ماۋسىمدا مالتا ارالىندا Monde Selection ساپاسى حالىقارالىق تاۋەلسىز ساراپتاماسىنىڭ جەڭىمپازدارىن رەسمي تۇردە ماراپاتتاۋ ءراسىمى وتكەن. مارەگە تەك جاپوندىق سۋ برەندى مەن اينالىپ كەلگەندە التىن ساپا بەلگىسىنە يە بولعان قازاقستاندىق TURAN تابيعي مينەرالدى سۋى شىقتى. TURAN تابيعي مينەرالدى سۋى جاسى 15 مىڭ جىلدان اساتىن جەراستى ۆالدايلىق مۇزدىق كوزىنىڭ ورنىنداعى قۇسكولدەن (كوكشەتاۋ قىراتى, كوكشەتاۋ-بۋراباي) الىنادى.
Monde Selection حالىقارالىق تاۋەلسىز ساراپتاماسىنىڭ قازىلار القاسى ميشلەن رەستوراندارىنىڭ اتاقتى اسپازدارىنان, سومەلە, عالىم-ديەتولوگتاردان جانە الەمنىڭ تاماق يندۋسترياسىنىڭ تەحنولوگتارىنان تۇرادى. سوندىقتان Monde Selection ماراپاتى بۇكىل الەمدە ادىلدىگىمەن جوعارى باعالانىپ جانە ءسوزسىز سەنىم ۇيالاتادى.
الدىمەن Monde Selection ساپا بەلگىسى حالىقارالىق ساراپتاماسىن تاماق ونىمدەرىنىڭ يندۋسترياسى رەستوران يندۋسترياسىنىڭ اتاقتى ميشلەن جۇلدىزدارىمەن ءجيى سالىستىراتىنىن ايتا كەتۋگە بولادى.
وسىلايشا تاريحتا العاش رەت قازاقستاندىق برەند حالىقارالىق ساپا ينستيتۋتىنىڭ ساراپتاماسىنا ىلىگىپ, بىردەن جىلدا التىن يەلەنىپ كەتىپ جۇرگەن جاپوندىق ەڭ ۇزدىك وندىرۋشىلەرمەن ءبىر ساتىدان تابىلدى. ەندى بۇل التىن الەمدىك ساپا بەلگىسى رەتىندە TURAN-نىڭ ەتيكەتكاسىنىڭ ءسانىن كەلتىرمەك.
Asia Waters كومپانياسىنىڭ باس ديرەكتورىنىڭ ورىنباسارى شالقار نۇرتىلەۋوۆتىڭ ايتۋىنشا, جاپوندىق وكىلدەر قازاقستاندا شىعاتىن TURAN سۋىنىڭ بوتەلكەسىن تاڭدانا قاراعان. ال سۋدى تاتىپ كورگەندە, دەرەۋ بايلانىس تەلەفوندارىن سۇراعان.
– جاسىراتىنى جوق, بۇل ءبىز ءۇشىن قانداي ماقتانىش بولسا, ەلىمىز ءۇشىن دە سونداي مارتەبە. ءبىز ەندى جاپون مەملەكەتىنە TURAN سۋىن ەكسپورتتاۋ ۇسىنىسىن قاراستىرىپ جاتىرمىز, – دەيدى Asia Waters كومپانياسىنىڭ باسشىلارى.
2017 جىلى Monde Selection-دا الەمنىڭ 80 مەملەكەتىنەن 2156 برەند ۇسىنىلسا, ونىڭ تەك 500-ءى عانا ساراپتاماعا ىلىككەن.
Monde Selection 1961 جىلدان بەرى سۋدىڭ, الكوگولدى جانە الكوگولسىز سۋسىنداردىڭ, ىرىمشىكتەردىڭ, شوكولادتار مەن باسقا دا الەمنىڭ كوپتەگەن تاماق يندۋسترياسىنداعى ونىمدەرىنە ساراپتاما جۇرگىزەدى. ساراپتاما ارقىلى ەتيكەتكادا كورسەتىلگەن اقپاراتتىڭ قانشالىقتى سايكەستىگىن تەكسەرەدى. ءونىمنىڭ ساپاسىن انىقتايتىن وتىزدان سەكسەنگە دەيىن ارالىقتاعى ولشەمدەرگە سايكەس ساراپتامادان وتكەن ونىمگە قولا, كۇمىس نەمەسە التىن بەرىلەدى. ال بۇل ساپانى بىرنەشە جىل ارالىعىندا ۇستاعان جاعدايدا ءونىم گراند-التىندى دا الا الادى.
ايناش ەسالي,
«ەگەمەن قازاقستان»
