«استانا ەكسپو-2017» حالىقارالىق مامانداندىرىلعان كورمەسى الاڭىندا الەمنىڭ 115 مەملەكەتى مەن 22 بەدەلدى حالىقارالىق ۇيىمىنىڭ جالاۋى جەلبىرەپ تۇر. وسى ايتۋلى حالىقارالىق ۇيىمنىڭ ىشىندەگى ءبىرى دە بىرەگەيى بىرىككەن ۇلتتار ۇيىمى ەكەندىگى داۋسىز. كەشە جاھاندىق كورمە باعدارلاماسى اياسىندا بۇۇ كۇنى سالتاناتتى جاعدايدا اشىلدى.
«استانا ەكسپو-2017» حالىقارالىق مامانداندىرىلعان كورمەسى الاڭىندا الەمنىڭ 115 مەملەكەتى مەن 22 بەدەلدى حالىقارالىق ۇيىمىنىڭ جالاۋى جەلبىرەپ تۇر. وسى ايتۋلى حالىقارالىق ۇيىمنىڭ ىشىندەگى ءبىرى دە بىرەگەيى بىرىككەن ۇلتتار ۇيىمى ەكەندىگى داۋسىز. كەشە جاھاندىق كورمە باعدارلاماسى اياسىندا بۇۇ كۇنى سالتاناتتى جاعدايدا اشىلدى.
– ءبىز بۇگىن اسا ماڭىزدى دا ۇلكەن وقيعانىڭ كۋاسى بولىپ وتىرمىز. ەلوردامىز استانادا ءوتىپ جاتقان ەكسپو-2017 حالىقارالىق كورمەسى شىن مانىندەگى الەمدىك وقيعاعا اينالدى. ونىڭ ءبىر كۋاسى رەتىندە ءبىز بىرىككەن ۇلتتار ۇيىمى كۇنىنىڭ اشىلۋ سالتاناتىنا قاتىسىپ وتىرمىز. اقيقاتىندا قازاقستان ءۇشىن بۇۇ – بالاماسى جوق بىرەگەي ۇيىم. سوندىقتان, قازاقستان بۇۇ-مەن ىنتىماقتاستىقتى بارىنشا ارتتىرۋ ماقساتىنا باسىمدىق بەرىپ كەلدى, الداعى ۋاقىتتا دا ونى دامىتۋ ءۇشىن بارلىق كۇش-جىگەرىمىزدى جۇمسايتىن بولامىز, – دەدى بۇۇ كۇنىنىڭ اشىلۋ سالتاناتىنا ارنالعان القالى جيىندا العاش ءسوز العان قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ.
«استانا ەكسپو-2017» حالىقارالىق مامانداندىرىلعان كورمەسىندەگى بۇۇ-نىڭ باس كوميسسارى جيحان سۇلتانوعلى الەمدىك ۇيىمنىڭ اتىنان «بولاشاقتىڭ ەنەرگياسى» ۇرانىمەن بۇكىلالەمدىك كورمە وتكىزىپ وتىرعان قازاقستانعا شىنايى العىسىن جەتكىزدى. «بىرىككەن ۇلتتار ۇيىمى قازاقستان ۇكىمەتىنە, كورمەنى ۇيىمداستىرۋشىلارعا, بارلىق قازاقستاندىقتارعا جانە استانا قالاسىنىڭ تۇرعىندارىنا ەكسپو حالىقارالىق كورمەسىن وتكىزگەنى ءۇشىن جانە وعان قاتىسۋعا بۇۇ-نى شاقىرعانى ءۇشىن شەكسىز ريزاشىلىعىن بىلدىرەدى. سىزدەردى وسى ۇلكەن جوبالارىڭىزدى جۇزەگە اسىرۋلارىڭىزبەن قۇتتىقتايمىن!», − دەدى ول ءوز سوزىندە.
باس كوميسساردىڭ ايتۋى بويىنشا, ەكسپو-2017 كورمەسىنىڭ باس تاقىرىبى – «بولاشاقتىڭ ەنەرگياسى» بۇۇ-نىڭ ازىق-ت ۇلىك قاۋىپسىزدىگىن قامتاماسىز ەتۋدەگى, ايەلدەردىڭ مۇمكىندىكتەرى مەن قۇقىقتارىن كەڭەيتۋدەگى باستامالارىمەن, ەنەرگەتيكا, تۇراقتى دامۋ سالاسىندا اتقارىپ جاتقان شارالارىمەن جانە كليماتتىڭ وزگەرۋىنە قارسى قابىلدانعان باعدارلامالارىمەن تىعىز ۇندەستىك تاۋىپ وتىرعان كورىنەدى. «ەلەكتر جارىعى ەشقاشان وشپەيتىن قولايلى ۇيلەردە تۇراتىن تۇرعىندار ءۇشىن الەمدە 1,3 ملرد ادامنىڭ ء الى كۇنگە دەيىن ەلەكتر ەنەرگياسىن پايدالانا الماي وتىرعاندىعىن ءتۇسىنۋ قيىن. بۇل ادامداردىڭ نەگە قولى جەتپەي وتىرعاندىعىن ويلاپ كورىڭىزدەرشى؟ كوپتەگەن بالا تاماق ءپىسىرۋ ءۇشىن وتىن دايىنداۋ بارىسىندا مەكتەپكە بارۋ مۇمكىندىگىنەن ايىرىلعان. ميلليونداعان ەگىنشى سۋارمالى ەگىستىكتىڭ جۇمىسىن جانداندىراتىن ەلەكتر ەنەرگياسىنىڭ جوقتىعىنان قۋاڭشىلىق زاردابىن شەگىپ وتىر», دەدى ودان ءارى جيحان سۇلتانوعلى.
باس كوميسسار جينالعان جۇرتتى ەكسپو-2017 قالاشىعىنداعى حالىقارالىق ۇيىمدار پاۆيلونىندا ورنالاسقان بۇۇ جادىگەرلەرىمەن تانىسۋعا شاقىردى. بۇۇ جادىگەرلەرى حالىقارالىق ۇيىمدار پاۆيلونىنداعى اۋقىمدى الاڭدى الىپ جاتىر. مۇندا جاھاندىق جىلىنۋ ءۇردىسىنىڭ الدىن الۋعا باعىتتالعان تاقىرىپتاعى نەبىر وزىق يدەيالار كورىنىس تاپقان. بۇل جادىگەرلەر ادامزاتتى پاريج كەلىسىمىنە سايكەس جاھاندىق جىلىنۋ دەڭگەيىن 1,5 گرادۋستان اسىرماۋعا ۇندەيدى. بۇل بۇگىنگى تاڭداعى بارلىق وزىق ويلى ادامزاتتىڭ باستى پارىزى بولۋعا ءتيىس.
جىلقىباي جاعىپار ۇلى,
«ەگەمەن قازاقستان»
سۋرەتتى تۇسىرگەن ەرلان وماروۆ
