ەندىگى جەردە 14 پايىزدىق جىلدىق مولشەرلەمەنىڭ 7 پايىزىن «دامۋ» قورى سۋبسيديالايدى. جالپى سوماسى 400 ميلليلون تەڭگە بولاتىن نەسيە 3 جىل مەرزىمگە «سبەربانك» اق ەب ارقىلى بەرىلەدى. كومپانيانىڭ ءوز قاراجاتى 102 ملن تەڭگە, جوبانىڭ جالپى قۇنى 502 ملن تەڭگەنى قۇرايدى.
بولىنگەن قاراجىعا قۇرىلىس كومپانياسى اقتوبەدە جالپى اۋماعى 3 771 شارشى مەتر (54 پاتەر) بولاتىن 9 قاباتتى تۇرعىن ءۇي كەشەنىن سالماق. «نۇرلى جەر» باعدارلاماسى مەن «سبەربانك» اق ەب جانە «تۇرعىنۇي قۇرىلىس جيناق بانكى» اق اراسىنداعى تالاپ بويىنشا جاڭا كەشەننىڭ 27 پاتەرى تۇرعىن ءۇي قۇرىلىس جيناق بانك سالىمشىلارىنا شەكتەۋلى باعامەن بەرىلەدى. وسىلايشا, قۇرىلىس اياقتالعان سوڭ اتالعان بانك سالىمشىلارى شارشى مەترى 140 مىڭ تەڭگە بولاتىن پاتەرلەرگە قول جەتكىزە الادى. اقتوبەدەگى بۇل جاڭا تۇرعىن ءۇي كەشەنى بيىل 15 تامىزدا پايدالانۋعا بەرىلەدى.
«نۇرلى جەر» باعدارلاماسى باعىتتارىنىڭ ءبىرى – جەكە كومپانيالاردى قۇرىلىس جۇمىستارىن جۇرگىزۋگە ىنتالاندىرۋ. ەسەسىنە ەكىنشى دەڭگەيلى بانك نەسيەسىنىڭ سىياقى مولشەرلەمەسى سۋبسيديالانادى. بۇل – حالىقتىڭ قول جەتىمدى پاتەرگە يە بولۋىنا مۇمكىندىك بەرەدى», – دەدى «دامۋ» كاسىپكەرلىكتى دامىتۋ قورى» اق باسقارما توراعاسى اباي سارقۇلوۆ.
ەستەرىڭىزگە سالا كەتەيىك, «نۇرلى جەر» باعدارلاماسى جەكە قۇرىلىس كومپانيالارعا قر ۇلتتىق بانك بەلگىلەگەن 16 پايىز سىياقى مولشەرلەمەسىمەن نەسيە بەرۋدى كوزدەيدى. «دامۋ» قورى 7%-ىن سۋبسيديالايدى. كومپانيا قالعان 9 پايىزىن وتەيدى. سۋبسيديالار تۇرعىن-ءۇي قۇرىلىسىمەن اينالىسىپ جۇرگەن كاسىپكەرلەردىڭ جاڭا نەسيەلەرىنە بەرىلەدى.
ايناش ەسالي,
«ەگەمەن قازاقستان»
