ول بۇلاندى اۋدانىنداعى ماكين قۇس فابريكاسىنىڭ قۇرىلىسىمەن تانىسىپ, «ماكينسك ەلەۆاتورى» جشس-ىندە بولىپ, قۋاتى جىلىنا 34 مىڭ توننانى قۇرايتىن بازالت مينەرال تاقتالار شىعاراتىن زاۋىتىن («پوليتەرم» جشس) ارالادى. دەپۋتات ماڭىزدى ينۆەستيتسيالىق جوبالاردى ناتيجەلى جۇزەگە اسىرۋ اۋداننىڭ الداعى ۋاقىتتا ەكونوميكالىق دامۋىنا جاقسى سەرپىن بەرەدى دەپ سانايدى.
ر.اكىموۆ الەۋمەتتىك سالانىڭ احۋالىمەن دە تانىستى. «ارايلىم» بالالار باقشاسىندا, اۋداندىق ەمحانادا بولىپ, ەڭبەك ۇجىمىمەن دارىگەرلىك قىزمەت كورسەتۋلەردى دامىتۋ جانە ازاماتتاردى مەديتسينالىق ساقتاندىرۋ ينستيتۋتىنىڭ ەنگىزىلۋى ماسەلەلەرىن تالقىلادى.
اقكول اۋدانىنىڭ باسشىلىعىمەن كەزدەسۋ بارىسىندا الەۋمەتتىك-ەكونوميكالىق سالاعا قاتىستى ماسەلەلەر تالقىلاندى. سەناتور پارلامەنتتىڭ جوعارعى پالاتاسى جۇمىسىنىڭ ناتيجەلەرى تۋرالى جان-جاقتى حاباردار ەتتى.
راشيت اكىموۆ اۋداندىق ءماسليحات حاتشىسىمەن جانە دەپۋتاتتارمەن كەزدەسۋ بارىسىندا قازىرگى كەزدە پارلامەنت پالاتاسىنىڭ قاراۋىندا 80-نەن استام زاڭ جوباسى بار ەكەنىن اتاپ ءوتتى. ولاردىڭ قاتارىندا ەلىمىزدىڭ ورمان قورىن قورعاۋعا باعىتتالعان قۇجاتتار دا بار. وزەكتى ماسەلەلەردىڭ قاتارىندا ورتكە قارسى جانە اعاشتاردىڭ زاڭسىز كەسىلۋىنە قارسى شارالار عانا ەمەس, ورمان ايماقتارىندا مال جايۋ, ورماندى ءوز ماقساتىندا پايدالانباۋ, ورمان قورىنا جاتاتىن جەرلەردىڭ قاتارىندا اۋىل شارۋاشىلىعى ماقساتىنداعى جەر دە بار. سوعان بايلانىستى ورماندى ساقتاۋ عانا ەمەس, ونىڭ اۋماعىن كەڭەيتۋ ماقساتىندا ورماندى قورعاۋدى زاڭمەن رەتتەۋ جۇمىستارىن جۇزەگە اسىرۋعا تۋرا كەلەدى.
سەناتور استراحان اۋدانى, قىزىلجار اۋىلىنداعى جوندەۋدەن وتكەن كلۋبتا, «ىرىستى-استىق» استىق جيناۋ مەكەمەسىندە, «فەدورەنكو يك» جانە «فەرمەر-2002» سەرىكتەستىكتەرىندە بولدى.
