شەكارادا قۇرىقتالعان

قازاقستان رەسپۋبليكاسى ۇلت­تىق قاۋىپسىزدىك كوميتەتىنىڭ شەكارا قىزمەتى شەكارالىق كەڭىس­تىك­تە بارلىق ازاماتتىق جانە زاڭدى تۇلعالاردىڭ, ونىڭ ىشىندە شەتەل ازاماتتارىنىڭ حالىقارالىق شار­ت­­تاردى ساق­تاۋ­لارىنا كۇن سا­يىن باقىلاۋ جاساۋ جولىمەن قا­زاقستان رەس­پۋبليكاسى مەملەكەتتىك شەكارا­سىنىڭ كۇزەتىن جۇزەگە اسىرادى. كۇن سايىن شەكارالىق كەڭىستىكتە 70-تەن 100-گە دەيىن قا­زاق­ستان رەسپۋبليكاسى مەملەكەتتىك شەك­ارا­سىن بۇزۋشىلار ۇستالادى. وسى­لايشا, 2011 جىلعى 9 ايدا ەلى­مىزدىڭ جانە شەكتەس مەم­لەكەت­تەردىڭ 1000-عا جۋىق ازا­ماتتارى ۇستالدى. قازاقستاندىق شەكاراشىلار قۇقىق قورعاۋ ورگاندارىمەن جانە تابيعات قورعاۋ ۆەدومستۆولارىمەن ارەكەتتەسە وتىرىپ, كاسپي تەڭى­زى­نىڭ ايدىندارىندا براكونەرلىكتىڭ جولىن كەسۋ جانە ءجۇزۋدىڭ قولايلى رەجىمىن ساقتاۋ بويىنشا شارا­لار­عا بەلسەندى قاتىسادى. جىل باسىنان بەرى مەملەكەتتىك شەكاراداعى ءارتۇرلى قۇقىق بۇزۋشىلىقتارى ءۇشىن – 1125 ادام جالپى سوماسى 10 909 421 تەڭگەگە  اكىمشىلىك جاۋاپكەرشىلىككە تار­تىلدى. قازاقستان رەسپۋبلي­كاسى­نىڭ ۇقك شەكارا قىزمەتى ەسىرتكىلىك زاتتاردى الىپ ءوتۋ­دىڭ 118 جاع­دايىنىڭ جولىن كەستى. ۇستال­عان ەسىرتكىلەردىڭ جالپى سالماعى 430 كيلوگرامنان استى. ونىڭ ىشىندە گەروين – 90 كيلوگرامنان استام, ناشا – 23 كيلوگرامنان استام, ماريحۋانا – 323 كيلوگرامنان استام. 12 گەكتار قاراسورا پلان­تا­تسياسى جو­يىلدى. مەملەكەت كىرىسىنە 157 ملن. تەڭگە قارا­جات قايتارىلدى. نۇربەك جاقانوۆ, قر ۇقك شەكارا قىزمەتىنىڭ قىزمەتكەرى.