مۇنىڭ الدىندا, دالىرەك ايتساق, 2015 جىلى اقجار اۋدانىنىڭ كوممۋنيزم ەلدى مەكەنىندە شەكارالىق وتكىزۋ بەكەتىن سالعان بولاتىن. ەندى, مىنە, كىشىقاروي اۋىلدىق وكرۋگىندە سۋ وتكىزگىسى بار كوپىر پايدالانۋعا بەرىلدى. وكرۋگ تۇرعىندارى ءۇشىن الەۋمەتتىك ماڭىزى بار نىساندى پەتروپاۆل شەكاراشىلار جاساعىنىڭ ينجەنەرلىك جاساعى تۇرعىزدى. وسىلايشا كوپتەن بەرى جول قيىندىعىن كورىپ كەلگەن شالعاي اۋىل ادامدارى اۋرە-سارساڭنان قۇتىلدى. بۇدان بىلاي وبلىس ورتالىعىنا جانە دە رەسەيدىڭ ومبى وڭىرىنە تۋرا قاتىناي الادى.
پەتروپاۆل شەكاراشىلار جاساعى باسشىسىنىڭ ورىنباسارى جانات ىسقاقوۆتىڭ ايتۋىنشا, قۇرىلىس جوباسىندا جەرگىلىكتى تۇرعىنداردىڭ ۇسىنىس-وتىنىشتەرى ەسكەرىلىپ, اينالما جول قاشىقتىعىن اجەپتاۋىر قىسقارتىلعان. سونداي-اق كوپىر جانىندا جاساندى سۋ ايدىنى پايدا بولعان.
ءومىر ەسقالي,
«ەگەمەن قازاقستان»
