ايتەۋىر, كۇننىڭ كوزى جىلىنعاندا سەنبىلىكتەر ۇيىمداستىرىلىپ جاتادى. جەكەلەگەن ۇيىمدار تازالىق اكتسيالارىنا ۇيىتقى بولىپ ءجۇر. الايدا, مۇنىڭ ءبارى كەلەڭسىز كورىنىستەردى قانشالىقتى وزگەرتە الادى؟ قىسقاسى, قوعامدىق ساناعا ساۋلە تۇسىرمەك نيەتىندە تاياۋ كۇندەرى Carlsberg Kazakhstan كومپانياسى الماتى اۋەجايىنىڭ ماڭىنداعى كولدە ء«مولدىر سۋ» ەكولوگيالىق ناۋقانىن قايتا قولعا الدى. ماڭىزدىسى سول, بۇل اكتسياعا قوسىلعاندار كولدىڭ كوزىن بىتەگەن, سۋىن لاستاعان قوقىستى قايتا وڭدەۋگە تاپسىردى.
ء«مولدىر سۋ» ەكولوگيالىق باستاماسى نەگىزىنەن قازاقستان سۋلارىنىڭ ەكوجۇيەسىن ساقتاپ قالۋعا, سونىمەن بىرگە قوقىستاردى بولەك جيناۋ جانە وڭدەۋ مادەنيەتىنىڭ دامۋىنا ۇلەس قوسۋعا باعىتتالعان. كومپانيا بۇل ىسكە ءوز سەرىكتەستەرىمەن قوسا, جۋرناليستەردى جانە ءوز ەركىمەن قوسىلعان جانداردى دا تارتىپ وتىر. وسىلايشا, 2017 جىلدىڭ سوڭىنا دەيىن الماتى, قاراعاندى, اتىراۋ, پەتروپاۆل قالالارىنىڭ, الاكول كولىنىڭ بەس لوكاتسياسىندا قوقىس جيناۋ جوسپارلانىپ وتىر. وعان قوسا, ۇستىمىزدەگى جىلى بۇل ناۋقان تاعى ءبىر قىرىنان تانىلاتىن بولادى. قاتىسۋشىلار قوقىس جيناۋ ورىندارىندا قوقىستاردى ىرىكتەپ, جينالعان قوقىستاردىڭ ءبىر بولىگى قايتا وڭدەۋ ءۇشىن ارنايى مامانداندىرىلعان ۇيىمدارعا تاپسىرىلادى. سونىڭ ىشىندە شارا بارىسىندا جينالعان پلاستيكتەن وسى جوبانىڭ مەردىگەرى – Zeta كومپانياسى قوقىس جيناۋعا ارنالعان كونتەينەرلەر جاساپ, كەيىن ولاردى قوقىستان تازارتىلعان ايماقتاردا ورناتۋعا بەرەدى.
مۇنداي مەحانيزم زاماناۋي شەشىمدەردىڭ كومەگىمەن پلاستيك شولمەكتىڭ قالدىقتارىنان كەز كەلگەن ءونىمدى جاساۋعا بولاتىن تاماشا شيكىزات شىعاتىنىن كورنەكتى تۇردە ناسيحاتتاعالى وتىر.
ءبىر جاعىنان, بۇل باستاما Carlsberg Group - Together Towards ZERO عالامدىق تۇراقتى دامۋ ستراتەگياسىنىڭ قيسىندى قۇرامداس بولىگى ەكەنىن ايتا كەتۋگە بولادى. ياعني عالامدىق ستراتەگيادا «نولدىك سۋ ىسىرابى» دەپ اتالاتىن بۇل ماقسات بىرقاتار فاكتورلاردى باسشىلىققا الادى. ويتكەنى, بۇگىنگى تاڭدا الەمدە سۋدى وڭدى-سولدى ءتيىمسىز جۇمسايتىن ورىندار تىم كوپ بولعاندىقتان, سۋدىڭ جەتىسپەۋشىلىگى كوكەيكەستى ماسەلەگە اينالىپ بارادى.
ء«بىزدىڭ باعدارلامامىز بيىلعى جىلى استانادا ەكسپو-2017 سەكىلدى اسا ءىرى شارا وتكىزىلىپ جاتقان ۋاقىتتا قازاقستان نارىعى ءۇشىن اسا كوكەيكەستى بولىپ وتىر. بۇل كورمەدە جاسىل ەكونوميكا جانە ەنەرگيانىڭ جاڭعىرمالى كوزدەرى سالاسىنداعى ەڭ ۇزدىك شەشىمدەر مەن ەڭ جاڭا تەحنولوگيالار ۇسىنىلۋدا. سarlsberg Kazakhstan كوپتەن بەرى تۇراقتى دامۋدى باسىم ماقسات رەتىندە تاڭداپ, بۇگىنگى تاڭدا ءوزىنىڭ قىزمەتى ناتيجەسىندە قورشاعان ورتاعا جاعىمسىز اسەرىن ازايتۋ سالاسىندا ەداۋىر جەتىستىكتەرگە قول جەتكىزدى. ءسويتىپ, 2012-2016 جىلدار ارالىعىندا ەلەكتر قۋاتىن تۇتىنۋدى – 42%, جىلۋ قۋاتىن تۇتىنۋ – 51%, سۋدى تۇتىنۋ 47% تومەندەتتى», – دەيدى سەرىكتەستىك وكىلى.
نە دەسەك تە, بۇل باستاما ءبىر عانا كومپانيانىڭ قورشاعان ورتانى قۇرمەتتەۋگە قاتىستى تىرلىگىنىڭ ءبىر پاراسى. مۇنداي مىسالدار ءار ادامنىڭ, ءاربىر ءوندىرىس ورنى مەن ءومىر سۇرگەن تىرشىلىك يەسىنىڭ ۇستانىمى بولسا وندا ءبىز جۇرگەن جەر جۇماقتىڭ ءوزى بولماي ما؟
ايناش ەسالي,
«ەگەمەن قازاقستان»
الماتى
