىز تۇراقتى جۇمىس جۇرگىزىپ تۇرامىز. مۇندا جول پاترۋلدىك قىزمەتى, ۋچاستكەلىك ينسپەكتورلار, تابيعاتتى قورعاۋ پوليتسياسى جۇمىلدىرىلادى. جىل باسىنان بەرى رۇقسات ەتىلمەگەن جەرلەرگە قوقىس توككەن 120-دان استام جۇرگىزۋشى اكىمشىلىك جاۋاپكەرشىلىككە تارتىلدى, - دەدى مەديا ورتالىق تىلشىسىنە استانا قالاسىنىڭ ءىىد جپق باسشىسى باقىتجان مالىباەۆ.
ايىپپۇلدان بولەك, اكىمشىلىك حاتتاما تولتىرعان سوڭ ءتارتىپتى بۇزعان جۇرگىزۋشىلەردىڭ وزدەرى قوقىستى قالالىق پوليگونعا اپارىپ توگۋ شاراسى قولدانىلادى. ول «الاش» تاسجولى بويىندا ورنالاسقان
قالا اۋماعىن قۇرىلىس قالدىقتارىمەن لاستاعان, رۇقسات ەتىلمەگەن جەردە قوقىس ءۇيۋ جانە باقىلاۋ جۇرگىزبەۋ بويىنشا ەلوردانىڭ مەردىگەر جانە قۇرىلىس كومپانيالارىنا قاتىستى اكىمشىلىك تۇرعىدا جازا قولدانىلادى.
- بارلىق ۇيىمداردا قوقىس پوليگوندارىمەن كەلىسىمشارت بار. بىراق ولار وندا اپارمايدى, بەلگىلەنبەگەن جەرگە, جاقىن ماڭعا شىعارىپ شاشادى. سوندىقتان وسىنداعى جول بەرەتىن قۇرىلىس كومپانيالارىنا قاتىستى جازا كۇشەيتىلەدى. ءبىز ۇيلەرىنە قۇرىلىس جاساعان سوڭ قالدىقتاردى رۇقسات ەتىلمەگەن جەرگە توگە سالاتىن جەكە تۇلعالارعا قاتىستى جۇمىستاردى جالعاستىرامىز. بۇل ءىس-شارالاردا ءىىد مەن جپق بارلىق كۇشى جۇمىلدىرىلعان, - دەيدى ب.مالىباەۆ.
بۇدان بولەك, استانا باسشىلىعى تاراپىنان جاڭا رۇقسات ەتىلمەگەن جەرلەردىڭ پايدا بولۋىنا جول بەرمەس ءۇشىن ەسكەرتۋ شارالارى جۇرگىزىلۋدە. ەلوردانىڭ شەت اۋماقتارىنا ەرەكشە كوڭىل بولىنۋدە. بۇل جەرلەردە قاتتى قالدىقتار ۇيىندىلەرى جاڭبىردان كەيىنگى ساڭىراۋقۇلاقتارداي پايدا بولۋدا. ماسەلەن, قوقىس توگۋگە ارنالماعان جەرلەردە اۋماققا جۇك كولىگى كىرىپ, قوقىس توگە المايتىندايجىرا قازادى. سونىمەن قاتار جپق-نىڭ ۋچاستكەلىك ينسپەكتورلارى ەلوردا شەتىندە جۇرەتىن اۋىر كولىك جۇرگىزۋشىلەرىمەن اڭگىمەلەسۋ, ءتۇسىندىرۋ جۇرگىزىلەدى.
- ايتا كەتۋ كەرەك, جىل وتكەن سايىن ەلوردادا زاڭسىز قوقىس ورىندارى ازايىپ كەلەدى. بۇل مەملەكەتتىك ورگانداردىڭ – اكىمدىك, جپق, ۋچاستكەلىك قىزمەتتىڭ جۇمىلا جاساعان جۇمىستارىنىڭ ارقاسىندا مۇمكىن بولىپ وتىر.الايدا نەمقۇرايلى قارايتىن جۇرگىزۋشىلەر دە بار. ولار رۇقسات ەمەس جەرلەردە توگۋدى جالعاستىرۋدا. بىراق ءبىز ءوز كۇشىمىزبەن ولاردى جاۋاپكەرشىلىككە تارتامىز جانە قاتتى قالدىقتاردى ارنايى ورىندارعا شىعارۋدى مىندەتتەيمىز, - دەدى «سارىارقا» اۋدانى ءىىد جپق-نىڭ تابيعاتتى قورعاۋ پوليتسياسى بولىمشەسىنىڭ باسشىسى ارمان سىزدىقوۆ.
ونىڭ سوزىنشە, بۇل اتالعان قۇقىق بۇزۋشىلىق ءۇشىن جەكە تۇلعالارعا ايىپپۇل 20 اەك سالىنادى. زاڭدى تۇلعالار, ەگەر بۇل ورتا جانە شاعىن بيزنەس بولسا – 30 اەك كولەمىندە, ال قايتالاپ زاڭ بۇزعان جاعدايدا – 40 اەك كولەمىندە ايىپپۇل تولەيدى.
ەستەرىڭىزگە سالامىز, ەلوردادا 15 تامىزدان 15 قىركۇيەك جەرگىلىكتى پوليتسيا قىزمەتى, قالالىق پروكۋراتۋرا, ەكولوگيا دەپارتامەنتى, اكىمشىلىك جانە كريمينالدى پوليتسيانىڭ قاتىسۋىمەن رۇقسات ەتىلمەگەن جەرلەردى جويۋ باعىتىندا ايلىق وتۋدە. ەلوردا توڭىرەگىندە رۇقسات ەتىلمەگەن جەرلەردە قوقىس ورىندارىن جاساعان تۇلعالاردى انىقتاۋ جانە جولىن كەسۋ بويىنشا زاڭعا سايكەس جاۋاپكەرشىلىككە تارتۋعا ۇلكەن ءمان بەرىلەدى.
