ءۇش ءوڭىردىڭ وركەندى وزگەرىستەرى

كەشە مەملەكەت باسشىسى نۇرسۇلتان نازارباەۆ بەيبىتشىلىك جانە كەلىسىم سارايىندا وتكەن قاراعاندى, ماڭ­عىس­تاۋ جانە سولتۇستىك قازاقستان وبلىستارىنىڭ كۇندەرىنە ارنالعان ءىس-شارالارعا قاتىستى. پرەزيدەنت اۋەلى قاراعاندى, ماڭ­عىستاۋ جانە سولتۇستىك قا­زاق­ستان وبلىستارىنىڭ جەتىستىكتەر كورمە­­سىمەن تانىستى. مەملەكەت باس­شىسىنا ەكونوميكالىق, الەۋ­مەت­تىك جانە مادەنيەت, ءبىلىمدى دا­مى­تۋ باعدارلاماسى, دەن­ساۋ­لىق ساق­تاۋ, تۋريزم مەن بيزنەس سالالا­رىن­داعى جەتىستىكتەر تا­نىس­تىرىلدى. قاراعاندى وبلىسىنىڭ اكىمى س.احمەتوۆ پرەزيدەنتكە ءوڭىردىڭ ەكو­­­نو­ميكالىق جاعدايى مەن الەۋ­مەت­تىك سالاداعى دامۋى تۋرالى بايان­دادى. 20 جىل ىشىندە وب­لىس­تاعى جال­پى وڭىرلىك ءونىم 2 ملرد. تەڭ­گەدەن 2 ترلن. تەڭگەگە دەيىن ۇلعاي­عان. بۇگىندە وبلىس جالپى وڭىرلىك ءونىم كولەمى بويىنشا 3-ورىن الادى. سوڭعى 10 جىلدا ونەركاسىپ ءوندىرىسى 3,8 ەسەگە ءوستى. ۇدەمەلى يندۋستريالىق-يننو­ۆاتسيالىق دامۋ باعدارلاماسى ايا­سىندا يندۋستريالاندىرۋ كارتا­سىنا قاراعاندى وبلىسىنان جال­پى سوماسى 272,8 ملرد. تەڭگەنى قۇ­­راي­تىن, 5 مىڭنان استام جۇ­مىس ورنى اشىلاتىن, 42 ينۆەس­تي­تسيا­لىق جوبا ەنگىزىلدى. بۇگىنگى كۇننىڭ وزىندە 18 جوبا ىسكە اسى­رىلدى. جەتىستىكتەر كورمەسى كەزىندە ماڭ­عىستاۋ وبلىسىنىڭ اكىمى ق.كوشەر­­باەۆ مەملەكەت باس­شىس­ى­نا ءوڭىردىڭ الەۋمەتتىك-ەكونو­ميكا­لىق دامۋى تۋ­­­­را­لى حابارلادى. وبلىستا جان با­سى­نا شاققانداعى جالپى وڭ­ىرلىك ءونىم ەڭ جوعارى كورسەت­­كىشتىڭ ءبىرى. ول 2010 جىل­­دىڭ قورىتىن­دىسى بوي­ىن­شا 19 مىڭنان استام دوللاردى قۇرادى. ەگەر 1993 جىلى ءوڭىر رەسپۋب­لي­كانىڭ ونەركاسىپ ءوندىرىسىنىڭ 4,5 پايىزىن قامتاماسىز ەتسە, بۇ­گىن­دە وبلىستىڭ ۇلەسىنە 16,5 پايىزى تيەسىلى. جان باسىنا شاق­قاندا ينۆەستيتسيا تارتۋ كولەمى بويىنشا ەلىمىزدە ەكىنشى ورىن الادى. سوڭعى 10 جىلدا تۇرعىن ءۇي قو­رى 3 ميلليون شارشى مەترگە ۇل­عاي­دى. 20 مىڭنان استام وتبا­سى جا­­ڭا پا­تەرلەردە تۇرىپ جا­تىر. ءار اۋىلدا گاز, سۋ, جارىق, بايلانىس, ينتەرنەت جانە تەلەۆيزيا بار. 20 جىلدا ماڭعىس­تاۋ­دا 160 بالاباق­شا مەن جالپى ءبىلىم بەرەتىن مەكتەپ, سونىڭ ىشىندە «100 مەكتەپ, 100 اۋرۋحانا» جانە «بالاپان» باعدار­لا­مالارى ايا­­سىن­دا اشىلدى. اۋرۋحانا مەن ەمحانا سانى ەكى ەسەگە ارتتى. سولتۇستىك قازاقستان وبلىسى­نىڭ اكىمى س.ءبىلالوۆ پرەزيدەنتتى ءوڭىر­­­دىڭ الەۋمەتتىك-ەكونومي­كا­لىق دا­مۋى­­­­­نىڭ ناتيجەلەرىمەن تانىس­تىر­دى. سولتۇستىك قازاقستان وب­لى­سىن­دا رەس­­­­پۋبليكالىق كولەم­دە­گى اۋىل شارۋا­­­­شىلىعى ونىمدە­رى­نىڭ 12 پاي­ىزى وندىرىلەدى. بي­ىلعى جىلى سولتۇس­تىك­­­قا­زاق­ستان­دىق ديقاندار تۇسىم­دى­لى­گى گەك­تا­رىنا 21 تسەنتنەردەن كەلەتىن, 8 ملن. توننادان استام استىق جينادى. ۇدەمەلى يندۋستريالىق-يننو­­ۆا­­تسيالىق دامۋ باعدارلاماسىنا سول­تۇستىك قازاقستان وبلىسىنان سوما­سى 28,5 ملرد. تەڭگە بولاتىن 15 ين­نوۆاتسيالىق جوبا ەنگىزىلدى. وڭىردە 103 مىڭ ادام ەڭبەك ەتەتىن, 21 مىڭنان استام بەلسەندى شا­عىن جانە ورتا كاسىپكەرلىك سۋب­ەك­تىلەرى جۇمىس ىستەيدى. جۇ­مىس­­­پەن قامتۋ جانە جاڭا جۇمىس ور­ىن­دارىن قۇرۋ كارتاسى ازىر­لەنگەن. مەملەكەت باسشىسى نۇر­سۇل­تان نازارباەۆ بەيبىتشىلىك جانە كەلىسىم سارايىنىڭ وپەرا زالىنا كەلىپ, ءۇش وبلىستىڭ كۇن­دە­­­رىنىڭ گالا-كونتسەرتىن تاما­شا­لا­دى. سۋرەتتەردى تۇسىرگەندەر س.بوندارەنكو, ب.وتارباەۆ, و.بالمۇرات.