ۆيتسە-مينيستر قر ۇەم ۇلت جوسپارى اياسىندا «يندۋستريالاندىرۋ جانە ەكونوميكالىق ءوسىم» باعىتى بويىنشا ءتورت قادامدى ىسكە اسىرۋعا جاۋاپتى ەكەنىن ايتتى. ونىڭ ۇشەۋى سالىق پەن كەدەن ساياساتىنا جانە بىرەۋى مونوپولياعا قارسى جۇمىسپەن بايلانىستى.
سالىق تولەمدەرى قازاقستان رەسپۋبليكاسىنىڭ مەملەكەتتىك كىرىستەرىنىڭ شامامەن 64%-ىن قۇرايدى. سالىق جانە كەدەن ساياساتىن وڭتايلاندىرۋ - ساپالى ەكونوميكالىق ءوسىم مەن ەلىمىزدىڭ ينۆەستيتسيالىق تارتىمدىلىعىن ارتتىرۋدىڭ ماڭىزدى قۇراۋىشى.
ۇلت جوسپارى اياسىندا اتالعان باعىت بويىنشا قولدانىستاعى سالىق رەجيمدەرىن وڭتايلاندىرۋ جۇمىستارى جۇرگىزىلىپ جاتىر - سالىق جانە كەدەن كودەكستەرىنىڭ جاڭا جوبالارى ازىرلەندى. سالىق تۇرعىسىنان مەملەكەت تاراپىنان بيزنەستى اكىمشىلىكتەندىرۋدى جەڭىلدەتۋ, نەسيەلەۋدى ىنتالاندىرۋ, سونداي-اق گەولوگيالىق بارلاۋ جۇمىستارىنا ينۆەستيتسيالار سالۋ كوزدەلگەن. سونىمەن قاتار, سالىق كونسۋلتانتتارى ينستيتۋتىن, ديستانتسيالىق اۋديت جانە سالىق نەسيەلەرىن ەنگىزۋ جوسپاردا بار.
«كودەكس جوباسىن ازىرلەۋ جۇمىسى اياقتالدى, ءبىز ونى وسى ايدا پارلامەنتكە ۇسىنۋدى جوسپارلاپ, 2018 جىلدان باستاپ قولدانىسقا ەنگىزىلەدى دەپ كوزدەپ وتىرمىز», - دەدى ر. دالەنوۆ.
كەدەن باقىلاۋى تۋرالى ايتار بولساق, مۇندا دەكلاراتسيالاۋ كەزىندە ەلەكتروندى تەحنولوگيالاردى ەنگىزۋگە, كەدەندىك وپەراتسيالاردى ورىنداۋ كەزىندە اۆتوماتتى اقپاراتتىق جۇيەلەردى قولدانۋعا جانە باقىلاۋدان ءوتۋ بارىسىندا «بىرىڭعاي تەرەزە» تەتىكتەرىن بەلسەندى پايدالانۋعا باسىمدىق بەرىلەدى.
