التىن كورىپ, جولدان تايعان...

قوستانايدا №108-ءشى «كيەۆ-اس­تانا» جولاۋشىلار پويىزى جو­لاۋ­شى­سىنىڭ ۇستىنەن قىل­مىس­­تىق ءىس قوز­عالدى. ۇستىمىزدەگى جىل­دىڭ ماۋسىم ايىندا بىرلەسكەن كەدەن­دىك-شەكارا­لىق باقى­لاۋ جاسالعان كەزدە وسى پويىز­دىڭ 8-ءشى ۆاگونى جولسەرىگىنىڭ دەما­لىس كۋپەسىنە جا­سىرىلعان ال­تىن-كۇمىس اشەكەي بۇيىمدار تا­بىل­عان بولاتىن. ونى ۋكراي­نا­نىڭ ازا­ماتى قا­ڭىل­تىر قال­تا­لارعا سالىپ, جول­سەرىك­تىڭ كۋپەسىندەگى قۋىسقا باي­قالماي­تىن­داي ەتىپ جاسىرعان ەكەن. بىراق ول كەدەنشىلەر مەن شەكاراشى­لاردىڭ قىرا­عى كوزىنەن تاسا قالما­دى. ءسوي­تىپ, استاناعا جاسىرىن بارا جات­قان باعالى تاۋاردىڭ تاران اۋدانىن­داعى توبىل ستانساسىنا كەلگەندە جولى قىرقىلدى. ساراپشىنىڭ قورىتىندىسى اي­عاقتاعانداي, زەرگەر بۇيىم­دار­دىڭ باسىم كوپشىلىگى كۇمىس­تەن جا­سال­عان. التىن اشەكەيلەر از. الاي­دا, تاركىلەنگەن تاۋار قۇن­­دى بولىپ سانالادى, ونىڭ باعاسى 7 875 000 تەڭگەنى قۇراي­دى. استا­نا­­عا الىپ بارا جاتقان وسىنشا با­عالى ءارى اسا كوپ مولشەردەگى ال­تىن-كۇ­مىس اشە­كەي­لەر ساۋداعا ءتۇ­سەر مە ەدى, الدە باسقا ماقساتقا جا­راتىلۋ ءۇشىن الىندى ما, ءازىر ول جاعى بەلگىسىز. ەندى ارام جولمەن بايىعىسى كەلگەن پىسىقتىڭ تاعدىرىن ءادىل سوت شەشەدى. ءنازيرا جارىمبەتوۆا. قوستاناي.