وندا ءسوز العان دەپارتامەنت باستىعىنىڭ ورىنباسارى پولكوۆنيك باتىرعالي سوپبەكوۆ شومىلۋ ماۋسىمى باستالعانىن ايتىپ, وڭتۇستىكقازاقستاندىقتاردى ساق بولۋعا شاقىردى.
«سۋ ايدىندارىندا ادامداردىڭ ءولىمىن بولدىرماۋ ماقساتىندا, اسىرەسە شومىلۋ ماۋسىمى كەزەڭىندە, جەدەل-قۇتقارۋ جاساقتىڭ مۇمكىندىكتەرى ماكسيمالدى تۇردە پايدالانۋدا. بۇگىنگى كۇنى وبلىستىڭ سۋ ايدىندارىندا قاۋىپسىزدىكتە 90 جەدەل-قۇتقارۋ جاساعىمەن قامتاماسىز ەتىلسە, 22 اۆتوكولىك جانە قۇتقارۋ تەحنيكاسى, 30 سۋداعى قۇرالدارى, 50 سۇڭگۋىر جابدىقتارى مەن قۇرال-سايماندارى دايىندىققا كەلتىرىلگەن. جالپى العاندا, جوعارىدا كورسەتىلگەن قابىلدانعان ءىس-شارالاردىڭ ارقاسىندا سۋعا باتقانداردىڭ سانىن جىل باسىنان بەرى 24% -عا تومەندەتۋگە قول جەتكىزدىك. الدىن الۋ جانە تۇسىندىرمە جۇمىستارى شومىلۋ ماۋسىمىنىڭ سوڭىنا دەيىن جالعاسادى»,-دەدى باتىرعالي سوپبەكوۆ.
مۇنان بولەك, ءباسپاسوز كونفەرەنتسياسىندا ءورت قاۋىپسىزدىگى بويىنشا دەپارتامەنت باستىعىنىڭ ورىنباسارى ازاماتتىق قورعاۋ پولكوۆنيگى نۇرعالي ءجۇنىسوۆ مالىمدەمە جاسادى.
ونىڭ ايتۋىنشا, دالا القاپتارىنداعى ورتتەردى ءسوندىرۋ ءۇشىن جۇمىلدىرىلاتىن بارلىق كۇشتەر مەن قۇرالدارعا جالپى 37 ملن. 163 مىڭ تەڭگە قارجى بولىنگەن. ال, وبلىس اۋماعىندا ورمان جانە دالا ورتتەرىن دەر كەزىندە انىقتاۋ ماقساتىندا عارىش مونيتورينگىنە جالپى 6,5 ملن. تەڭگە قارجى قارالىپ, ءتيىستى مەكەمەمەن كەلىسىمشارت تۇزىلگەن.
«ورمان-دالا ورتتەرىن دەر كەزىندە ءسوندىرۋ ماقساتىندا اۋىل وكرۋگتەرىندە جالپى 9281 ادامداردان تۇراتىن 825 ەرىكتى ءورت ءسوندىرۋ قۇرىلىمدارى قۇرىلدى. بۇگىنگى كۇنى وبلىس اۋماعىندا رەسپۋبليكالىق جانە وبلىستىق ماڭىزى بار اۆتوموبيل جولدارى, تەمىرجول بويى مەن ەگىس القاپتارىندا ورتكە قارسى مينەرالدى جولاق جىرتۋ جۇمىستارى جۇرگىزىلۋدە. جولاقتاردىڭ ساپالى جۇرگىزىلۋىن قاداعالۋ ماقساتىندا وبلىستان ارنايى كوميسسيا شىعىپ باقىلاۋدا»,-دەدى نۇرعالي ءجۇنىسوۆ.
سونداي-اق, ءباسپاسوز كونفەرەنتسياسىندا وبلىستىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى ا.بەرداشوۆ شومىلۋ ماۋسىمى قارساڭىندا «قاجىمۇقان» ستاديونىنداعى جابىق «سۋ كومپلەكسىندە» سۋدا ءجۇزۋ بويىنشا ترەنەرلەرمەن جانە قۇتقارۋشىلارمەن 100-دەن اسا جاسوسپىرىمدەرگە جاتتىقتىراتىن ساباقتار وتكىزىلگەنىن ايتتى. سونىمەن قاتار, ول وبلىستاعى اۋداندار مەن قالالاردا كوپتەگەن ءىس-شارالار ۇيىمداستىرىلعانىن جەتكىزدى. ماسەلەن, سوزاق اۋدانىنداعى «شۇعىلا» باسسەينىندە 7 توپتان تۇراتىن 84 بالاعا ۇيىرمە جۇمىس جاسايدى. ال, كەنتاۋ قالاسىنداعى مادەنيەت سارايىندا 1000 ستۋدەنتتەر مەن وقۋشىلارعا ارنايى ترەنەرلەردىڭ قاتىسۋىمەن سۋداعى قاۋىپسىزدىك ەرەجەلەرى بويىنشا تۇسىندىرمە جۇمىستارى ۇيىمداستىرىلدى.
«جالپى وبلىس بويىنشا باسسەيندە شۇعىلداناتىن سپورتشىلارىنىڭ سانى 507 ادامدى قۇرايدى. ال دەنساۋلىعىن ساۋىقتىرۋ جانە ءجۇزۋدى ۇيرەنۋ ماقساتىندا 18 جاستان 70 جاسقا دەيىنگى 500-گە جۋىق ازامات كۇنىنە نەگىزگى ساباقتاردان تىس ۋاقىتتا شۇعىلدانادى», -دەدى ا.بەرداشوۆ.
