جارىس الدىندا ءتۋرنيردىڭ 2015 جىلى «كورەرمەن كوزايىمى» بولعان قىزىلوردالىق بالۋان نۇرىم سالىمگەرەەۆتەن تۋرنير تۋرالى پىكىرىن سۇراعان ەدىك.
– 2015 جىلى نۇرىم سالىمگەرەەۆ «قازاقستان بارىسى» تۋرنيرىندە جارق ەتىپ شىعىپ, جوق بولىپ كەتتى...
– بەلگىلى ءبىر سەبەپتەرگە بايلانىستى سپورتتان بىرنەشە ايعا قول ءۇزىپ قالدىم. ناقتى قانداي سەبەپ ەكەنىن ايتپاي-اق قويايىن. سونىمەن قاتار, سپورتشىلاردىڭ جاراقات دەگەن بالۋانداردان بولەك تاعى ءبىر «قارسىلاسى» بار. وكىنىشكە قاراي, 2016 جىلى جاراقاتىما بايلانىستى بىرقاتار جارىستارعا قاتىسا الدىم. كورىنبەي كەتۋىمنىڭ نەگىزگى سەبەبى دە وسى ەدى.
– ءبىر جىلدىق ۇزىلىستەن سوڭ «قازاقستان بارىسىنا» قايتا ورالدىڭ. وسى جىلعى تۋرنيرگە جاقسى دايىندىقپەن كەلگەن شىعارسىڭ؟
– ارينە. بابىما ەنىپ, 100 پايىز دايىن بولعان سوڭ كەلدىم. بارشا قىزىلوردا جۇرتى ماعان سەنىپ, ءۇمىت ارتىپ وتىر. بۇيىرسا, جانكۇيەرلەرىمنىڭ ءۇمىتىن اقتاۋعا تىرىسامىن.
– كۇرەسىڭدى قاراساق, بوزكىلەمدە قارسىلاسىڭنان يمەنبەي ەركىن كۇرەسكەنىڭمەن, ۇتىلىپ قالىپ جاتاسىڭ. نەلىكتەن؟
– كوپ جاعدايدا تاجىريبەنىڭ ازدىعىنان قارسىلاستارىمنان جەڭىلىپ قالامىن. مۇمكىن, جەڭىس بۇيىرماعان شىعار دەپ ءوزىمدى ىشتەي جۇباتىپ قويامىن. سپورتتا ەڭ باستىسى – تاجىريبە عوي. تاجىريبەمەن جانە ايلا-تاسىلمەن بارلىعىن جەڭۋگە بولادى. بۇيىرسا, بيىل بار كۇش-جىگەرىمدى, وسىعان دەيىن جيعان-تەرگەن تاجىريبەمدى سالىپ كۇرەسۋگە تىرىسامىن.
– سەنىڭشە بيىل كىم جەڭىمپاز بولادى؟
– «قازاقستان بارىسىنا» بارلىق بالۋان جەڭەمىن دەپ كەلەدى عوي. ەشكىمنىڭ جەڭىلگىسى كەلمەيدى. دەگەنمەن, ءبارى ءبىر اللانىڭ قولىندا. مەن-مەن دەگەننەن ەش پايدا جوق. كىمنىڭ مىقتى ەكەنىن بوزكىلەمدە انىقتايتىن بولامىز.
اڭگىمەلەسكەن
ابزال ورىنباسار
